<p><span style="color: #000000;"><strong>បាត់ដំបង៖</strong> ក្រោយពីមានការតាមដាន ស្រាវជ្រាវរបស់សម្ថកិច្ចនគរបាល អស់រយ:ពេល០៦ថ្ងៃមកនេះ ករណីឃាតកម្មបាញ់សម្លាប់ មន្ត្រីយោធាម្នាក់ បណ្តាលឱ្យស្លាប់បាត់បង់ជីវិត កាលពីថ្ងៃទី១៤ ខែវិច្ឆិកា ឆ្នាំ២០១៥ កន្លងទៅ ចំណុចភូមិភ្នំប្រាំពីរ ឃុំបួរ ស្រុកភ្នំព្រឹក ខេត្តបាត់ដំបង រហូតមកដល់ព្រឹកថ្ងៃទី១៩ ខែវិច្ឆិកា ឆ្នាំ២០១៥ នេះ សមត្ថកិច្ចចាប់បានជនដៃដល់ហើយ។</span></p>
<p><span style="color: #000000;">ប្រភពពីសមត្ថកិច្ចជំនាញ បានឲ្យដឹងថា កាលពីរវេលាម៉ោង១៨និង៤០នាទី ថ្ងៃទី១៤ ខែវិច្ឆិកា ឆ្នាំ២០១៥ នៅចំណុចក្រោយស្នាក់ការ ភូមិភ្នំប្រាំពីរ ស្ថិតក្នុងភូមិភ្នំប្រាំពីរ ឃុំបួរ ស្រុកភ្នំព្រឹក មានជនមិនស្គាល់អត្តសញ្ញាណម្នាក់ បានប្រើប្រាស់អាវុធខ្លី មិនស្គាល់ម៉ាក ចូលទៅលប ធ្វើសកម្មភាពបាញ់ចំនួន ១គ្រាប់ ទៅលើជនរងគ្រោះ ចំក្បាលពីក្រោយផ្នែកខាងស្តាំ ធ្លុះទៅក្រោមត្រចៀកខាងឆ្វេង និងធ្លុះពីកំភួនដៃទៅ កែងដៃឆ្វេង បណ្តាលឲ្យជនរងគ្រោះស្លាប់នៅ និងកន្លែងកើតហេតុ ។</span></p>
<p><span style="color: #000000;">សមត្ថកិច្ចបានបញ្ជាក់ថា ជនរងគ្រោះមានឈ្មោះ លី ឈុន ភេទ ប្រុស អាយុ ៤៧ឆ្នាំ ប្រពន្ធជនរងគ្រោះឈ្មោះ សឿន ស៊ីវន អាយុ ៣៧ឆ្នាំ មានកូន៣នាក់ ស្រី១នាក់ មានទីលំនៅ ភូមិ ឃុំកើតហេតុខាងលើ ។ ខណៈពេលថ្ងៃកើតហេតុ ប្រពន្ធ និងកូនជនរងគ្រោះមិននៅផ្ទះនោះទេ។</span></p>
<p><span style="color: #000000;">ក្រោយពីមានកិច្ចសហការ ជាមួយនាយទាហានរបស់កងពលលេខ៥៣ រួចមក សមត្ថកិច្ចយើងឈានដល់ធ្វើការនាំខ្លួនជនសង្ស័យ មកកាន់អធិការដ្ឋាននគបាលស្រុកភ្នំព្រឹក ដើម្បីធ្វើការសាកសួរ ។ ជនសង្ស័យជាជនដៃដល់បានសារភាពថា ខ្លួនពិតជាបានប្រើអាវុធខ្លី បាញ់សម្លាប់ជនរងគ្រោៈពិតប្រាកដមែន ដោយសារតែស្នេហាត្រីកោណ។ </span></p>
<p><span style="color: #000000;">សមត្ថកិច្ចបានបញ្ជាក់ថា ជនសង្ស័យខាងលើមានឈ្មោៈ លី លឿន ភេទប្រុស អាយុ៥១ឆ្នាំ មានមុខងារជា មេបញ្ជារការរងគ២ ឈរជើងនៅចំណុចភ្នំកេះ នៃវរសេនាតូច៥៣៤ ចំណុះឱ្យកងពលលេខ៥៣។</span></p>
<p><span style="color: #000000;">បច្ចុប្បន្នជនសង្ស័យខាងលើ សមត្ថកិច្ចជំនាញកំពុងធ្វើការសាកសួរបន្ថែម នៅអធិការដ្ឋាននគបាលស្រុកភ្នំព្រឹក និងកសាងសុំណុំរឿង ដើម្បីបញ្ជូនខ្លួនទៅមកស្នងការខេត្ត ដើម្បីចាត់ការបន្តតាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-4-21-18-pm-19-11-2015--16-33-21.png"><span style="color: #000000;"><img src="/FileManager/Articles/mce/2015/11/19/11-19-2015-4-21-18-pm-19-11-2015--16-33-21.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-4-21-33-pm-19-11-2015--16-33-35.png"><span style="color: #000000;"><img src="/FileManager/Articles/mce/2015/11/19/11-19-2015-4-21-33-pm-19-11-2015--16-33-35.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/19/11-19-2015-4-21-49-pm-19-11-2015--16-33-48.png"><span style="color: #000000;"><img src="/FileManager/Articles/mce/2015/11/19/11-19-2015-4-21-49-pm-19-11-2015--16-33-48.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>