<p><span style="color: #000000;"><strong>(ភ្នំពេញ)៖</strong> ស្របពេលដែលលេចឮ ដំណឹងនៃការប្រកាសដាក់ល្ខោនខោល របស់ខ្មែរជាសម្បត្តិបេតិកភណ្ឌ វប្បធម៌អរូបី នៃអង្គការយូណេស្កូពី សំណាក់ភាគីប្រទេសថៃ និងដោយមានការលើកឡើងថា រាជរដ្ឋាភិបាលកម្ពុជា មិនបានអើពើរឿងដាក់ល្ខោនខោល ចូលទៅបញ្ជីបេតិកភណ្ឌវប្បធម៌អរូបី របស់អង្គការយូណេស្កូនោះ ភ្លាមៗនេះដែរ ក្រសួងវប្បធម៌ និងវិចិត្រសិល្បៈកម្ពុជា បានចេញសេចក្តីជូនណឹងមួយ ដោយបញ្ជាក់ថា ក្រសួងបាននិងកំពុងរៀបចំឯកសារ ដើម្បីដាក់ល្ខោនខោល ដែលជារបស់ខ្មែរ ទៅក្នុងបញ្ជីបេតិកភណ្ឌ ពិភពលោកហើយ។</span></p>
<p><span style="color: #000000;">យ៉ាងណាមិញ បន្ទាប់ពីមានការអះអាង បញ្ជាក់ចេញពីក្រសួងវប្បធម៌ និងវិចិត្រសិល្បៈ កាលពីពេលថ្មីៗកន្លងមកនេះ ជុំវិញការត្រៀមបញ្ជូនឯកសារ ស្នើសុំចុះបញ្ជីដាក់ល្ខោនខោលខ្មែរ ជាសម្បត្តិបេតិកភណ្ឌវប្បធម៌អរូបី នៃអង្គការយូណេស្កូនោះមក ជាការកត់សម្គាល់គេឃើញ មជ្ឈដ្ឋានប្រជាពលរដ្ឋ និងសិល្បករ-សិល្បការិនីខ្មែរ ទូទាំងប្រទេស បានសម្តែងការគាំទ្រ លើចំណាត់ការរបស់ក្រសួង ក្នុងការដាក់បញ្ចូលល្ខោនខោល ជាសម្បត្តិបេតិកភណ្ឌពិភពលោក។</span></p>
<p><span style="color: #000000;">ទន្ទឹមនឹងការអះអាងរបស់ក្រសួង ថ្មីៗនេះបានបែបធ្លាយដំណឹងមកថា ភាគីប្រទេសថៃកន្លងមក ធ្លាប់បានជួលសាស្ត្រាចារ្យរបស់ខ្មែរ ឲ្យចេញទៅបង្ហាត់បង្រៀង ផ្នែកសិល្បៈល្ខោនខោល និងរបាំបូរាណ ដល់ប្រជាជនគេក្នុងតម្លៃ ពី៥០ទៅ១០០ដុល្លារ សម្រាប់១ថ្ងៃ។ នេះបើតាមប្រភពី Page សិល្បករកម្ពុជា។</span></p>
<p><span style="color: #000000;">តាមរយៈផេកសិល្បករកម្ពុជា របស់លោក អ៉ឹម ជីវ៉ា កាលពីម្សិលមិញ បានបង្ហោះឃ្លីបវីដេអូអំឡុងពេល សម្ភាសន៍និងសួរសុខទុកសាស្ត្រាចារ្យ គឺអ្នកគ្រូ សឺន សាម៉ាដឹកឆូ ភ្ជាប់ជាមួយការសរសេរបញ្ជាក់ថា «ថៃយកលុយទិញទឹកចិត្តសាស្រ្តាចារ្យ សិល្បៈល្ខោនខោល និងរបាំខ្មែរក្នុងមួយថ្ងៃ១០០ដុល្លារ ដើម្បីខ្មែរបង្ហាត់របាំល្ខោនខោល និងរបាំបុរាណដល់ប្រជាជនគេ!»។</span></p>
<p><span style="color: #000000;">ការសរសេរបង្ហោះ ពីសំណាក់លោក អ៉ឹម ជីវ៉ា ខាងលើនេះ គឺធ្វើឡើងតាមរយៈការដកស្រង់សម្តី របស់សាស្រ្តាជំនាន់ដើម គឺអ្នកស្រីសឺន សាម៉ាដឹកឆូ ដែលកន្លងមកធ្លាប់ត្រូវបាន ភាគីថៃជួលគាត់ឲ្យជួយបង្ហាត់បង្រៀន នៅទីនោះជាថ្នូរនឹងប្រាក់ ១០០ដុល្លារក្នុងមួយថ្ងៃ ។ ដោយឡែក ក្រោយពីមានការបង្ហើបដូច្នេះ នៅលើបណ្តាញសង្គមហ្វេសប៊ុក របស់កវីនិពន្ធលោក សុខ ជំនោ ក៏បានលើកឡើង ដោយបញ្ចេញមតិថា «ថៃឲ្យសាស្រ្តាចារ្យខ្មែរ មួយថ្ងៃ១០០ដុល្លារ ដើម្បីបង្រៀនល្ខោនខោល ដល់ពួកគេ។ ដើម្បីក្រពះពួកគាត់ ត្រូវតែធ្វើ!»។</span></p>
<p><span style="color: #000000;">លោក សុខ ជំនោ បានបន្ថែមថា «ថៃក៏ធ្លាប់បញ្ជូន គ្រូប្រដាល់សេរីរបស់គេ ទៅបង្ហាត់ក្រៅប្រទេស ដោយឥតគិតថ្លៃឲ្យតែបរទេសណាចង់ហាត់ ក្បាច់គុនបុរាណដែលគេអះអាងថា របស់គេ។ យូរៗទៅប្រទេសណា ក៏ស្គាល់ក្បាច់គុនបុរាណនោះដែរ ថាជារបស់ថៃ។ របស់ផងខ្លួនមិនថួនរក្សា គេយល់អស្ចារ្យ គេច្បិចពូនថែ មិនយូរមិនឆាប់ធ្វើម៉េចទៅខ្មែរ ព្រោះអ្នកពូកែ អត់អង្ករច្រកឆ្នាំង!»៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13394149_1454544417905197_2272036934171374324_n.jpg?oh=857d74ed58e92f756cfd93912281961f&oe=57C6CEF2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13417441_1454544421238530_6582268744714474246_n.jpg?oh=c55c1f222cea44a760b5e77cf4d49d4c&oe=57D30A8B" alt="" width="730" /></span></p>
<p><span style="color: #000000;"><img style="font-size: 12px;" src="https://scontent-kul1-1.xx.fbcdn.net/v/t1.0-9/13339527_1454544711238501_5941568347497208932_n.jpg?oh=8d0e538108d5d0fdea754e875622df15&oe=57C132FD" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/l/t1.0-9/13336126_1454544714571834_6466793340830922555_n.jpg?oh=97ad35c131b9227ed73b692162bfe0f0&oe=57D93974" alt="" width="730" /></span></p>
<p><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>