<p><span style="color: #000000;"><strong>(ភ្នំពេញ)៖</strong> បើទោះបីជនជាតិវៀតណាមជាសាសនិកសាសនាកៅដាយជាច្រើននាក់នាំគ្នាតវ៉ារារាំងយ៉ាងណាក្តី តែអាជ្ញាធររាជធានីភ្នំពេញនៅតែរក្សាជំហរម៉ឺងម៉ាត់ ព្រមទាំងសម្រេចឲ្យមានការរុះរើរូបសំណាកព្រះគ្រូ Pham Eoung Tae ចេញពីព្រះវិហារកៅដាយ ដែលស្ថិតនៅតាមបណ្តោយផ្លូវម៉ៅសេទុង ក្នុងសង្កាត់ទំនប់ទឹក ខណ្ឌចំការមន។</span></p>
<p><span style="color: #000000;">ការសម្រេចបានធ្វើឡើងនៅក្នុងកិច្ចប្រជុំមួយដឹកនាំដោយអភិបាលរងរាជធានីភ្នំពេញ លោក មាន ចាន់យ៉ាដា នៅព្រឹកថ្ងៃទី១៤ ខែធ្នូ ឆ្នាំ២០១៦នេះ។ ក្នុងកិច្ចប្រជុំសម្រេចនាព្រឹកមិញនេះ ក៏មានការចូលរួមអាជ្ញាធរពាក់ព័ន្ធមកពីមន្ទីរធម្មការ និងសាសនា អាជ្ញាធរមូល គណៈកម្មការគ្រប់គ្រងវិហារកៅដាយ និងតំណាងស្ថានទូតវៀតណាម នៅកម្ពុជា។</span></p>
<p><span style="color: #000000;">រូបសំណាកលោក Pham Eoung Tae ត្រូវបានជនជាតិវៀតណាម កាន់សាសនាកៅដាយរួមគ្នាសាងសង់ឡើងនៅអំឡុងឆ្នាំ២០១៤ ដើម្បីគោរពបូជា ដោយសារលោក Pham Eoung Tae ជាអ្នកនាំយកសាសនាកៅដាយមកកម្ពុជា និងបង្កើតព្រះវិហារកៅដាយនៅកម្ពុជាផងដែរ។</span></p>
<p><span style="color: #000000;">តែការបង្កើតរូបសំណាកនេះ ក៏បានធ្វើឲ្យមានការមិនពេញចិត្តផងដែរ ពីសាសនិកមួយចំនួននៅក្នុងវិហារកៅដាយ ដោយពួកគេថា សាសនាមិនដែលគោរពបុគ្គលណាមួយនោះឡើយ គឺគោរពតែរូបភាព និងអក្សរតែប៉ុណ្ណោះ។</span></p>
<p><span style="color: #000000;">ក្នុងកិច្ចប្រជុំនាព្រឹកមិញក្រុមសាសនិក ដែលគាំទ្រឲ្យរក្សារូបសំណាកបាននាំគ្នាតវ៉ាជាច្រើន។ តែបើទោះបីជាមានការតវ៉ាយ៉ាងណាក្តី តែ លោក មាន ចាន់យ៉ាណា បានស្នើឲ្យពួកគេគោរពទៅតាមការសម្រេចរបស់រាជរដ្ឋាភិបាល និងក្រសួងពាក់ព័ន្ធ ជាពិសេសត្រូវគោរពទៅច្បាប់របស់កម្ពុជា។</span></p>
<p><span style="color: #000000;">ទីបំផុតទៅលោក មាន ចាន់យ៉ាដា បានទុកឱសានវាទរយៈពេលមួយខែឲ្យក្រុមសាសនិកកៅដាយរុះរើរូបសំណាកនេះចេញ ពោលគឺត្រូវ តែរុះរើនៅថ្ងៃទី១៤ ខែមករា ឆ្នាំ២០១៧ បើហួសពេលនេះអាជ្ញាធរ ក៏ដូចជាគណៈកម្មការនឹងចុះរុះរើដោយផ្ទាល់តែម្តង។ ការរុះរើនេះក៏មានការឯកភាពពីតំណាងស្ថានទូតវៀតណាមប្រចាំនៅកម្ពុជា លោក TRINH BA CAM ផងដែរ។</span></p>
<p><span style="color: #000000;">យោងតាមសាសនិកកៅដាយ បានឲ្យដឹងសាសនាកៅដាយត្រូវបាននាំចូលមកកម្ពុជា តាំងពីអំឡុងឆ្នាំ១៩២៧មកម្ល៉េះ ដោយព្រះគ្រូ Pham Eoung Tae៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-34-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-35-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-35-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-36-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-36-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-37-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-14-19-42-38-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>