<div class="item-page">
<p><span style="color: #000000;"><strong>(ភ្នំពេញ)៖</strong> រដ្ឋបាលរាជធានីភ្នំពេញ នៅថ្ងៃទី០៤ ខែមករា ឆ្នាំ២០១៧នេះ បានចេញសេចក្ដីជូនដំណឹងបញ្ជាក់ថា នៅវេលាម៉ោង២រំលងអាធ្រាត ថ្ងៃទី០៥ ខែមករា ឆ្នាំ២០១៧ស្អែកនេះ នឹងមានការដឹកជញ្ជូនសម្ភារយោធភណ្ឌមួយចំនួន របស់កងយោធពលខេមរភូមិន្ទ កាត់តាមរាជធានីភ្នំពេញ ចូលទៅមជ្ឈមណ្ឌលសន្និបាត និងពិព័រណ៌កោះពេជ្រ។</span></p>
<p><span style="color: #000000;">សេចក្ដីជូនដំណឹងបានបញ្ជាក់ថា ការដឹកជញ្ជូនសម្ភារយោធភណ្ឌទាំងនេះ គឺដើម្បីរៀបចំកម្មវិធីប្រកួតកីឡាកងយោធពលខេមរភូមិន្ទ ដែលរៀបចំដោយគណៈកម្មាធិការ រៀបចំកីឡាកងយោធពលខេមរភូមិន្ទ អបអរសាទរទិវាជ័យជម្នះ៧មករា នៅមជ្ឈមណ្ឌលសន្និបាត និងពិព័រណ៌កោះពេជ្រ ចាប់ពីថ្ងទី៦ ដល់ទី៨ ខែមករា ឆ្នាំ២០១៧។ </span></p>
<p><span style="color: #000000;">សេចក្ដីជូនដំណឹងបានបន្តថា សម្ភារយោធភណ្ឌទាំងនោះ រួមមាន៖ រថពាសដែកចំនួន២គ្រឿង និងរថយន្តយោធាចំនួន១៥គ្រឿង ដែលដឹកជញ្ជូនដោយកងពលតូច អន្តរាគមន៍លេខ៧០ ឆ្លងកាត់តាមកំណាត់ផ្លូវជាតិលេខ៣ ផ្លួវវេងស្រេង មហាវិថីមុនីរ៉េត មហាវិថីម៉ៅសេទុង និងមហាវិថីព្រះសុធារស។</span></p>
<p><span style="color: #000000;">ជាមួយគ្នាសម្ភារយោធភណ្ឌនេះ នឹងត្រូវដឹកត្រឡប់ចេញបន្ទាយវិញ នៅវេលាម៉ោង២រំលងអាត្រាធ្រ នាថ្ងៃទី០៩ ខែមករា ឆ្នាំ២០១៧៕</span></p>
<p><span style="color: #000000;"><strong>ខាងក្រោមនេះ ជាសេចក្ដីជូនដំណឹង របស់រដ្ឋបាលរាជធានីភ្នំពេញ៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2017/1/5/1-05-01-2017--11-02-50.png"><img src="/FileManager/Articles/mce/2017/1/5/1-05-01-2017--11-02-50.png" alt="" /></a><br /></strong></span></p>
<p style="text-align: center;"><span style="color: #000000;"><strong><br /></strong>រូបភាពឯកសារ</span></p>
<p><span style="color: #000000;"><img src="http://image.freshnewsasia.com/2016/ID-112/fn-2017-01-04-17-16-36-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>