<p><span style="font-size: 12px; color: #000000;">ក្នុងការអនុវត្ដយោគៈ(Yoga) រាងកាយ ខ្យល់ដកដង្ហើម និងផ្លូវចិត្ដ ត្រូវបានគេមើលឃើញថា ជាធាតុផ្គុំចូលគ្នា នៃទិដ្ឋភាពច្រើនសណ្ឋានរបស់មនុស្សជាតិ។ ប្រព័ន្ធ និងបច្ចេកទេសនានានៃការអនុវត្ដយោគៈ បណ្ដុះឱ្យមានបទពិសោធន៍នៃធាតុផ្គុំបញ្ចូលគ្នានោះ ដែលនាំឱ្យមានការរួមបញ្ចូលគ្នានៃអត្តា(ខ្លួន) សេចក្ដីស្ងប់សុខក្នុងចិត្ដ និងភាពច្បាស់លាស់នៃចិត្ត។ វាគឺជាប្រព័ន្ធមួយ ដែលត្រូវបានរចនាឡើងដើម្បីបណ្ដុះឱ្យមនុស្ស មានសុខភាពល្អ និងសុភមង្គល ព្រមទាំងមានពុទ្ធិយល់ដឹងកាន់តែច្រើនចំពោះខ្លួនឯង និងមានមនសិការខ្ពស់។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/4/26/11-26-04-2018--11-22-10.png"><img src="/FileManager/Articles/mce/2018/4/26/11-26-04-2018--11-22-10.png" alt="" /></a></span></p>
<p style="text-align: center;"><br /><strong><span style="color: #000000;">រូបតំណាង</span></strong></p>
<p> </p>
<p><span style="color: #000000;">យោគៈ គឺជាវិធីសាស្រ្តមួយ សម្រាប់ជីវិត ដែលឱ្យតម្លៃ ដល់កិច្ចខិតខំប្រឹងប្រែងដ៏ត្រឹមត្រូវ ដោយផ្អែកលើតុល្យភាព និងភាពសុខុដុម នៅក្នុងខ្លួនមនុស្សម្នាក់ៗ។</span></p>
<p><span style="color: #000000;">ហេតុអ្វី ទើបត្រូវផ្តោតអារម្មណ៍ខ្លាំង លើខ្យល់ដង្ហើម ក្នុងការអនុវត្ដយោគៈ? តើអ្វីជាការផ្សារភ្ជាប់គ្នារវាងយោគៈ និងខ្យល់ដកដង្ហើម ហើយហេតុអ្វី បានជាវាមានសារៈសំខាន់ដូច្នេះ?</span></p>
<p><span style="color: #000000;"><strong>សម្រាប់ខ្យល់ដកដង្ហើម និងរយៈពេលវែងឆ្ងាយនៃជីវិត </strong>ហេតុអ្វីបានជានៅពេល ដែលយើងដកដង្ហើមញាប់ យើងមានអារម្មណ៍ថា ជីវិតដូចជាជិតស្លាប់?</span></p>
<p><span style="color: #000000;">យោគៈ ធ្វើការវាស់ស្ទង់នូវវិសាលភាពនៃជីវិត ដោយចំនួននៃខ្យល់ដកដង្ហើម មិនមែនដោយចំនួននៃឆ្នាំនោះទេ។ <em>Swami Sivananda</em><em></em></span></p>
<p><span style="color: #000000;">បុរាណពោលថា ប្រសិនបើអ្នកដកដង្ហើម ១៥ ដង ក្នុងមួយនាទី នោះអ្នកនឹងរស់នៅដល់អាយុ ៧៥ ឆ្នាំ ឬ ៨០ ឆ្នាំ។ ប្រសិនបើអ្នកដកដង្ហើមបាន ១០ ដងក្នុងមួយនាទី អ្នកនឹងរស់នៅរហូតដល់អាយុ ១០០ ឆ្នាំ។ ល្បឿន ដែលអ្នកដកដង្ហើម នឹងកំណត់អាយុកាលនៃជីវិតរបស់អ្នក។ ប្រសិនបើអ្នកដកដង្ហើមញាប់ អ្នកនឹងមានជីវិតខ្លី។</span></p>
