<div>
<p><span style="color: #000000;"><strong>(ភ្នំពេញ)៖</strong> លោក ប៉ែន ចំរ៉ុង ដែលជាតារាសម្តែង និងពិធីករមានប្រជាប្រិយភាព ត្រូវបាននារីម្នាក់ ដែលជាអតិថិជនម្នាក់ចោទប្រកាន់ថា បោកលុយព្រមទាំងគ្មានទំនួលខុសជុំវិញរឿង ដែលលោកបានសន្យាទទួលការងាររៀបចំពិធីកាត់សក់ និងធ្វើពិធីករក្នុងពិធីមង្គលការ ប៉ុន្តែជិតដល់ថ្ងៃបែរជាលោក ប៉ែន ចំរ៉ុង ចង់ផ្ទេរការងារនេះ ទៅឲ្យក្រុមអ្នកផ្សេងវិញ ហើយលោកប្រាប់ថា ជាប់រវល់។</span></p>
<p><span style="color: #000000;">នៅលើបណ្តាញសង្គមហ្វេសប៊ុកនារីម្នាក់ឈ្មោះថា Ilan Rithiya បានសរសេរបង្ហោះជា សាធារណៈថា «តាំងពីខែកញ្ញាបានទាក់ទង គ្នាម្ដងរួចហើយ រហូតដល់ខែធ្នូ មុននឹងពួកខ្ញុំកក់លុយ១០០ដុល្លារ ពួកខ្ញុំក៏បានបញ្ជាក់ម្ដងទៀត គាត់ថា គ្រប់យ៉ាងគឺ ok តែថ្ងៃនេះបែរជា គាត់ប្រាប់ថា ជាប់រោងនៅភ្នំពេញ បន្ទាប់ពីខ្ញុំទូរស័ព្ទទៅគាត់។ បើខ្ញុំមិនទូរស័ព្ទទៅគាត់ កាលពីល្ងាចមិញទេ គាត់ក៏មិនប្រាប់ពួកសខ្ញុំ ថាគាត់រវល់ដែរ បើរវល់មិចមិនប្រាប់ឲ្យបានលឿនជាងនេះ ពួកខ្ញុំសល់ពេលមិនច្រើនទៀតទេ។ ឯណាទំនួលខុសត្រូវការងារ របស់អ្នក..»។</span></p>
<p><span style="color: #000000;">ប្រភពខាងលើបាននិយាយទៀតថា «ការងារនៅតាមមាត់របស់អ្នកមែនទេ? ចង់ cancell ក៏ cancellភ្លាម ខ្ញុំយកលុយទៅជួលអ្នកឯង មិនបានហៅមក free ទេ បើមិនមកគួរប្រាប់ពីដំបូង ម្ល៉េះមិនបាច់ឲ្យខ្ញុំពិបាកដោយសារតែអ្នក (ប៉ែន ចំរ៉ុង) នេះឬចរិតរកស៊ីជាតារា របស់អ្នក គ្មានទំនួលខុសត្រូវ? អ្នកចេះខ្លាចខ្មាសគេសុំឲ្យខ្ញុំលុប post ចុះអ្នកមានយល់អារម្មណ៍ពួកខ្ញុំទេ? »។</span></p>
<p><span style="color: #000000;">បន្ទាប់ពីរងការចោទប្រកាន់ ជុំវិញការបោកប្រាក់ដោយមិនទទួលខុសត្រូវ លើកការសន្យានោះតារាប្រុសលោក ប៉ែន ចំរ៉ុង បានចេញមុខបកស្រាយថា ខ្លួនមិនបានធ្វើដូចការចោទប្រកាន់នេះទេ គ្រប់យ៉ាងគឺផ្ទុយគ្នាទាំងស្រុង។ «សូមជំរាបសួរលោក លោកស្រីអ្នកនាងកញ្ញា ព្រមទាំងបង ប្អូនមិត្តភ័ក្តិនៅក្នុង Facebook នៅពេលនេះខ្ញុំបាទមានរឿងមួយ សុំឲ្យជួយពិចារណា ប្រហែលប៉ុន្មានខែមុនមានគេ បានទាក់ទងការងារ កាត់សក់ការ និង ពិធីករ និងច្រៀងកំដរភ្ញៀវពេលល្ងាច ដោយមានការណែនាំពីមិត្តភ័ក្តិឲ្យស្គាល់លោក សំណាង អញ្ចឹងចំពោះ ឈ្មោះ visith rithiya ខ្ញុំមិនដែលស្គាល់គាត់ទេ .»។</span></p>
<p><span style="color: #000000;">តារាប្រុសរូបនេះបានបន្ថែមថា «ចំពោះ PCR celebration ការងារដែលសម្រេចថា ទទួលលុះត្រាតែមាន កុងត្រា ឬលុយកក់ព្រោះជៀសវាងការខកខានឬមិនទុកចិត្តគ្នា ដោយប្រការណាមួយទាំងខាងខ្ញុំទាំងខាងភ្ញៀវ។ ដោយឡែកខ្ញុំ និង មិត្តភក្តិដែលណែនាំ តែងតែរំឭកជាច្រើនដងដែរ ពីរឿងកក់ប្រាក់ ព្រោះការងារអ្នកណាមិនចង់បាន តែប្រហែលជាគាត់រវល់ឬក៏យ៉ាងណា ក៏ខ្ញុំអត់ដឹងដែរ ហើយគាត់ពន្យាថា ថ្ងៃនេះថ្ងៃនោះ(ដូចក្នុង message) ។ ចំពោះការវេរប្រាក់មក គឺជារឿងចាត់ចែងខាងគាត់ តែខ្ញុំអត់បានទទួលលេខកូតទេ (អាចមើលសារក្នុងរូបខាងក្រោមបាន) »។</span></p>
