<p><span style="color: #000000;"><strong>ភ្នំពេញ៖</strong> បន្ទាប់ពីគេហទំព័រ កំសាន្ត បានធ្វើការចុះផ្សាយអត្ថបទមួយ មានចំណងជើងថា «លី ច័ន្ទសីហា ប្រកាសថា ខ្លួននៅទទេស្អាត គ្មានទំនាក់ទំនងស្នេហ៍ ជាមួយប្រុសណាឡើយ.!» ចេញផ្សាយកាលពីពេលថ្មីនេះ ស្រាប់តែស្រីស្អាត កញ្ញា លី ច័ន្ទសីហា បានប្រញាប់ប្រញាល់ បង្ហាញរូបផ្អែមល្ហែមឱបរឹត ជាមួយគូស្នេហ៍ ឲ្យទស្សនិកជន បានឃើញសរបញ្ជាក់ពីចំណងស្នេហារឹងមាំ រវាងនាងនិងគូស្នេហ៍ថា គ្មានភាពប្រះឆា ដូចព័ត៌មាន ចុះផ្សាយ ហើយនាងក៏មានម្ចាស់បេះដូងរួចហើយ ពុំមែននៅទំនេរនោះទេ ។</span></p>
<p><span style="color: #000000;">កាលពីដើមសប្តាហ៍នេះ មានអ្នកលេង បណ្តាញទំនាក់ទំនងសង្គម Facebook ជាច្រើនបាននាំគ្នាភ្ញាក់ផ្អើលនៅពេលដែលបានឃើញ តារារូបនេះបានសរសេរបង្ហោះ នៅលើ Facebookថា « ដល់ម៉ោងហើយ ខ្ញុំសូមប្រកាសជាសាធារណៈថា ខ្ញុំគ្មានសង្សារ និងគ្មានទាក់ទងជាមួយនរណាទៀតទេ ស៊ីអារម្មណ៍ តិចទេចា៎...!»។ តាមរយៈសារនេះ បានធ្វើ ឲ្យទស្សនិកជនគិតថា នាងបានដើរដល់ផ្លូវបំបែក ជាមួយគូស្នេហ៍ ដែលជានិស្សិតបន្តការសិក្សា នៅប្រទេសវៀតណាម ដោយស្ងាត់ៗ ដោយសារតែបែបនេះ ទើបធ្វើឲ្យរឿងនេះក្លាយទៅជាមន្ទិលសង្ស័យ របស់មហាជននិងអ្នកគាំទ្ររបស់នាង ចោទជាសំណួរថាតើជារឿងពិត ឬយ៉ាងណា ។</span></p>
<p><span style="color: #000000;">ក្រោយពីមានព័ត៌មានចុះផ្សាយ និងធ្វើឲ្យទស្សនិកជន មានការចាប់អារម្មណ៍ ទៅលើរឿងរ៉ាវស្នេហា របស់នាងថា ជួបរឿងបែកបាក់នោះ បានធ្វើឲ្យតារាទឹកភ្នែក កញ្ញា លី ច័ន្ទសីហា ប្រញាប់ចេញមុខប្រតិកម្មតបតដោយភ្ជាប់មក ជាមួយរូបឱបរឹតជាមួយគូស្នេហ៍ថា «ពួកខ្ញុំមិនបានបែកគ្នា ដូចគេចុះផ្សាយទេច៎ា នៅតែស្រលាញ់គ្នាដដែល We Love Forever…»។</span></p>
<p><span style="color: #000000;">តាមរយៈការបង្ហាញសារ តបតរបស់តារាសម្តែង និងជាម្ចាស់ហាងសម្អាងការ កញ្ញា លី ច័ន្ទសីហា បែបនេះ បានធ្វើឲ្យអ្នកគាំទ្រនាង មួយចំនួនគិតថា ការបង្ហាញសារថា ខ្លួននៅទំនេរ គ្មានប្រុសស្នេហ៍នោះ គ្រាន់តែជាចេតនារបស់នាង ចង់ឲ្យមានការចាប់អារម្មណ៍ ពីទស្សនិកជនប៉ុណ្ណោះ ដោយនាងមិនបានគិតថា អាចមានការភ័ន្តច្រឡំនោះទេ ។ តែដល់ពេលមានមន្ទិលសង្ស័យ និងមានទស្សនិកជនខ្លះគិតថា នាងបែកបាក់ពីគូស្នេហ៍ជារឿងពិត ទើបធ្វើឲ្យនាងប្រញាប់ ចេញមុខបកស្រាយ និងបង្ហាញពីចំណងស្នេហាផ្អែមល្ហែម រឹងមាំ រវាងនាង និងគូស្នេហ៍ឡើងវិញ ដើម្បីលុបព័ត៌មានថា នាងនៅទំនេរ គ្មានប្រុសណាស្នេហ៍ ៕</span></p>
<p><span style="color: #0000ff;"><a href="http://www.lookingtoday.com/index.php/entertainment-general-news/43047-2015-11-18-06-29-25.html" target="_blank"><span style="color: #0000ff;">- អាន ៖ លី ច័ន្ទសីហា ប្រកាសថា ខ្លួននៅទទេស្អាត គ្មានទំនាក់ទំនងស្នេហ៍ ជាមួយប្រុសណាឡើយ.!</span></a><br /></span></p>
<p><span style="color: #000000;"><a class="thickbox" title="" href="/FileManager/Commons/2015/11/18/21-18-11-2015--14-55-16.jpg"><img src="/FileManager/Articles/mce/2015/11/18/21-18-11-2015--14-55-16.jpg" alt="" /></a></span></p>
<p><a class="thickbox" title="" href="/FileManager/Commons/2015/11/18/21a-18-11-2015--14-55-26.jpg"><img src="/FileManager/Articles/mce/2015/11/18/21a-18-11-2015--14-55-26.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/11/18/21-18-11-2015--14-55-16.jpg"></a></span></p>
<p><a class="thickbox" title="" href="/FileManager/Commons/2015/11/18/21b-18-11-2015--14-55-38.jpg"><img src="/FileManager/Articles/mce/2015/11/18/21b-18-11-2015--14-55-38.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>