<p><span style="color: #000000;"><strong>(ភ្នំពេញ)៖</strong> យុវជនវៀតណាមម្នាក់ ត្រូវបានបញ្ជូនទៅឃុំខ្លួនបណ្តោះអាសន្ន នៅក្នុងពន្ធនាគារព្រៃស នៅល្ងាចថ្ងៃទី២១ ខែធ្នូ ឆ្នាំ២០១៦ ដើម្បីស៊ើបអង្កេតករណីរួមភេទ ជាមួយអនីតិជនអាយុក្រោម១៥ឆ្នាំ។ ករណីនេះជាការព្រមព្រៀងរួមភេទ តែដោយសារជនរងគ្រោះជាអនីតិជនអាយុក្រោម១៥ឆ្នាំ ច្បាប់កំណត់ថា ទោះព្រមព្រៀងក៏មានទោសដែរ។</span></p>
<p><span style="color: #000000;">លោក ហួរ ម៉េងវ៉ាង អធិការរងនគរបាលខណ្ឌមានជ័យ បញ្ជាក់នៅព្រឹកថ្ងៃទី២២ ខែធ្នូថា លោក ជា សុខច័ន្ទដេត ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនយុវជនឈ្មោះ ប៊ែ តឹង ហៅសីហា អាយុ១៩ឆ្នាំ ក្រោមការចោទប្រកាន់ពីបទ «រួមភេទជាមួយអនីតិជនអាយុក្រោម១៥ឆ្នាំ» តាមមាត្រា៤២ ច្បាប់ស្ដីពីការបង្ក្រាបអំពើជួញដូរមនុស្សនិងអំពើធ្វើអាជីវកម្មផ្លូវភេទ ។</span></p>
<p><span style="color: #000000;">សមត្ថកិច្ចបញ្ជាក់ថា កាលពីថ្ងៃទី១១ ខែធ្នូ ឆ្នាំ២០១៦ នៅម៉ោងប្រមាណ១០៖៣០នាទីយប់ ក្មេងស្រីរងគ្រោះបានសម្រាកនៅផ្ទះតែម្នាក់ឯង។ ពេលនោះជនសង្ស័យ ឈ្មោះ ប៊ែ តឹង ដែលជាអ្នកស្គាល់គ្នាបានមកផ្ទះជនរងគ្រោះនិយាយសុំស្រឡាញ់ និងសុំរួមភេទ ដោយសន្យាចូលស្តីដណ្តឹងធ្វើជាប្រពន្ធ។ ពេលនោះក្មេងស្រីរងគ្រោះ ក៏បានយល់ព្រមរួមភេទជាមួយ បានសម្រេចមួយលើក។</span></p>
<p><span style="color: #000000;">លុះដល់ថ្ងៃទី១៨ ខែធ្នូ ឆ្នាំ២០១៦ នៅម៉ោងប្រមាណ១២៖៣០នាទីថ្ងៃត្រង់ ឈ្មោះ ផន រុំ បានឃើញទឹកមុខជនរងគ្រោះ ស្លេកស្លាំង ខុសពីធម្មតាមានការសង្ស័យ បានសួរដេញដោលជាច្រើនលើក ទើបក្មេងស្រីរងគ្រោះ ព្រមនិយាយប្រាប់ពីរឿងហេតុដែលបានរួមភេទ ជាមួយជនសង្ស័យឈ្មោះ ប៊ែ តឹង។ បន្ទាប់មកម្តាយជនរងគ្រោះ និងក្រុមគ្រួសារ បានទៅនាំខ្លួនជនសង្ស័យ ប៊ែ តឹង ហៅសីហា ដែលកំពុងស្នាក់នៅទូកមាត់ទន្លេបាសាក់ ភូមិទួលរកា សង្កាត់ចាក់អង្រែក្រោម ខណ្ឌមានជ័យ មកប្រគល់ឲ្យនគរបាល ប៉ុស្តិ៍ចាក់អង្រែលើតែម្ដង៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-08-46-27-1.JPG" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-08-46-27-0.JPG" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>