<p><span style="color: #000000;"><strong>(កោះកុង)៖ </strong>រថយន្តកាមរីឆ្លាមមួយគ្រឿង ត្រូវបានម្ចាស់បើកធ្លាក់ផ្លូវ ក្រឡាប់ផ្ទុះឆេះខ្ទេច តែសំណាងល្អអ្នកបើក និងអ្នកជិះនៅខាង ក្នុងមិនមានគ្រោះថ្នាក់នោះទេ ដោយក្រោយពេលកើតហេតុភ្លាមៗ ពួកគេបាននាំគ្នាលូនចេញផុត។</span></p>
<p><span style="color: #000000;">ឧប្បត្តិហេតុនេះបានកើតឡើង កាលពីវេលាម៉ោងជិត១១ថ្ងៃត្រង់ ថ្ងៃទី១៨ ខែមករា ឆ្នាំ២០១៦នេះ នៅលើកំណាត់ផ្លូវជាតិលេខ៤ ត្រង់ចំណុចគីឡូម៉ែត្រលេខ១៤៧-១៤៨ ក្នុងឃុំបឹងព្រាវ ស្រុកស្រែអំបិល ខេត្តកោះកុង។</span></p>
<p><span style="color: #000000;">ប្រភពពីមន្ត្រីអាវុធហត្ថប្រចាំការ នៅតាមបណ្ដោយផ្លូវជាតិ លេខ៤ ដែលចុះទៅជួយអន្តរាគមន៏ បាញ់ទឹកពន្លត់ បានអោយដឹងថា រថយន្តកាមរី ឆ្លាមពណ៏ស្ករ ខាងលើនេះ បានបើកក្នុងទិសដៅ ពីភ្នំពេញទៅក្រុងព្រះសីហនុ។ លុះពេលបើកមកដល់ចំណុចកើតហេតុ ដែលផ្លូវកោង ដោយសាររថយន្តខាង លើបើកលឿនបួងចង្កូតមិនផុត ក៏បណ្ដាលឲ្យជ្រុលចង្កូត ធ្លាក់ចិញ្ចើមថ្នល់ ក្រឡាប់ផ្ងាជើងឡើងលើ។</span></p>
<p><span style="color: #000000;">ក្រោយរថយន្តក្រឡាប់គេ ឃើញមនុស្សប្រុស ស្រីពីរនាក់បាននាំគ្នា លូនចេញពីក្នុងរថយន្ត ដោយមិនមានរងរបួសធ្ងន់ធ្ងរនោះទេ។ បន្តិចក្រោយមកស្រាប់តែ គេឃើញផ្សែងហុយចេញ ពីរថយន្តបង្កទៅជាអណ្ដាតភ្លើងឆាបឆេះ តែម្ដង។ ក្រោយរថយន្តត្រូវភ្លើងឆេះ មិនអាចពន្លត់បានម្ចាស់ ក៏នាំគ្នា ហៅម៉ូតូឌុបជិះគេចខ្លួនបាត់ទៅ។ ក្រោយមកទើបគេឃើញកំលាំងសមត្ថកិច្ច ចុះទៅអន្តរាគមន៏ ជួយបាញ់ទឹកពន្លត់តែរថយន្តត្រូវភ្លើងឆេះអស់ នៅសល់តែគ្រោងឆ្អឹង តែប៉ុណ្ណោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/18/1-18-2016-12-55-32-pm-18-01-2016--13-02-28.png"><span style="color: #000000;"><img src="/FileManager/Articles/mce/2016/1/18/1-18-2016-12-55-32-pm-18-01-2016--13-02-28.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/18/1-18-2016-12-55-14-pm-18-01-2016--13-02-47.png"><span style="color: #000000;"><img src="/FileManager/Articles/mce/2016/1/18/1-18-2016-12-55-14-pm-18-01-2016--13-02-47.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/18/1-18-2016-12-54-54-pm-18-01-2016--13-03-00.png"><span style="color: #000000;"><img src="/FileManager/Articles/mce/2016/1/18/1-18-2016-12-54-54-pm-18-01-2016--13-03-00.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/18/1-18-2016-12-54-38-pm-18-01-2016--13-03-18.png"><span style="color: #000000;"><img src="/FileManager/Articles/mce/2016/1/18/1-18-2016-12-54-38-pm-18-01-2016--13-03-18.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>