<p><span style="color: #000000;"><a class="thickbox" title="" href="/FileManager/Commons/2018/4/26/10-26-04-2018--11-22-36.png"><img src="/FileManager/Articles/mce/2018/4/26/10-26-04-2018--11-22-36.png" alt="" /></a><br /></span></p>
<p><span style="color: #000000;">តើការកំណតើខ្យល់ដកដង្ហើម គឺជាអ្វី? តើត្រូវអនុវត្តបែបណា? <br /></span></p>
<p><span style="color: #000000;">ការកំណត់ដឹងខ្យល់ដង្ហើមចេញចូល មានសារសំខាន់ នៅក្នុងការអនុវត្ដយោគៈ ខណៈខ្យល់ដង្ហើមចេញចូលនេះ ជួយយើងក្នុងការតភ្ជាប់ជាមួយនឹងថាមពលតូចល្អិត នៅក្នុងរាងកាយ ។ តាមរយៈខ្យល់ដកដង្ហើមនេះហើយ ដែលយើង មានសមត្ថភាពរុករកកម្រិតខុសគ្នានៃសតិស្មារតី។ លើសពីនេះទៅទៀត ការកំណត់ដឹងខ្យល់ដកដង្ហើម មានឥទ្ធិពលបែបជីវសាស្រ្ដ ទៅលើទិដ្ឋភាពផ្លូវចិត្ត អារម្មណ៍ និងផ្លូវកាយរបស់យើង។</span></p>
<p><span style="color: #000000;">ជាដំបូង ការតភ្ជាប់ជាមួយនឹងខ្យល់ដង្ហើមរបស់អ្នក គឺជាវិធីសាស្រ្តមួយ ដើម្បីបង្ហាញវត្ដមានអត្ដា(ខ្លួន) របស់អ្នក។ នៅពេល ដែលអ្នកផ្តោតអារម្មណ៍លើទិដ្ឋភាពនៃដំណើរការដកដង្ហើម អ្នកក៏សម្គាល់បានថា អ្នកកំពុងមានវត្តមាននៅទីនេះ ដែលអារម្មណ៍នេះ អនុញ្ញាត ឱ្យអ្នកផ្ដាច់ការអន្ទោលទៅនៃអារម្មណ៍ ចំពោះអតីតកាល និងអនាគត និងផ្ចង់អារម្មណ៍តែទៅលើពេលវេលា នៅក្នុងខ្យល់ដង្ហើមចេញចូល ប៉ុណ្ណោះ។ នេះគឺជាមូលហេតុ ដែលការកំណត់ដឹងខ្យល់ដកដង្ហើមចេញចូលនេះ បង្កើតបានជាសមាធិចិត្ដ។ ប៉ុន្តែនេះគឺគ្រាន់តែជាការចាប់ផ្តើម</span></p>
<p><span style="color: #000000;">នៃមូលហេតុបញ្ជាក់ថា ការកំណត់ដឹងដង្ហើមចេញចូល មានសារៈសំខាន់សម្រាប់ការអនុវត្ដយោគៈប៉ុណ្ណោះ។</span></p>
<p><span style="color: #000000;">នៅពេល ដែលអ្នក កំណត់ដឹងនូវដង្ហើមចេញចូល អ្នកនឹងភ្ញោចឱ្យមានភាពសកម្ម នៅផ្នែកផ្សេងៗនៃខួរក្បាលរបស់អ្នក។ សភាវៈមិនអាចកំណត់ដឹងខ្យល់ដង្ហើមចេញចូល ត្រូវបានគ្រប់គ្រងដោយសរសៃប្រសាទឆ្អឹងខ្នងទៅក្នុងខួរក្បាល (oblongata medulla) នៅក្នុងផ្នែកខាងក្រោមនៃខួរក្បាល ដែលជាផ្នែកដំបូងគេបំផុតនៃខួរក្បាល ខណៈពេលដែលសភាវៈកំណត់ដឹងនូវខ្យល់ដង្ហើមចេញចូល កើតចេញមកពីតំបន់វិវត្តនៃខួរក្បាល ពោលគឺស្រទាប់ខាងក្រៅរបស់ខួរក្បាល ។ ដូច្នេះ សភាវៈកំណត់ដឹងនូវការដកដង្ហើមចេញចូល