<p><span style="color: #000000;"><strong>ភ្នំពេញ៖</strong> បន្ទាប់ពីតារាចម្រៀង កូនកាត់ចិនសាច់សខ្ចី ប្រចាំផលិតកម្មថោន កញ្ញា លី អ៊ីវ៉ាធីណា បានប្រកាសប្រាប់ឲ្យដឹង ពីការកាត់ផ្តាច់ទំនាក់ទំនង ស្នេហាជាមួយនឹងបុរសម្នាក់ ដែលមានមុខងារជាមន្រ្តីរាជការរួចមក ថ្មីៗនេះឮដំណឹងមកថា មានបុរសវ័យ៣០ឆ្នាំប្លាយម្នាក់ បានតាមលួងលោម ចូលខ្លួនគ្រងបេះដូងជាថ្មី ដើម្បីស្អំដំបៅស្នេហ៍ ចាស់ ដែលធ្លាប់ធ្វើឲ្យនាង រងការឈឺចាប់កន្លងមក។</span></p>
<p><span style="color: #000000;">ជួបសម្ភាសន៍ តាមទូរស័ព្ទ ជាមួយគេហទំព័រ LookingTODAY នាព្រឹកថ្ងៃទី ០៨ ខែ កញ្ញា ឆ្នាំ២០១៥នេះ ស្រីស្រស់ លី អ៊ីវ៉ាធីណា បាននិយាយទទួលស្គាល់ ដោយមិនលាក់លៀមថា ពេលនេះនាង ពិតជាមានអ្នកតាមស្រលាញ់ ប្រាថ្នាចង់បានធ្វើជា គូអនាគតពិតមែន។ ប៉ុន្តែបុរសម្នាក់នេះ គេមិនមែនជាអ្នករស់នៅក្នុងស្រុកខ្មែរទេ គឺជាអ្នកក្រៅប្រទេស។</span></p>
<p><span style="color: #000000;">តារាចម្រៀងស្រី របស់ផលិតកម្មថោន កញ្ញា លី អ៊ីវ៉ាធីណា បាននិយាយទៀតថា «ចាសបង !ខ្ញុំពិតជាមានអ្នកស្រលាញ់មែន....! យើងទាំងពីរនាក់ បានស្គាល់គ្នាមិនទាន់យូរប៉ុន្មានទេ ដែលគាត់បច្ចុប្បន្ន កំពុងរស់នៅក្រៅប្រទេស ។ប៉ុន្តែជារឿយៗ គាត់(គូស្នេហ៍) ក៏ឧស្សាហ៍ឡើងចុះ មកស្រុកខ្មែរដែរហើយយើងទាំងពីរ ក៏បានស្គាល់ និងឃើញមុខគ្នាហើយដែរ ..»។</span></p>
<p><span style="color: #000000;">ទោះបីជាយ៉ាងនេះក្តី កញ្ញា លី អ៊ីវ៉ាធីណា បាននិយាយឲ្យដឹងថា នាងមិនទាន់ឆ្លើយថា ទទួលយក ឬយល់ព្រមប្រគល់បេះដូង ទៅឲ្យបុរសនោះទាំងស្រុងនៅឡើយទេ ព្រោះពេលនេះ ចង់នៅមើលចិត្ត និងស្គាល់គ្នាឲ្យច្បាស់ជាងនេះបន្តិចទៀតសិន។ ជាមួយគ្នានេះ លី អ៊ីវ៉ាធីណា បានបន្ថែមថា រាល់ថ្ងៃនាង និងបុរសម្នាក់នេះ កំពុងតែទាក់ទងគ្នា ជាធម្មតា។</span></p>
<p><span style="color: #000000;">ដោយឡែក ចំពោះអត្តសញ្ញាណពិតប្រាកដ ពុំត្រូវបាន លី អ៊ីវ៉ាធីណា បញ្ជាក់ប្រាប់ទេថា តើសព្វថ្ងៃបុរសម្នាក់នេះមានឈ្មោះអ្វី រស់នៅទីណា និង ធ្វើការងារអ្វីឡើយ ។គ្រាន់តែទទួលស្គាល់ថា នាងពិតជាបានទាក់ទងសាងសម្ព័ន្ធភាពស្នេហា លើកទីពីរ ជាមួយបុរសរស់នៅក្រៅស្រុកមែន៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/9/9-9-2015-10-04-50-am-09-09-2015--10-11-57.png"><span style="color: #000000;"><img src="/FileManager/Articles/mce/2015/9/9/9-9-2015-10-04-50-am-09-09-2015--10-11-57.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>