<p><span style="color: #000000;">លោក ប៉ែន ចំរ៉ុង បានបន្ថែមថា គាត់បានផុសថា «សុំឲ្យខ្ញុំផ្តល់ដំណោះស្រាយឲ្យគាត់។ ខ្ញុំ និងក្រុមការងារ ក៏បានជួយសំរួលរកអ្នក ជំនួសឲ្យទៀត ទាំងមិនបានកំរៃ១រៀលនោះទ្បើយ ទាំងខ្ញុំជិតដល់ម៉ោងទ្បើងផ្សាយផ្ទាល់ លើប៉ុស្តិ៍ទូរទស្សន៍ ហើយនៅតែរវល់តេ (ទំនាក់ទំនង) រកអ្នកនេះអ្នកនោះជំនួស។ ចុះគាត់បានផុសបរិហារកេរ្តិ៍របស់ខ្ញុំបាទ គាត់នឹងអាចមានដំណោះស្រាយឲ្យខ្ញុំវិញទេ? ដូចនេះសង្ឃឹមថា ពុកម៉ែបងប្អូន នឹងមិនមានការយល់ច្រឡំទៀត ចំពោះរូបខ្ញុំបាទ ហើយក៏សូមអគុណដែលតែងតែគាំទ្រខ្ញុំបាទ និង PCR celebration សូមជូនពរឲ្យមានសំណាងល្អគ្រប់ៗគ្នា »៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12523114_216479718684538_7809053492454929069_n.jpg?oh=ea1e546919a03510e0cf22ca28351123&oe=57104144" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xpf1/v/t1.0-9/10341520_216479728684537_8664519128396729214_n.png?oh=6d8246cc9250e34e048e80324a68093e&oe=5703F4AA&__gda__=1463580864_b2749e2b1b8073e4d8436d941085bb24" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xta1/v/t1.0-9/12507692_216479682017875_5499927146419559613_n.jpg?oh=da836c4946d4ebfadff5cf2dcec99c29&oe=57096813&__gda__=1459591322_641453e6381c257917aca351e0ace0f6" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12523898_216479678684542_8470609099893830163_n.jpg?oh=5c14e9f2cac722bf439d5e706a165505&oe=57076710" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12540703_216479748684535_6932330812655582059_n.png?oh=609877b5358f0bb245ac33251f2daeb1&oe=57070945&__gda__=1459524655_5380fa1c3b5f5e2c67b9aa2e815ef81f" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/1935442_216479685351208_5871331475480354330_n.jpg?oh=00cd8336959897927dd9abcce7665317&oe=56FB6E9C" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/12540703_216479748684535_6932330812655582059_n.png?oh=609877b5358f0bb245ac33251f2daeb1&oe=57070945&__gda__=1459524655_5380fa1c3b5f5e2c67b9aa2e815ef81f" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>