<p><span style="color: #000000;"><strong>ភ្នំពេញ៖</strong> យុវជនម្នាក់ ដែលមានវ័យទើប ២០ឆ្នាំ បានបង្ហាញ ភាពអង់អាចរបស់ខ្លួន ជិះម៉ូតូទៅរកជួបនាយករដ្ឋ មន្រ្តីកម្ពុជា សម្តេចតេជោ ហ៊ុន សែន ក្នុងបំណងពិភាក្សាពីបញ្ហាប្រជាធិបតេយ្យ និងរឿងនយោបាយនៅកម្ពុជា។</span></p>
<p><span style="color: #000000;">មន្រ្តីនគរបាលខណ្ឌដូនពេញ បានឲ្យដឹងថា នៅម៉ោងប្រមាណ ៦ និង៤០នាទីព្រលប់ថ្ងៃទី២០ ខែវិច្ឆិកា ឆ្នាំ ២០ ១៥នេះ យុវជនម្នាក់ឈ្មោះ ឈុន ស៊ុនហេង អាយុ ២០ឆ្នាំ រៀនឆ្នាំទី៣ ផ្នែកព័ត៌មានវិទ្យានៅសាកលវិទ្យាល័យ ប៊ែលធី បានជិះម៉ូតូទៅឈប់នៅមុខខ្លោងទ្វារភូមិគ្រឹះសម្តេចតេជោ ហើយប្រាប់ក្រុមសន្តិសុខថា ចង់ជួបជាមួយ សម្តេចនាយករដ្ឋមន្រ្តីពិភាក្សារឿងនយោបាយ និងបញ្ហាលទ្ធិប្រជាធិបតេយ្យ។</span></p>
<p><span style="color: #000000;">ក្រោយឃើញដូចនោះ ក្រុមសន្តិសុខ ដែលយាមនៅភូមិគ្រឹះនាយករដ្ឋមន្រ្តី បានឃាត់ខ្លួនយុវជនរូបនេះ ប្រគល់ទៅ ឲ្យសមត្ថកិច្ច ដើម្បីសួរនាំ។ បើតាមការរៀបរាប់ពីសំណាក់ឪពុក-ម្តាយ របស់យុវជន ឈុន ស៊ុនហេង ដែលសុទ្ធតែ ជាគ្រូបង្រៀននោះ កូនរបស់ពួកគាត់មិនធ្លាប់មានបញ្ហាផ្នែកស្មារតីនោះឡើយ ពោលគឺមានសតិជាធម្មតា។</span></p>
<p><span style="color: #000000;">លោក ទុយ ចាន់ធី គ្រូបង្រៀននៅវិទ្យាល័យព្រែកឯង និងអ្នកស្រី ធូ សុភា គ្រូបង្រៀននៅសាលារបស់អង្កាញ់ សុទ្ធតែបានអះអាងដូចគ្នាថា ការស្កាត់ជួបនាយករដ្ឋមន្រ្តីកម្ពុជា ដើម្បីនិយាយពីរឿងលទ្ធិប្រជាធិបតេយ្យ ប្រហែល ជាបំណងពិតកូនរបស់គាត់។</span></p>
<p><span style="color: #000000;">បើទោះបីជាយ៉ាងណាយុវជនចង់ជួបនាយករដ្ឋមន្រ្តីកម្ពុជា ដើម្បីនិយាយពីរឿងលទ្ធិប្រជាធិបតេយ្យ និង នយោ បាយនៅកម្ពុជានេះ ត្រូវបានកម្លាំងនគរបាលឃាត់ខ្លួនយកទៅសួរនាំព្រមទាំងពិនិត្យរកសារធាតុញៀន ព្រមទាំង ពិនិត្យប្រព័ន្ធទូរស័ព្ទរបស់គេ ក្លាចមានចេតនាអាក្រក់ណាមួយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/21/11-21-2015-8-25-57-am-21-11-2015--08-33-17.png"><span style="color: #000000;"><img src="/FileManager/Articles/mce/2015/11/21/11-21-2015-8-25-57-am-21-11-2015--08-33-17.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/21/11-21-2015-8-26-18-am-21-11-2015--08-33-30.png"><span style="color: #000000;"><img src="/FileManager/Articles/mce/2015/11/21/11-21-2015-8-26-18-am-21-11-2015--08-33-30.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>