<p><span style="color: #000000;"><strong>(មូស្គូ)៖</strong> បន្ទាប់ពីចិនឥឡូវដល់វេនរុស្ស៊ីវិញម្ដង ដែលសម្ដែងក្ដីបារម្ភជំទាស់នឹង ការដាក់ពង្រាយប្រព័ន្ធខែលការពារមីស៊ីល THAAD នៅលើទឹកដីកូរ៉េខាងត្បូង ហើយថែមទំាងព្រមានដែរថា THAAD នឹងនំាទៅរកការរត់ប្រណាំងសព្វាវុធសាជាថ្មី និងធ្វើឱ្យប៉ះពាល់ដល់ស្ថេរភាពនៅក្នុងតំបន់។ នេះបើតាមការចេញផ្សាយដោយសារព័ត៌មាន Russian Today នៅព្រឹកថ្ងៃសុក្រ ទី១០ ខែមីនា ឆ្នាំ២០១៧។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/10/15b-10-03-2017--16-02-40.jpg"><img src="/FileManager/Articles/mce/2017/3/10/15b-10-03-2017--16-02-40.jpg" alt="" /></a><br /></span></p>
<p><span style="color: #000000;">សហរដ្ឋអាមេរិកបានចាប់ផ្ដើមនីតិវិធីដាក់ពង្រាយ THAAD នៅលើទឹកដីកូរ៉េខាងត្បូង បើទោះជាមានការជំទាស់ពីរុស្ស៊ី ជាពិសេសគឺចិនក៏ដោយ។ ជុំវិញបញ្ហានេះដែរ នៅក្នុងសេចក្ដីថ្លែងការណ៍ចេញផ្សាយ នៅថ្ងៃព្រហស្បតិ៍សប្ដាហ៍នេះ ក្រសួងការបរទេសរុស្ស៊ីបានព្រមានថា ផែនការរបស់ទីក្រុងវ៉ាស៊ីនតោន នឹងបង្កជាផលវិបាកដ៏ធ្ងន់ធ្ងរ។ ក្រសួងការបរទេសរុស្ស៊ីបានបញ្ជាក់ដូច្នេះថា<strong> «ការដាក់ពង្រាយ THAAD នឹងបង្កជាផលវិបាកធ្ងន់ធ្ងរ សម្រាប់អន្តរជាតិ និងស្ថេរភាពយុទ្ធសាស្ត្រនៅក្នុងតំបន់ ខណៈស្ថានភាពនៃតំបន់អាស៊ីប៉ាស៊ីហ្វិក កំពុងមានភាពតានតឹងស្រាប់។ មួយវិញទៀត ផលវិបាកដ៏ធ្ងន់ធ្ងរដែលនឹងកើតឡើង អាចនឹងធ្វើឱ្យបញ្ហានុយក្លេអ៊ែរ និងវិបត្តិជាច្រើន ក្នុងតំបន់ឧបទ្វីបកូរ៉េរឹតតែស្មុគស្មាញ ក៏ដូចជាជំរុញឱ្យមាន ការរត់ប្រណាំងសព្វាវុធតែប៉ុណ្ណោះ»</strong>។</span></p>
<p><span style="color: #000000;"><a class="thickbox" title="" href="/FileManager/Commons/2017/3/10/16-10-03-2017--16-00-27.jpg"><img src="/FileManager/Articles/mce/2017/3/10/16-10-03-2017--16-00-27.jpg" alt="" /></a><br /></span></p>
<p><span style="color: #000000;">គួរបញ្ជាក់ថាកូរ៉េខាងត្បូង និងសហរដ្ឋអាមេរិកសម្រេចចិត្តដាក់ពង្រាយ THAAD ភា្លមៗបន្ទាប់ពីកូរ៉េខាងជើងបាញ់សាកល្បង មីស៊ីលផ្លោងបួនគ្រាប់ទៅកាន់សមុទ្រជប៉ុន កាលពីព្រឹកថ្ងៃចន្ទ ហើយនៅតែអះអាងថា THAAD មានគោលដៅតែមួយគត់ទៅលើទីក្រុងព្យុងយ៉ាង។ ក៏ប៉ុន្តែចិន និងរុស្ស៊ី នៅតែជំទាស់ដោយព្រមាន ចាត់វិធានការឆ្លើយតបផងដែរ បើសិនជាប្រព័ន្ធមីស៊ីលនេះ ត្រូវបានដាក់ពង្រាយ៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ អ័រតេ</span></p>