<p><span style="color: #000000;"><strong>(បាត់ដំបង)៖ </strong><strong>ព្រះរាជអាជ្ញាអមសាលាដំបូងខេត្តបាត់ដំបង លោក នួន សាន ក៏ជាសាក្សីម្នាក់ដែលស្ថិត និងឃើញផ្ទាល់ពីបាតុភូតមួយនេះក៏បានអះអាងប្រាប់អង្គភាព Fresh News នៅព្រឹកថ្ងៃច័ន្ទនេះថា ពិតជាបានកើតឡើងយ៉ាងពិតប្រាកដ គឺភ្លៀងធ្លាក់ព្រិលទឹកកក នៅស្រុកមោងប្ញស្សី ខេត្តបាត់ដំបង។</strong> </span></p>
<p><span style="color: #000000;">ប្រជាពលរដ្ឋជាច្រើននាក់រស់នៅឃុំព្រៃតូច ស្រុកមោងឫស្សី ខេត្តបាត់ដំបង នៅល្ងាចថ្ងៃទី១៧ ខែមេសា ឆ្នាំ២០១៦ បានផ្អើលនាំគ្នាទៅរើសព្រិល ដែលបានធ្លាក់ពីលើមេឃយកទៅហូប ខណ:ដែលមានភ្លៀងលាយខ្យល់យ៉ាងខ្លាំង បានកើតឡើងមួយប្រាវ នៅតំបន់នោះ ដែលគេហៅថា ខ្យល់កន្រ្តាក់។ ហេតុការណ៌ដ៏កម្រនេះបានកើតឡើង ដ៏កម្រនៅប្រទេសកម្ពុជា ហេតុដូច្នេះហើយទើបប្រជាពលរដ្ឋ បាននាំគ្នាកាន់ផ្តិលរត់ទៅត្រង់ និងរើសព្រិលយកទៅហូប ដើម្បីស្គាល់ពីរសជាតិរបស់វា ពីព្រោះធ្លាប់តែឃើញតាមទូរទស្សន៍ ពីការធ្លាក់ព្រឹលនៅបរទេស។</span></p>
<p><span style="color: #000000;"><strong>លោក នួន សាន្ត បានបញ្ជាក់ប្រាប់ថាថា ខណៈដែលលោកកំពុងបើករថយន្ត បត់ពីផ្លូវជាតិលេខ៥ ឆ្ពោះទៅភ្នំធិបតី ស្រុកគាស់ក្រឡ ស្រាប់តែធ្វើដំណើរដល់ឃុំព្រៃតូច ក៏មានខ្យល់គួចដ៏ធំ ហើយឥទ្ធិពលដ៏ខ្លាំង នៅចំងាយប្រមាណ៣០ម៉ែត្រពីរថយន្តរបស់លោក។</strong></span></p>
<p><span style="color: #000000;">លោកព្រះរាជអាជ្ញារូបនោះបានបន្តថា បើតាមការប៉ាន់ស្មានខ្យល់គួចនេះ មានអង្កត់ផ្ចឹតពី២០ ទៅ៣០ម៉ែត្រ ហើយបើបក់ចំរថយន្តវិញ អាចនឹងបើងក៏ថាបានពីព្រោះធំពេក។</span></p>
<p><span style="color: #000000;">ក្រោយពេលមានខ្យល់ស្រាប់តែមានភ្លៀងធ្លាក់យ៉ាងខ្លាំងមែនទែន ប្រមាណ១៥នាទី ហើយក៏មានព្រឹលធ្លាក់មកលើកញ្ចក់រថយន្តរបស់លោកប៉ក់ៗ។ លុះពេលបើកទៅមុខបន្តិច ក៏ឃើញប្រជាជននៅទីនោះជាច្រើននាក់ នាំគ្នាកាន់ផ្តិលមករើសព្រិល យកទៅហូបពេលដែលលោកបានសួរនាំមកនោះ។ </span></p>
<p><span style="color: #000000;">យ៉ាងណាក៏ដោយហេតុការណ៍នេះ មិនបណ្តាលឲ្យរងគ្រោះថ្នាក់ដល់ជីវិតប្រជាពលរដ្ឋនោះឡើយ តែផ្ទះមួយចំនួនក៏រងការខូចខាតផងដែរ៕</span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-18-10-00-56-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-18-10-00-56-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-04-18-10-00-56-3.jpg" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>