<p><span style="color: #000000;"><strong>(បន្ទាយមានជ័យ)៖</strong> លោក សុក កែវបណ្ឌិត ព្រះរាជអាជ្ញារងអមសាលាដំបូងខេត្តបន្ទាយមានជ័យ បានប្រាប់ភ្នាក់ងារ Fresh News នៅល្ងាចថ្ងៃទី១៧ ខែវិច្ឆិកា ខែវិច្ឆិកានេះថា ពេលនេះជនសង្ស័យដែលរំលោភសេពសន្ថវៈកុមារីអាយុ ៤ឆ្នាំ នៅក្រុងប៉ោយប៉ែតនោះ ត្រូវបានសមត្ថកិច្ចឃាត់ខ្លួនបានហើយនៅឯខេត្តកំពង់ចាម។ ការឃាត់ខ្លួននេះមានការសហការជាមួយកម្លាំងនគរបាលខេត្តកំពង់ចាម ។</span></p>
<p><span style="color: #000000;">លោក សុក កែវបណ្ឌិត បានបន្តថា ជនសង្ស័យ ឈ្មោះ ថុង មន ហៅ ពៅ ភេទប្រុស អាយុ៣២ឆ្នាំ ជាសន្តិសុខនៅភោជនីយដ្ឋាននាគទិព្វ រស់នៅភូមិក្បាលស្ពាន១ សង្កាត់-ក្រុងប៉ោយប៉ែត បានប្រព្រឹត្តករណីរំលោកភសេពសន្ថវៈលើកុមារីអាយុ៤ កាលពីថ្ងៃទី២២ ខែសីហា ឆ្នាំ២០១៦ កន្លងមកនេះ។</span></p>
<p><span style="color: #000000;">លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្ត បានប្រាប់ឲ្យដឹងថា ក្រោយពីមានឪពុកកុមារីរងគ្រោះដាក់ពាក្យបណ្តឹងទៅកម្លាំងសមត្ថកិច្ចនគរបាលក្រុងប៉ោយប៉ែត អស់រយៈពេលជិត ៤ខែ គ្មានពន្លឺអ្វីសោះ ដូច្នេះហើយក្នុងនាមយើងជាមន្ត្រីយុត្តិធម៌ បានបញ្ជាការកម្លាំងនគរបាលខេត្តបន្ទាយមានជ័យស្រាវជ្រាវ ដើម្បីឃាត់ខ្លួនជនសង្ស័យរត់គេច នៅឯខេត្តកំពង់ចាម។</span></p>
<p><span style="color: #000000;">លោកបន្ត ឪពុកក្មេងរងគ្រោះឈ្មោះលាប លីតេង អាយុ៤០ឆ្នាំ កូនស្រីរងគ្រោះឈ្មោះ ត ស គ អាយុ៤ឆ្នាំ កូនស្រីគាត់ត្រូវបានជនសង្ស័យខាងលើ ចាប់រំលោភសេពសន្ថវៈកូនស្រី កាលពីថ្ងៃទី២២ ខែសីហា ឆ្នាំ២០១៦ កន្លងមកនេះ តែបែកការនៅថ្ងៃទី២៧ ខែសីហា ឆ្នាំ២០១៦ ខណៈពេលឪពុកបាននាំកូនស្រីមកផ្ទះពីម្តាយបង្កើតវិញ។</span></p>
<p><span style="color: #000000;">លោកបានបញ្ជាក់ថា ជនសង្ស័យខាងលើនេះត្រូវបានកម្លាំងនគរបាលខេត្តកំពង់ចាម ចាប់បញ្ជូនមកដល់ខេត្តបន្ទាយមានជ័យហើយ។</span><br /><span style="color: #000000;">បច្ចុប្បន្ននេះ សមត្ថកិច្ចជំនាញកំពុងសាងសំណុំជនសង្ស័យខាងលើ ទៅកាន់សាលាដំបូងខេត្តចាត់ការតាមនិតិវិធីច្បាប់។</span></p>
<p><span style="color: #000000;">សូមបញ្ជាក់ថា តាមការរៀបរាប់ពីឪពុកក្មេងស្រីរងគ្រោះ ពេលនោះ គាត់ និងកូនស្រីទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលសង្កាត់ប៉ោយប៉ែត ដើម្បីជួយអន្តរាគមន៍ តែគ្មានប្រសិទ្ធភាពឡើយ ។ គាត់មិនអស់ចិត្តទៅកន្លែងអធិការក្រុងប៉ោយប៉ែត ឱ្យជួយអន្តរាគមន៍រហូតដល់ពេលនេះ គ្មានពន្លឺអ្វីបន្តិចសោះ ។</span></p>
<p><span style="color: #000000;">សូម្បីតែរូបគាត់និងកូនស្រីទៅរកអង្គការ និងអង្គការផ្សេងទៀតតែគ្មានប្រសិទ្ធភាព មានតែប្រាប់គាត់កុំនិយាយអ្វីពាក់ព័ន្ធនិងគេទៀតអី ចាំគេដោះស្រាយជូនហើយ៕</span></p>
<p><span style="color: #000000;"><img src="http://image.freshnewsasia.com/2016/011/fn-2016-11-17-18-47-46-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-17-18-47-47-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/011/fn-2016-11-17-18-47-47-2.jpg" alt="" width="730" /></span></p>
<p><span style="color: #000000;">ឪពុកក្មេងស្រីរងគ្រោះ</span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>