<p><span style="color: #000000;"><strong>(ភ្នំពេញ)៖</strong> កំពូលតារាសម្ដែងហូលីវូដ និងជាអ្នកដឹកនាំរឿង <strong>«មុនដំបូងខ្មែរក្រហមសម្លាប់ប៉ារបស់ខ្ញុំ»</strong> លោកស្រី Angelina Jolie បានបង្ហាញពីកាលបរិច្ឆេទបញ្ចាំងរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ដែលជាខ្សែភាពយន្តបែបប្រវត្តិសាស្ត្រ រំឭកអំពីប្រវត្តិដ៏ជូរចត់ នៃរបបវាលពិឃាត នៅក្នុងប្រទេសកម្ពុជា ខណៈដែលការដាក់បញ្ចាំងនោះ មានចំនួន៤លើក ស្របពេលដែលមហាជន ក៏កំពុងទន្ទឹងរង់ចាំមើលយ៉ាងអន្ទះសារ។</span></p>
<p><span style="color: #000000;">យោងតាម Facebook ផ្លូវការរបស់ កំពូលតារាហូលីវូដ Angelina Jolie បានបញ្ជាក់ពីកាលបរិច្ឆេទ នៃការបញ្ចាំងភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ថា ការដាក់បញ្ចាំងលើកទី១ គឺនៅលើវាលស្មៅ នៃព្រះលានជល់ដំរី និងមុខប្រាសាទអង្គរធំ ចាប់ពីម៉ោង៦ល្ងាច នាថ្ងៃទី១៨-១៩ ខែកុម្ភៈ ឆ្នាំ២០១៧ ក្រោមព្រះរាជធិបតីភាពដ៏ខ្ពង់ខ្ពស់បំផុត នៃព្រះករុណា ព្រះបាទសម្តេចព្រះនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរ នរោត្តម មុនីនាថ សីហនុ។</span></p>
<p><span style="color: #000000;">ការដាក់បញ្ចាំងលើកទី២ ក៏មានពីរទីតាំងដែរ ក្នុងនោះទីតាំងទី១ គឺនៅ Indoor Arena និងនៅពហុកីឡដ្ឋានជាតិអូឡាំពិក ចាប់ពីម៉ោង៦ល្ងាច នាថ្ងៃទី២១ ខែកុម្ភៈ ឆ្នាំ២០១៧នេះ ដោយមានការអញ្ជើញចូលរួម ពីសំណាក់មហាជន និងតារាសម្ដែងខ្មែរក្នុងរឿងនេះ ដែលត្រូវបាននាង Angelina Jolie អញ្ជើញដោយផ្ទាល់។</span></p>
<p><span style="color: #000000;">ចំណែកការដាក់បញ្ចាំងលើកទី៣ គឺនៅក្នុងខេត្តបាត់ដំបង ដែលជាទីតាំងថតរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» នេះផ្ទាល់ ដោយបញ្ចាំងនៅថ្ងៃទី២៣ ខែកុម្ភៈ ឆ្នាំ២០១៧នេះ ខណៈលើកទី៤ គឺនៅថ្ងៃទី១៥ ខែកញ្ញា ឆ្នាំ២០១៧នេះ ក៏មានការដាក់បញ្ចាំងម្ដងទៀត ផងដែរ។</span></p>
<p><span style="color: #000000;">សូមបញ្ជាក់ថា ខ្សែភាពយន្តរឿង «មុនដំបូងខ្មែរក្រហមសម្លាប់ប៉ារបស់ខ្ញុំ» ត្រូវបានថតនៅក្នុងទីតាំងសំខាន់ៗជាប្រវត្តិសាស្ត្រចំនួន២គឺ ខេត្តសៀមរាប និងខេត្តបាត់ដំបង ជាពិសេស តំបន់រមណីយដ្ឋានអង្គរ ក៏ជាផ្នែកមួយដ៏សំខាន់ ដែលខ្សែភាពយន្តបានផ្តិតយកទិដ្ឋភាព ជាប្រវត្តិសាស្ត្រមួយចំនួនធំ។ ដូចនេះហើយ បានជាផលិតករភាពយន្ត សម្រេចចិត្ត ជ្រើសរើសយករមណីយដ្ឋានអង្គរ ជាទីតាំងចាក់បញ្ចាំងមុនដំបូង ដែលជាពិធីសម្ពោធផ្លូវការ មុននឹងខ្សែភាពយន្តនេះចាក់បញ្ចាំង នៅរោងភាពយន្តផ្សេងៗទៀត។</span></p>
<p><span style="color: #000000;">រឿង «មុនដំបូងខ្មែរក្រហមសម្លាប់ប៉ារបស់ខ្ញុំ» មានការចូលរួមសម្ដែង ដោយតារាខ្មែរជាច្រើនដួង រួមមាន លោក សុខ សុធន, កញ្ញា សម ថារត្ន ,លោក ផង់ តារា , លោក សាវិន ហ្វីលីព ,កញ្ញា ឌី សូនីតា , អ្នកនាង ស្វែង សុជាតា , លោក ទេព រិនដារ៉ូ ,លោក ជា សំណាង, លោក ហម ឈរ៉ា, រស់ មុនី, ម៉ារីណែត និងកុមារី ជូលី ជាដើម។</span></p>
<p><span style="color: #000000;">នេះគឺជាព្រឹត្តិការណ៍ ដ៏សំខាន់មួយទៀត សម្រាប់រមណីយដ្ឋានអង្គរ ដែលកន្លងមកតែងទទួលរៀបចំនូវព្រឹត្តិការណ៍ ដែលមានការយាងចូលរួម ពីសំណាក់ព្រះមហាក្សត្រ ថ្នាក់ដឹកនាំកំពូលរបស់រាជរដ្ឋាភិបាល និងឥស្សរជនល្បីៗលើពិភពលោកជាច្រើនរូបទៀត។ ព្រឹត្តិការណ៍ដ៏សំខាន់នេះ ក៏ជាផ្នែកមួយដែលជួយស្រូបទាញ ទេសចរឲ្យមកទស្សនាកម្ពុជា ជាពិសេស រមណីយដ្ឋានអង្គរកាន់តែច្រើនឡើងៗ៕</span></p>
<div class="fluid-width-video-wrapper"><span style="color: #000000;"><iframe id="fitvid343103" src="https://www.youtube.com/embed/m-NfO3upu6A" frameborder="0" width="320" height="240"></iframe></span></div>
<p> </p>
<p><span style="color: #000000;"><img src="http://image.freshnewsasia.com/2017/fn-2017-02-16-11-30-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-16-11-30-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-02-14-12-39-01-0.jpg" alt="" width="730" /></span></p>
<p><span style="color: #000000;"><img class="irc_mi" src="http://images.indianexpress.com/2015/12/angelinajolie759.jpg" alt="Image result for angelina jolie" width="707" height="393" /></span></p>
<p><span style="color: #000000;"><img class="irc_mi alignleft" src="https://s-media-cache-ak0.pinimg.com/originals/03/90/ed/0390edb59d4a43749629253fc639f863.jpg" alt="Image result for angelina jolie" width="735" height="406" /></span></p>
<p><span style="color: #000000;"><img class="irc_mi alignleft" src="http://www.todayincity.com/wp-content/uploads/2016/06/sexy-hot-spicy-pics-of-angelina-jolie.jpg" alt="Related image" width="738" height="392" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>