<p><span style="color: #000000;"><strong>(ភ្នំពេញ)៖</strong> បន្ទាប់ពីសុខភាព លោកតា សង់ស៊ីស បានធូរស្បើយច្រើនបន្តិច ក្រុមគ្រួសារក៏បានរៀបចំកម្មវិធី ចំរើនព្រះជន្ម និងហៅព្រលឹងព្រលះមកវិញ ដើម្បីឲ្យលោកតាបានស្រាកស្រាន្ត និងអរគុណ គុណបុណ្យដូនតា ដែលតាមថែរក្សាកន្លងមក។ ក្រោយពីពិធីនេះ បានចប់រួចរាល់ ហើយស្ថានភាពលោកតា សង់ ស៊ីស បានធូរស្បើយនោះ តារាចម្រៀង សុន ស្រីពេជ្រ និងតារាកំប្លែង នាងកាឆយ បាននាំយកអំណោយ និងថវិកាមួយចំនួនឧបត្ថម្ភដល់លោកតា ផ្លុង មឿក ដែលកំពុងតែមានជំងឺ និងខ្វះខាតនូវថវិកាព្យាបាលផងដែរ។</span></p>
<p><span style="color: #000000;">គេនៅចាំបានថា ស្របពេលដែលលោកតា សង់ស៊ីស ឈឺធ្ងន់ លោកតា ផ្លុង មឿក អ្នកអាយ៉ៃជើងចាស់ឯណោះវិញ ក៏ក៏ធ្ងន់ធ្ងរមិនធម្មតាដែរ។ ក្រៅពីនេះ លោកតាស្ទើរតែគ្មានបាយទឹកហូបគ្រប់គ្រាន់ ព្រោះជីវភាពលំបាកខ្លាំង រហូតថ្ងៃខ្លះលោកតា ស្រក់ទឹកភ្នែកព្រោះចង់ហូបគុយទាវ ដែលចូលចិត្ត តែគ្មានប្រាក់សម្រាប់ហូបនឹងគេ។</span></p>
<p><span style="color: #000000;">ដោយសារតែលោកតា សង់ ស៊ីស បានធូរស្បើយហើយ កូនៗ លោកតា មានដូចជា នាង សុន ស្រីពេជ្រ និងនាង កាឆយ បាននាំគ្នា ទៅសួរសុខទុក្ខលោកតា ផ្លុង មឿក ម្ដង ព្រមទាំងនាំថវិកាមួយចំនួនផង ដែលបង្ហាញពីទឹកចិត្ត ចំពោះអ្នកសិល្បៈជើងចាស់ដូចគ្នា។</span></p>
<p><span style="color: #000000;">ប្រភពពីក្រុមគ្រួសារ លោកតាស៊ីស បាននិយាយថា ជាទឹកចិត្តចំពោះអ្នកសិល្បៈជើងចាស់ដូចគ្នា ថវិកាមិនជាច្រើនទេ តែជាសុទ្ធា និងចង់បង្ហាញពីការជួយគ្នា ក្នុងគ្រាអាសន្ន ព្រោះកន្លងមក ពេលលោកតាស៊ីសឈឺ ក៏មានសប្បុរជនក្នុង និងក្រៅប្រទេសនានា ជួយច្រើនដែរ។ ថ្មីៗនេះអ្នកសិល្បៈខ្មែរ ហាក់មានសុខភាពដុនដាប ព្រោះម្នាក់សុទ្ធតែធ្លាក់ខ្លួនឈឺ ពិសេសឆ្នាំនេះជាឆ្នាំ ដែលអ្នកសិល្បៈឈឺ និងស្លាប់ច្រើនជាងគេ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-01-14-41-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-01-14-41-22-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-08-01-14-41-22-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>