<p class="normal" style="text-align: left;"><span style="color: #000000;">ទំព័រ TTXVN របស់វៀតណាម ដកស្រង់សំដីរបស់មន្ត្រីស្ថានទូតវៀតណាម នៅប្រទេសថៃ ឱ្យ</span><br /><span style="color: #000000;">ដឹងថា នៅវេលាម៉ោង ១៤ ថ្ងៃទី ៨កក្កដា នាវារបស់កងទ័ពថៃ បានបាញ់ប្រហារទៅលើទូកនេសាទ</span><br /><span style="color: #000000;">បីគ្រឿងរបស់វៀតណាម។</span></p>
<p class="normal" style="text-align: center;"><span style="color: #000000;"><a class="thickbox" title="" href="/FileManager/Commons/2016/7/11/navy-11-07-2016--09-40-47.jpg"><span style="color: #000000;"><img src="/FileManager/Articles/mce/2016/7/11/navy-11-07-2016--09-40-47.jpg" alt="" /></span></a></span></p>
<p class="normal" style="text-align: center;"><span style="color: #000000;">ទូកនេសាទវៀតណាម</span><br /><br /></p>
<p class="normal"><span style="color: #000000;">ទូកនេសាទខាងលើ មានស្លាកលេខបញ្ជាក់ថា ពួកគេមកពីខែត្របឺនត្រែ ប្រទេសវៀតណាម។ </span><br /><span style="color: #000000;">ទូកនេសាទទាំងនេះ ត្រូវគេជឿថា បានចូលនេសាទក្នុងដែនសមុទ្ររបស់ថៃ។ ទូកនេសាទពីរ</span><br /><span style="color: #000000;">គ្រឿងរបស់វៀតណាម បានប៉ះទង្គិចជាមួយនឹងនាវាថៃ បណ្ដាលឱ្យទូកនេសាទ ត្រូវលិច។</span></p>
<p class="normal"><span style="color: #000000;">លោកង្វៀនហៃង៉ុក មន្ត្រីស្ថានទូកវៀតណាមប្រចាំប្រទេសថៃថ្លែងថា ការបាញ់ប្រហារនេះ បាន</span><br /><span style="color: #000000;">បណ្ដាលឱ្យអ្នកនេសាទពីរនាក់រងរបួស។ អ្នកនេសាទទាំងនេះ ត្រូវបានកងទ័ពថៃ ដឹកឡើងគោក</span><br /><span style="color: #000000;">តាមរយៈឧទ្ធម្ភាគចក្រ ហើយបច្ចុប្បន្ន កំពុងត្រូវបានឃុំខ្លួននៅតំបន់២ នៃមូលដ្ឋានទ័ពជើងទឹក</span><br /><span style="color: #000000;">ថៃ។</span></p>
<p class="normal"><span style="color: #000000;">តាមគម្រោង នៅថ្ងៃទី ១១នេះ ក្រុមអ្នកនេសាទខាងលើ នឹងត្រូវបានបញ្ជូនឡើងតុលាការ ហើយ</span><br /><span style="color: #000000;">ពួកគេអាចនឹងត្រូវចោទប្រកាន់ពីបទ ឆ្លងដែន និងនេសាទខុសច្បាប់។</span></p>
<p class="normal"><span style="color: #000000;">នេះគឺជាលើកទីពីរហើយដែល នាវានៃកងទ័ពជើងទឹកថៃ បាញ់ប្រហារទៅលើទូកនេសាទវៀត</span><br /><span style="color: #000000;">ណាម បណ្ដាលឱ្យមានអ្នករងរបួស។ កាលពីដើមខែកញ្ញា ឆ្នាំ ២០១៥ នាវាថៃ ក៏បានបាញ់ទៅ</span><br /><span style="color: #000000;">លើទូកនេសាទវៀតណាម បណ្ដាលឱ្យអ្នកនេសាទម្នាក់ស្លាប់ផងដែរ។</span></p>
<p class="normal"><span style="color: #000000;">ក្រសួងការបរទេសវៀតណាម បានផ្ញើលិខិតទៅកាន់ប្រទេសថៃ ដើម្បីស្នើឱ្យប្រទេស ធ្វើការស៊ើប</span><br /><span style="color: #000000;">អង្កេតឱ្យបានគ្រប់ជ្រុងជ្រោយ មុននឹងកាត់ទោស។ ប៉ុន្តែ មកដល់ពេលនេះ ភាគីថៃ មិនទាន់បាន</span><br /><span style="color: #000000;">ឆ្លើយតប់នៅឡើយ។</span></p>
<p class="normal" style="text-align: left;"><span style="color: #000000;">សូមរំលឹកថា ទូកនេសាទវៀតណាម ជារឿយៗតែងតែចូលនេសាទនៅលើដែនទឹករបស់ប្រទេស</span><br /><span style="color: #000000;">ក្បែរខាងខ្លួន មានដូចជាថៃ កម្ពុជា ឬម៉ាឡេស៊ី ហើយក្នុងករណីខ្លះ ទូកនេសាទវៀតណាមក៏ត្រូវ</span><br /><span style="color: #000000;">កងទ័ពប្រទេសទាំងនោះ (លើកលែងតែប្រទេសកម្ពុជា) បាញ់ប្រហារ ដូចក្នុងករណីខាងលើ។ </span><br /><span style="color: #000000;">កាលពីឆ្នាំ ២០១៥ ក៏មានករណីស្រដៀងនេះដែរ ប៉ុន្តែពេលនោះគឺនាវាឥណ្ឌូនេស៊ី ដែលបានបាញ់</span><br /><span style="color: #000000;">កំទេសទូកនេសាទវៀតណាមច្បាប់ចំនួនបីគ្រឿងផងដែរ នេះបើតាមទំព័រ <span style="color: #3366ff;"><a href="http://defence.pk/threads/indonesia-navy-blow-up-3-illegal-vietnamese-fishing-boat.347154/page-40"><span style="color: #3366ff;">defence.pk</span></a></span> ។</span></p>
<p style="text-align: right;"><span style="color: #000000;">ប្រែសម្រួល ៖ តារា</span></p>