<p><span style="color: #000000;">ព័ត៌មានកីឡាករ៖ មិនមែនជារឿងមួយដែលថ្មីនោះទេ ចំពោះដំណឹងថា ស្ដេចកីឡាករប្រដាល់ប្រចាំប្រទេស ហ្វីលីពីន មានបំណងចង់ឈឈ្មោះជាបេក្ខជន បោះឆ្នោតជ្រើសរើសតំណាងរាស្រ្ដប្រចាំប្រទេស ប៉ុន្ដែរឿងដែលថ្មីហើយប្លែកនោះគឺ គាត់ចងឈឈ្មោះក្នុងអាណត្ថិឆ្នាំ ២០១៦ នេះតែម្ដង ដែលកន្លងទៅគាត់បាន កំណត់ថារង់ចាំ ឆ្នាំ ២០២២ ទើបសម្រេចចិត្ដឈឈ្មោះ។ </span></p>
<p><span style="color: #000000;">លោក Bob Arum បានឆ្លើយប្រាប់ទៅអ្នកសារព័ត៌ថា ប៉ាក់គីអៅ បានគ្រោងនឹងឈឈ្មោះជាបេក្ខជនបោះឆ្នោតតំណាងរាស្រ្ដប្រចាំប្រទេស ហ្វីលីពីន ក្នុងឆ្នាំ ២០១៦ នេះ ដោយមិនចាំបាច់ រង់ចាំដល់អាណត្ថិក្រោយនោះទេ ពិព្រោះកន្លងមក កីឡាករធ្លាប់បង្ហាញក្នុងសន្និសិតការសែត ថាកីឡាករ នឹងរៀបខ្លួនដើម្បីឈឈ្មោះបោះឆ្នោត ជាដំណាងរាស្ដ្រនៅអាណត្ថិឆ្នាំ ២០២២ ។ </span></p>
<p><span style="color: #000000;">ទន្ទឹមគ្នានោះដែរ ប៉ាក់គីអៅ ក៏ធ្លាប់អះអាងដែរថា" តាមពិតទៅ នៅពេលដែលខ្ញុំ បានចាប់ផ្ដើមប្រលូកខ្លួនក្នុងវិស័យអាជីពជាកីឡាករប្រដាល់នេះ ខ្ញុំក៏មានគម្រោងរួចបាត់ទៅ ហើយ ក្នុងកំលុងពេលនេាះខ្ញុំបានគិត និងខិតខំប្រឹងប្រែង ប្រកួតដើម្បីទទួលបានជ័យជំនះ។ ថ្វីត្បិតតែក្ដីសង្ឃឹមពេលនោះ ខ្ញុំធ្វើបានល្អក្នុងអាជីពជាកីឡាករ ប៉ុន្ដែក្ដីសង្ឃឹមពិតជានៅឆ្ងាយខ្លាំងណាស់ ។ </span></p>
<p><span style="color: #000000;">ប្រភពព័ត៌មានបានបន្ដទៀតថា ដំបូងឡើយ គាត់ដឹងត្រឹមតែថា ប៉ាក់គីអៅ មានបំណងចង់ឈឈ្មោះបោះឆ្នោតជាតំណាងរាស្រ្ដនៅឆ្នាំ ២០២២ នោះទេ ពីព្រោះគាត់ នៅមានលក្ខខ័ណ្ឌអាយុ ដែលគាត់ត្រូវធ្វើការបញ្ជាក់ ឲ្យបានត្រឹមត្រូវទៅតាមការ កំណត់ និង បរិមាណនៃការគាំទ្រ ដែលភាគច្រើន គឺស្ថិតក្នុងខេត្ដកំណើតរបស់កីឡាករផ្ទាល់ គឺខេត្ដ Sarangani ជាទឹកដីស្ថិតក្រោមការគ្រប់គ្រងរបស់កីឡាករពេលនេះ។ </span></p>
<p><span style="color: #000000;">យោងតាមការសិក្សាស្រាវជ្រាវ របស់ Pulse Asia.Inc បានបង្ហាញឲ្យដឹងថា ប៉ាក់គីអៅ គឺជាបេក្ខជនមួយ រូបដែលទទួលបានការគាំទ្រច្រើន ទូទាំងប្រទេស ហើយប្រសិនជារូបលោក ពិតជាឈឈ្មោះជាបេក្ខជនបោះឆ្នោត តំណាងរាស្រ្ដ នោះអាចនឹងមានសំណាងបានជាប់ក្នុងអាណាត្ថិឆ្នាំ ២០១៦ ខាងមុខនេះ។ </span></p>
<p><span style="color: #000000;"><a class="thickbox" title="" href="/FileManager/Commons/2015/7/6/7-6-2015-3-16-48-pm-06-07-2015--15-23-04.png"><span style="color: #000000;"><img src="/FileManager/Articles/mce/2015/7/6/7-6-2015-3-16-48-pm-06-07-2015--15-23-04.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span><span style="color: #000000;">ប្រភព៖ digitaljournal</span><br /></span></p>