<p><span style="color: #000000;"><strong>(កណ្តាល)៖</strong> ក្មេងប្រុសស្រី២នាក់ ត្រូវអណ្តាតភ្លើងឆាបឆេះភួយ បណ្តាលឲ្យរលាកម្នាក់ស្ទើរសុះខ្លួន ខណៈពួកគេកំពុងដេកលង់លក់ ក្នុងដំណេក ក្រោយពីម្តាយដុតទានបំភ្លឺផ្ទះ ហើយដើរទៅអង្គុយមើល ទូរទស្សន៍ផ្ទះអ្នកជិតខាងបាត់ នៅម៉ោង៩៖១០នាទីយប់ ថ្ងៃទី២១ ខែកុម្ភៈ ឆ្នាំ២០១៦ ស្ថិតនៅក្នុងភូមិស្រះពោធិ៍ ឃុំផ្សារដែក ស្រុកពញាឮ ខេត្តកណ្តាល។</span></p>
<p><span style="color: #000000;">សមត្ថកិច្ចនគរបាលបានឲ្យដឹងថា ក្មេងរងគ្រោះទាំងពីរឈ្មោះ ហុង វាសនា ភេទប្រុសអាយុ៧ឆ្នាំ របួសស្រាល និងឈ្មោះ ហុង ស្រីម៉ុច អាយុ៥ឆ្នាំ ត្រូវជាកូនរងរបួសធ្ងន់។ ម្តាយឈ្មោះហុង ស្រីទូច ភេទស្រី អាយុ៤០ឆ្នាំ មុខរបរសុំទាន រងរបួសស្រាល និងកូនស្រីម្នាក់ទៀត មិនមានរងរបួសនោះទេ ឈ្មោះហុង ស្រីពេជ អាយុ១២ឆ្នាំ។</span></p>
<p><span style="color: #000000;">នគរបាលបានបន្តថា មុនពេលកើតហេតុស្រ្តីជាម្តាយ បន្ទាប់ពីឲ្យកូនៗដេកហើយនោះ បានយកទៀនមួយដើម មកដុតបំភ្លឺនៅក្បែរកូនរួចហើយ គាត់បានដើរទៅមើលទូរទស្សន៍ ផ្ទះរបស់អ្នកជិតខាង ទៅបន្តរឿងភាគថៃ បន្តិចក្រោយមកស្រាប់តែឮសំឡេងកូនៗស្រែក ឲ្យជួយយ៉ាងតក់ក្រហល់ ទើបម្តាយស្ទុះទៅរក កូនទាំងតក់ស្លុតផងដែរ ពេលទៅដល់ស្រាប់តែឃើញអណ្តាតភ្លើង កំពុងតែឆាបឆេះកូនរបស់ខ្លួន ភ្លាមម្តាយបានស្ទុះទៅទាញបានកូនប្រុសម្នាក់ រួចក៏ស្ទុះទៅជួយកូនស្រីទៀត ប៉ុន្តែភ្លើងបានឆាបឆេះកូនស្ទើរជិតខ្លួនទៅហើយ ដោយជួយកូនបណ្តើរ ស្រែកឲ្យអ្នកជិតខាងជួយបណ្តើរ ភ្លាមៗនោះអ្នកជិតខាង បាននាំគ្នាទៅជួយទើប មិនបណ្តាលឲ្យឆាបឆេះផ្ទះ។</span></p>
<p><span style="color: #000000;">ក្រោយពេលកើតហេតុនគរបាលបានចុះទៅដល់ ដើម្បីជួយអន្តរាគមន៍ និងបានបញ្ជូនក្មេងរងគ្រោះទាំងពីរ ទៅសម្រាកព្យាបាល ។ សមត្ថកិច្ចនគរបាលបានបញ្ជាក់ថា ករណីភ្លើងឆាបឆេះកូនទាំងពីរបណ្តាលឲ្យរងរបួសនេះ គឺដោយសារស្រ្តីជាម្តាយមានការ ធ្វេសប្រហែលដុតទានហើយដើរចោលផ្ទះ បើពុំដូច្នេះមិនអាចកើតមានហេតុការនេះឡើយ៕</span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xtp1/t31.0-8/12779120_235368380129005_7649343586274136104_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtl1/t31.0-8/12496335_235368420129001_3777563625151770007_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xla1/t31.0-8/12779151_235368416795668_5488368846701934068_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/t31.0-8/12795214_235368386795671_3750588676929666801_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfa1/t31.0-8/12764450_235368413462335_8254060621536505759_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpt1/t31.0-8/12778891_235368383462338_36840797033606833_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>