<p><span style="color: #000000;"><strong>(បាហ្គាន)៖</strong> គ្រោះធម្មជាតិរញ្ជួយដីនៅល្ងាចថ្ងៃពុធ បានបណ្តាលឲ្យមនុស្សស្លាប់ ០៤នាក់ នៅភាគកណ្តាកមីយ៉ាន់ម៉ា ហើយអ្វីដែលគួរឲ្យសោកស្តាយបន្ថែមទៀតនោះ គឺបណ្តុំវត្តអារ៉ាម Bagan ដែលត្រូវបានកសាងតាំងពីថ្ងៃឆ្នាំ ១០៩១ មានចំនួនជាង ២,០០០ វត្ត បានទទួលរងការខូចខាតយ៉ាងដំណំ។ នេះបើតាមការចេញផ្សាយនៅមុននេះបន្តិច ដោយសារព័ត៌មាន Channel News Asia នៅរសៀលថ្ងៃព្រហស្បតិ៍ ទី២៥ ខែសីហា ឆ្នាំ២០១៦។</span></p>
<p><span style="color: #000000;">រូបភាពដែលត្រូវបានថតដោយភ្នាក់ងារអង្គការ យូណេស្កូ ដែលត្រួតពិនិត្យមើលសម្បត្តិបេតិកភណ្ឌពិភពលោក ខាងលើនេះ បានបង្ហាញឲ្យឃើញពីផ្សែងហុយចេញពីតំបន់វត្ត ដែលត្រូវបានបាក់រលំ និង ខ្ទេចខ្ទាំដោយតែគ្រោះរញ្ជួយ ផែនដីកម្រិត ៦,៨រ៉ិចទ័រ កាលពីល្ងាចថ្ងៃពុធម្សិលមិញ។ បើតាមការរាប់ចំនួនចុងក្រោយ គឺ វត្តចំនួន ១៨៥ខ្នង បានរងការបាក់បែក ហើយដែលវត្តទាំងនោះមានអាយុកាល ១,០០០ឆ្នាំមកហើយ។</span></p>
<p><span style="color: #000000;">បុរសម្នាក់ដែលស្ថិតនៅតំបន់ខាងលើនេះ ពេលកំពុងកើតហេតុ គឺលោក Khin Maung Toe បានប្រាប់ឲ្យដឹងថា <strong>«ខ្ញុំបានឮសំឡេងខ្លាំងៗ នៅពេលដែលខ្ញុំកំពុងបួងសួងនៅក្នុងវត្ត។ ខ្ញុំនឹងភរិយាទើបតែមកទីនេះជាលើកទីមួយ ប៉ុណ្ណោះ ហើយពេលកើតហេតុភ្លាមៗនោះ ខ្ញុំបានទាញប្រពន្ធខ្ញុំចេញពីវត្ត មុននឹងវត្តរលំចុះមក»</strong>។</span></p>
<p><span style="color: #000000;">គួរបញ្ជាក់ថា ចាប់តាំងពីរបបយោធាបានប្រគល់អំណាចភាគច្រើនជូនរដ្ឋាភិបាលស៊ីវិលវិញ កាលពីឆ្នាំ ២០១០ ភ្ញៀវទេសចរទៅកាន់វត្ត Bagan ក្នុងទីក្រុងបុរាណ Bagan ភាគកណ្តាប្រទេសមីយ៉ាន់ម៉ា បានកើនឡើងយ៉ាងគំហុក។ Bagan ជាទីក្រុងសាសនាព្រះពុទ្ធតាំងពីបុរាណរបស់ ភូមា ហើយបច្ចុប្បន្ននេះ មានព្រះសង្ឃ ២,៥០០អង្គកំពុងគង់នៅ នៅក្នុងតំបន់វត្តបុរាណជាង ២,០០០ខ្នងនេះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/25/69-25-08-2016--14-59-50.jpg"><img src="/FileManager/Articles/mce/2016/8/25/69-25-08-2016--14-59-50.jpg" alt="" /></a>\</span></p>
<p style="text-align: right;"><br /><span style="color: #000000;">ប្រភព ៖ CNA</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>