ភ្ញោចដល់ស្រទាប់ខាងក្រៅរបស់ខួរក្បាល(cerebral cortex) និងតំបន់វិវត្តបន្ថែមទៀតនៃខួរក្បាល។ សភាវៈកំណត់ដឹងនូវខ្យល់ដង្ហើមចេញចូល បញ្ជូននូវសន្ទុះ ពីកន្សោមខួរក្បាល( Cortex) ទៅកាន់តំបន់តភ្ជាប់ ដែលមានឥទ្ធិពល ដល់ផ្លូវអារម្មណ៍។ ការធ្វើឱ្យស្រទាប់ខាងក្រៅរបស់ខួរក្បាល មានភាពសកម្ម មានឥទ្ធិពល ធ្វើឱ្យអារម្មណ៍សម្រាកសម្រាន្ដ និងមានតុល្យភាពល្អ។ អ្វី ដែលសំខាន់ម្យ៉ាងទៀត ដោយការកំណត់បាននូវដង្ហើមចេញចូល ធ្វើឱ្យអ្នកមានសមត្ថភាពគ្រប់គ្រង បាននូវទិដ្ឋភាព ដែលចិត្ដរបស់អ្នកគ្របសង្កត់ ដោយបណ្តាលឱ្យសតិរបស់អ្នក ងើបចាកពីអារម្មណ៍បុព្វកាល ទៅជាចិត្ដ និងអារម្មណ៍វិវឌ្ឍ ទៅរកភាពក្លៀវក្លា។</span></p>
<p><span style="color: #000000;"><a class="thickbox" title="" href="/FileManager/Commons/2018/4/26/12-26-04-2018--11-22-49.png"><img src="/FileManager/Articles/mce/2018/4/26/12-26-04-2018--11-22-49.png" alt="" /></a><br /></span></p>
<p><span style="color: #000000;"><strong>ហេតុអ្វីយើងត្រូវគ្រប់គ្រងដង្ហើមចេញចូល</strong><strong>? តើត្រូវអនុវត្ដ ដោយរបៀបណា?</strong></span></p>
<p><span style="color: #000000;">ដោយការផ្លាស់ប្តូរលំនាំដកដង្ហើម នោះអ្នកអាចបង្កើតចេញនូវទិដ្ឋភាពផ្លូវចិត្ដខុសៗគ្នា។ ការដកង្ហើមយឺតៗ មានឥទ្ធិពល ទៅលើស្ថានភាពផ្លូវអារម្មណ៍របស់អ្នក។ ស្រទាប់ខាងក្រៅរបស់ខួរក្បាល ត្រូវបានធ្វើឱ្យសកម្មតាមរយៈ ការកំណត់ដឹងនូវការដកដង្ហើមយឺតៗ។ បន្ទាប់មក ស្រទាប់ខាងក្រៅរបស់ខួរក្បាល បញ្ជូនសញ្ញាប្រសាទ ដែលស្ពឹកស្រពន់ ទៅកន្លែងបញ្ជាប្រព័ន្ធដកដង្ហើម (respiratory center) នៅផ្នែកកណ្តាលនៃខួរក្បាល(midbrain )។ សញ្ញាប្រសាទ ដែលស្ពឹកស្រពន់ទាំងនេះ នឹងហៀរហូរចូល ទៅក្នុងតំបន់នៃខួរក្បាលផ្នែកខាងលើ( hypothalamus) ដែលជាប់ទាក់ទងនឹងអារម្មណ៍ និងធ្វើឱ្យតំបន់នេះ បានសម្រាកសម្រាន្ដ។ នេះគឺជាមូលហេតុ ដែលការដកដង្ហើមយឺតៗ មានប្រសិទ្ធភាពលួងលោម ដល់ផ្លូវអារម្មណ៍របស់អ្នក ៕</span></p>
<p><span style="color: #000000;"><a class="c_tab" href="http://facelinecambodia.com/?lang=kh" target="_blank"><img src="/FileManager/Articles/mce/2018/4/26/faceline-discount-26-04-2018--10-45-36.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">អត្ថបទ៖ សារ៉ាត</span></p>