<p><span style="color: #000000;">ព័ត៌មានកីឡា៖ ទស្សនាវដ្ដីអាល្លឺម៉ង់ SportBild ក្នុងសប្ដាហ៍នេះ បានចាប់អារម្មណ៍នឹងដំណឹងមួយ ក្រោយពីលេចធ្លាយចេញពីទឹកអង់គ្លេស ថា ក្លឹប Liverpool មានបំណងស្វែងរកខ្សែប្រយុទ្ធដ៏ឆ្នើមមួយរូបប្រចាំក្លឹប ដោយមុខព្រួញគម្រោងមួយនេះ គឺសំដៅទៅរកកីឡាករខ្សែប្រយុទ្ធរបស់ក្លឹប Beryern Munich ក្នុងរដូវកាលក្រោយនេះ ។ </span></p>
<p><span style="color: #000000;">ប្រភពដដែលបានបន្ដទៀតថា Liverpool ស្ថិតក្រោមការដឹកនាំរបស់លោក Jurgen Klopp នាពេលថ្មីៗ ដូចជាមានប្រែប្រួលច្រើន ហើយគម្រោងជាបន្ដទៀត រូបលោក ចង់បានកីឡាករ Robert Lewandowski ដែលជាខ្សែប្រយុទ្ធដ៏ឆ្នើមបំផុតរបស់ក្លឹប Bayern Munich ក្នុងរដូវកាលក្រោយ ។ កន្លងមកទីផ្សារកីឡាករក្នុងក្លឹប Bayern Munich ដូចជាមានតម្លៃថ្លៃគ្រាន់បើដែរ ប៉ុន្ដែសម្រាប់លោក Jurgen Klopp ក៏បានអះអាងថា គាត់មានលុយសម្រាប់ដេញថ្លៃ ប្រសិនជាក្លឹប ពិតជាមានពេលចរចាគ្នាមែន ។ </span></p>
<p><span style="color: #000000;">Robert Lewandowski គឺជាខ្សែប្រយុទ្ធដ៏មុតស្រួចបំផុតរបស់ក្លឹប Bayern Munich ប្រសិនជាក្លឹប យល់ព្រមដាក់តម្លៃដេញថ្លៃ ក៏ទំនងជាមិនថោកនោះដែរ ។ ប៉ុន្ដែទោះជាយ៉ាងណាកន្លងមកក៏មាន កីឡាករជាច្រើន ក៏ធ្លាប់បានផ្ទេរចូលទៅកាន់ទឹកអង់គ្លេស។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/11/11-11-2015-4-25-35-pm-11-11-2015--16-40-36.png"><span style="color: #000000;"><img src="/FileManager/Articles/mce/2015/11/11/11-11-2015-4-25-35-pm-11-11-2015--16-40-36.png" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ sportwitness</span></p>