<p><span style="font-size: 12px; color: #000000;">លោក Stan Lee អ្នកផ្ដើមគំនិតបង្កើតសៀវភៅរឿងកំប្លែងបែបអច្ឆរិយៈ(Marvel Comic books) បានទទួលបរណភាព ក្នុងជន្មាយុ ៩៥ ឆ្នាំ។ លោកទទួលខុសត្រូវក្នុងការបង្កើតតួអង្គសំខាន់ៗរួមមានដូចជា Spider-Man, X-man, Iran Man, The Credible Hulk, Thor, black Panther និង The fantastic Four។</span></p>
<p><span style="color: #000000;">ដោយសារតែស្នាដៃរបស់លោក បានធ្វើឱ្យក្រុមហ៊ុន Marvel បានក្លាយជា ក្រុមហ៊ុនបោះពុម្ភផ្សាយសៀវភៅរឿងកំប្លែងដ៏ពេញនិយមបំផុតនៃពិភពលោក។ មិនតែប៉ុណ្ណោះលោកបានសហកាផលិតនូវរឿង Hollywood ខ្នាតវែងផងដែរ។</span></p>
<p><span style="color: #000000;"><a class="thickbox" title="" href="/FileManager/Commons/2018/11/13/1-13-11-2018--15-45-10.PNG"><img src="/FileManager/Articles/mce/2018/11/13/1-13-11-2018--15-45-10.PNG" alt="" /></a><br /></span></p>
<p><span style="color: #000000;">កូនស្រីរបស់លោក គឺអ្នកស្រី J.C បាននិយាយថា រថយន្ដសង្រ្គោះបន្ទាន់ បានបើកយ៉ាងប្រញាប់ឆ្ពោះទៅកាន់ផ្ទះរបស់លោកនៅ Hollywood Hills កាលពីព្រឹកថ្ងៃចន្ទ ហើយរូបលោកត្រូវបានបញ្ជូនទៅកាន់មន្ទីរពេទ្យ ជាកន្លែងដែលលោកទទួលមរណៈភាព។</span></p>
<p><span style="color: #000000;">អ្នកស្រីបាននិយាយថា៖” លោកស្រឡាញ់ជីវិតរបស់លោក និងស្រឡាញ់នូវកិច្ចការ ដែលលោកប្រកបដើម្បីចិញ្ចឹមជីវិតណាស់។ ពុំមាននរណា អាចជំនួសគាត់បានឡើយ។ ឪពុករបស់ខ្ញុំស្រឡាញ់អ្នកគាំទ្ររបស់គាត់ណាស់។ គាត់ជាបុរសដ៏អស្ចារ្យម្នាក់”។</span></p>
<p><span style="color: #000000;">រយៈពេលប៉ុន្មានឆ្នាំចុងក្រោយរបស់លោក Lee មានភាពច្របូកច្របល់ជាមួយនឹងរឿងក្ដីនៅតុលាការរវាងក្រុមគ្រួសាររបស់លោក និងអតីតអ្នកគ្រប់គ្រង។</span></p>
<p><span style="color: #000000;"><a class="thickbox" title="" href="/FileManager/Commons/2018/11/13/2-13-11-2018--15-45-20.PNG"><img src="/FileManager/Articles/mce/2018/11/13/2-13-11-2018--15-45-20.PNG" alt="" /></a><br /></span></p>
<p><span style="color: #000000;">មរណភាពរបស់ភរិយារបស់លោក ក្នុងជន្មាយុ ៦៩ ឆ្នាំ បានបន្សល់ទុករឿងក្ដីមួយ ដែលបណ្ដាលឱ្យមានការដោះស្រាយរវាងមិត្ដភក្ដិ មេធាវី និងអ្នកប្រឹក្សាច្បាប់។ កាលពីខែកក្កដា មេធាវីការពារក្ដីឱ្យកូនស្រីរបស់លោក គឺអ្នកស្រី JC បានទទួលដីការារាំងការរំលោភបំពានមនុស្សចាស់ ប្រឆាំងនឹងអតីតអ្នកគ្រប់គ្រងរបស់លោក។</span></p>
<p><span style="color: #000000;">បណ្ដឹងសុំឱ្យតុលាការចេញដីការារាំងនេះ បានចោទប្រកាន់អតីតអ្នកគ្រប់គ្រងរូបនោះ ពីបទប៉ុនប៉ងជ្រៀតជ្រែកសមត្ថភាពលោក Lee ក្នុងការទំនាក់ទំនងទៅគ្រូពេទ្យ និងសមាជិកគ្រួសារ និងបំបែកលោក Lee ចេញពីកូនស្រីរបស់គាត់។</span></p>
<p><span style="color: #000000;">កាលពីឆ្នាំ២០០២ លោក Lee បានប្ដឹងទាមទារចំណែកប្រាក់ចំណេញរបស់លោក ក្រោយពីខ្សែភាពយន្ដរឿង Spider-Man ដណ្ដើមបានជ័យជម្នះ នៅតាមរោងភាពយន្ដ ដែលនាពេលនោះលោកបាន ទទួលប្រាក់សំណងបញ្ចប់ក្ដីចំនួន ១០ លានដុល្លារអាមេរិក។ បើតាមការប៉ាន់ប្រមាណ លោក Lee មានទ្រព្យសម្បត្ដិចំនួន ៧០ លានដុល្លារអាមេរិក។</span></p>
<p> </p>
<p><span style="color: #000000;">កាលពីខែឧសភាឆ្នាំនេះ លោកចាប់ផ្ដើមបណ្ដឹងទាមទារទឹកប្រាក់ ១ ពាន់លានដុល្លារអាមេរិកប្រឆាំងនឹងក្រុមហ៊ុន POW! Entertainment ជាក្រុមហ៊ុនមួយ ដែលលោកបានសហការបង្កើត ដោយបានចោទប្រកាន់បណ្ដាប្រធានប្រតិបត្ដិនៃក្រុមហ៊ុននោះពីបទសមគំនិតគ្នាលួចអត្ដសញ្ញាណ ឈ្មោះ និងនិមិត្ដរូបរបស់លោក។</span></p>
<p><span style="color: #000000;">លោកក៏បានអះអាងផងដែរថា ក្រុមហ៊ុននេះ បានចូលគ្រប់គ្រងគណនីបណ្ដាញផ្សព្វផ្សាយសង្គមរបស់លោក និងប្រើបណ្ដាញទាំងនោះ ដើម្បីក្លែងធ្វើជាតួអង្គលោក។ រយៈពេលពីរខែក្រោយលោក បានដកពាក្យបណ្ដឹង និងនិយាយនៅក្នុងរបាយការណ៍មួយថា៖” រឿងគ្រប់យ៉ាង បានធ្វើឱ្យអ្នកទាំងអស់គ្នារូមទាំងខ្ញុំ និងអ្នកគាំទ្រ មានការភ័ន្ដច្រឡំ ប៉ុន្ដែឥឡូវនេះ ខ្ញុំមានអារម្មណ៍សប្បាយចិត្ដ ដោយមានការគាំទ្រពីមនុស្ស ដែលប្រាថ្នាល្អសម្រាប់ខ្ញុំ” ៕ </span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/11/13/mekongnet-13-11-2018--15-45-35.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ Telegraph</span></p>