<p><span style="color: #000000;"><strong>(ភ្នំពេញ)៖</strong> ជនសង្ស័យដែលបានចូល ទៅភ្ជង់ប្លន់យកទូរស័ព្ទ ចំនួន៦គ្រឿង ពីអ្នកលក់ទូរស័ព្ទនៅក្នុងហាង «លឹម ហាវ» ស្ថិតនៅក្បែរផ្សារនាគមាស សង្កាត់ផ្សារដើមគរ ខណ្ឌទួលគោក នាវេលាម៉ោងជាង ១រសៀលថ្ងៃទី១៨ ខែសីហា ឆ្នាំ២០១៦នេះ ត្រូវបានសមត្ថកិច្ចប្រាប់ថា បានរំដោះរត់គេចខ្លួនបាត់ ប៉ុន្តែកម្លាំងសមត្ថកិច្ចបាននិងកំពុងរុករកបន្តទៀត។</span></p>
<p><span style="color: #000000;">មន្រ្តីនគរបាលខណ្ឌទួលគោក បានឲ្យដឹងថា ក្រោយពេលរត់ចូលផ្សារនាគមាសនោះ ជនសង្ស័យបានរត់ចូលទៅក្នុងផ្សារដើមគរ ហើយមានមនុស្សច្រើនផងនោះ ក៏បានរត់គេចខ្លួនបាត់ទៅ តែនៅពេលនេះ កម្លាំងសមត្ថកិច្ចទាំងខណ្ឌទួលគោក និងខណ្ឌចំការមន នៅបន្តសហការគ្នាតាមចេញចាប់បន្តទៀត។</span></p>
<p><span style="color: #000000;">សូមបញ្ជាក់ថា នៅវេលាម៉ោងកើតហេតុជនសង្ស័យម្នាក់ បានជិះម៉ូតូមួយគ្រឿងម៉ាកវ៉េវ ប្រដាប់ដោយសាក់កាដូមួយ បានទៅឈប់នៅមុខតូប លក់ទូរស័ព្ទ។ ពេលនោះ ជនសង្ស័យបានដើរចូលទៅហើយ រួចពេលកំពុងអង្គុយមើលទូរស័ព្ទបានបន្តិច ក៏បានទាញកាំភ្លើងខ្លីមួយដើម ទៅភ្ជង់ជនរងគ្រោះ រួចប្រមូលទូរស័ព្ទចំនួន៦គ្រឿងរត់គេចខ្លួន។ ប៉ុន្តែពេលរៀបឡើងម៉ូតូនោះស្រាប់តែ កម្លាំងនគរបាលល្បាត នៅក្បែរនោះ លឺសំឡេងជនរងគ្រោះស្រែក ក៏ចុះទៅជួយអន្តរាគមន៍ ធ្វើឲ្យជនសង្ស័យភ័យរត់ចោលម៉ូតូ ហើយកាន់កំាភ្លើងជាប់ដៃ ចូលទៅក្នុងផ្សារនាគមាស ហើយបន្តចូលទៅក្នុងផ្សារដើមគរទៀត៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-56-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-56-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-57-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-57-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-57-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-30-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-34-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-34-14-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-34-14-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-18-13-34-14-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>