<p><span style="color: #000000;"><strong>(ភ្នំពេញ)៖</strong> ខ្សែប្រយុទ្ធឆ្នើមរបស់កម្ពុជា ចាន់ វឌ្ឍនាកា ដែលកំពុងលេងឲ្យក្លឹប Fujieda MYFC របស់ជប៉ុន បានសម្ដែងការគាំទ្រពីចម្ងាយ ចំពោះប្រសាសន៍ដ៏មានន័យរបស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅក្នុងពិធីសម្ពោធដាក់ឲ្យប្រើប្រាស់អគារសិក្សា អគារទីចាត់ការ និងសមិទ្ធផលមួយចំនួនទៀត នៅវិទ្យាល័យតេជោ ហ៊ុន សែន បឹងកុក ក្នុងទីរួមខេត្តកំពង់ចាមកាលពីដើមសប្ដាហ៍នេះ ពិសេសគឺប្រសាសន៍បង្គាប់ឲ្យ អាជ្ញាខេត្តកំពង់ចាម ពិនិត្យនិងកសាងឡើងវិញនូវកីឡដ្ឋានបាល់ទាត់ ខេត្តកំពង់ចាមផ្ទាល់តែម្ដង។</span></p>
<p><span style="color: #000000;"><a class="thickbox" title="" href="/FileManager/Commons/2017/3/4/04a-04-03-2017--10-45-08.jpg"><img src="/FileManager/Articles/mce/2017/3/4/04a-04-03-2017--10-45-08.jpg" alt="" /></a><br /></span></p>
<p><span style="color: #000000;">កីឡាករជំនាញជើងឆ្វេងរូបនេះ បានសរសេរបង្ហោះលើទំព័រ Facebook ផ្ទាល់ខ្លួនថា <strong>«ថ្វីបើខ្ញុំបាទកំពុងស្ថិតនៅប្រទេសជប៉ុន ប៉ុន្តែខ្ញុំបានឮសារដ៏ មានន័យពីសម្ដេចនាយករដ្ឋមន្ត្រីម្សិលមិញ(ថ្ងៃទី២៨ ខែកុម្ភៈ) ដែលសម្ដេចបានបង្គាប់ឱ្យកសាងកីឡដ្ឋានបាល់ទាត់ខេត្តកំពង់ចាម ដែលជាខេត្ត កំណើតរបស់សម្ដេច និងជាខេត្តរបស់ក្លិបបឹងកេតអង្គរផងដែរ។ នេះជាដំណឹងដ៏ជាទីសោមនស្សរីករាយ សម្រាប់អ្នកស្នេហាកីឡានៅខេត្តកំពង់ចាម ក៏ដូចជាក្លិបបឹងកេតផ្ទាល់»</strong>។</span></p>
<p><span style="color: #000000;">វឌ្ឍនាកា បន្ដថា <strong>«មិនតែប៉ុណ្ណោះសម្ដេច ថែមទាំងបានលើកឡើងអំពីឈ្មោះខ្ញុំបាទ ចាន់ វឌ្ឍនាកា និងបងប្រុស ប្រាក់ មុន្នីឧត្ដម នៅក្នុងឱកាសសំណេះ សំណាលជាមួយលោកគ្រូអ្នកគ្រូ សិស្សានុសិស្សវិទ្យាល័យហ៊ុនសែនបឹងកុក ។ នេះជាមោទនភាពមួយសម្រាប់ខ្ញុំបាទ និងគ្រួសារ និងជាកម្លាំងចិត្តដ៏ សំខាន់សម្រាប់ការបន្តប្រឹងប្រែងឱ្យទទួលបានជោគជ័យក្នុងអាជីពឆ្នាំដំបូងនៅប្រទេសជប៉ុន ហើយខ្ញុំបាទប្ដេជ្ញាចិត្តដើម្បី រួមចំណែកលើកមុខមាត់ បាល់ទាត់ខ្មែរលើឆាកអន្តរជាតិបន្ថែមទៀត»</strong>។</span></p>
<p><span style="color: #000000;">នេះគឺជាការលើកឡើងរបស់ខ្សែប្រយុទ្ធវ័យ២៣ឆ្នាំ និងមានស្រុកកំណើតនៅខេត្តកំពតខាងលើ ស្របពេល ចាន់ វឌ្ឍនាកា បច្ចុប្បន្នកំពុងលេងឲ្យ ក្លឹបលំដាប់ទី៣ នៃប្រទេសជប៉ុន គឺក្លឹប Fujieda MYFC ក្នុងលក្ខខណ្ឌខ្ចីជើងមួយរដូវកាល(ឆ្នាំ២០១៧-២០១៨) ពីក្លឹបបឹងកេតអង្គររបស់កម្ពុជា៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-07-53-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-03-03-07-53-34-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>