<p><span style="color: #000000;"><strong>(ក្រចេះ)៖</strong> សំណុំរឿងឃាតកម្មវាយសម្លាប់កូនក្រមុំ ទើបរៀបការហើយ ដែលបណ្តាលឲ្យខាងស្រីស្លាប់ នៅស្រុកស្នួល ខេត្តក្រចេះនោះ ឥឡូវនេះកម្លាំងនគរបាលបានបំបែកសំណុំរឿងបានហើយ គឺជនដៃដល់ជាកូនកម្លោះតែម្តង ពីព្រោះខឹងប្រពន្ធរបស់ខ្លួន ដែលទើបរៀបការនេះ មិនស្មោះត្រង់ជាមួយ ពោលលួចមានសង្សាទៀតផង។</span></p>
<p><span style="color: #000000;">ស្នងការរងនគរបាលខេត្តក្រចេះ និងប្រធានការិយាល័យកណ្តាលព្រហ្មទណ្ឌ លោកឧត្តមសេនីយ៍ អ៊ុំ ភី បានប្រាប់ Fresh News នៅព្រឹកថ្ងៃទី២៨ ខែកុម្ភ: ឆ្នាំ២០១៦នេះថា <strong>«ក្រោយមានអំពើឃាតកម្មនេះកើតឡើងភ្លាម កម្លាំងនគរបាលរបស់យើងទាំងស្រុក និងប៉ុស្តិស្រែចារ ក្រោមការបញ្ជាផ្ទាល់ពីស្នងការនគរបាលខេត្តលោកឧត្តមសេនីយ៍ត្រី លន់ សុផាត បានបើកការស្រាវជ្រាវយ៉ាងយកចិត្តទុកដាក់ ហើយឈានទៅដល់ការចាប់ខ្លួន ជនសង្ស័យម្នាក់ គឺជាកូនកម្លោះ នៅរសៀលថ្ងៃទី២៧ ខែកុម្ភ: ស្ថិតនៅឃុំស្រែចារ ស្រុកស្នួល ខេត្តក្រចេះ»</strong>។</span></p>
<p><span style="color: #000000;">លោកឧត្តមសេនីយ៍ អ៊ុំ ភី បានបញ្ជាក់ថា ជនសង្ស័យរូបនេះ មានឈ្មោះ ឡើត ឆើត ភេទប្រុស អាយុ២០ឆ្នាំ រស់នៅភូមិមាក់កណ្តាល ឃុំស្រែចារ ស្រុកស្នួល ខេត្តក្រចេះ ដែលបានទៅវាយសម្លាប់ជនរងគ្រោះបណ្តាលឲ្យស្លាប់ នៅពេលពួកគេទាំង២នាក់ បានទៅងូតទឹកក្រោយផ្ទះ ពេលបញ្ចប់ថ្ងៃរៀបការហើយនោះ។</span></p>
<p><span style="color: #000000;">មន្រ្តីនគរបាលខេត្តក្រចេះ បានបញ្ជាក់ថា តាមពិតជនដៃដល់មិនបានស្រឡាញ់ជនរងគ្រោះនោះទេ ក្រោយពួកគេបានភ្ជាប់ពាក្យហើយ ដោយសារជនរងគ្រោះមិនស្មោះត្រង់ជាមួយខ្លួន ពោលធ្លាប់មានសង្សា និងមានការទំនាក់ទំនងយ៉ាងសីុជំរៅទៀតផង។ ជនដៃដល់មិនចង់រៀបការនោះឡើយ ហើយចង់ដកខ្លួនទៀតផង តែដោយសារឪពុកម្តាយខាងស្រីបង្ខំ និងគំរាមថា បើមិនរៀបការជាមួយកូនស្រីរបស់ពួកគេទេ នឹងប្តឹងទាមទារលុយជាក់ជាមិនខានឡើយ។</span></p>
<p><span style="color: #000000;">ដោយសារខ្លាចឪពុកម្តាយខាងស្រីប្តឹងទាមទារលុយនោះ ទើបសុខចិត្តរៀបការទាំងមិនសប្បាយចិត្ត ហើយពេលខ្លះចង់ចងក សម្លាប់ខ្លួន តែធ្វើទៅមិនកើត រហូតប្តូរផែនការវាយសម្លាប់ជនរងគ្រោះតែម្តង ។ មន្រ្តីនគរបាលបានបញ្ជាក់ថា <strong>«ពេលនាំជនរងគ្រោះទៅងូតទឹក ហើយពេលដើរមកវិញ ជនដៃដល់ដែលដើរពីក្រោយ ក៏យកព្រនង់វាយទៅលើជនរងគ្រោះរហូតស្លាប់តែម្តង មុនពេលរត់គេចខ្លួន រហូតកម្លាំងយើងតាមចាប់ខ្លួនតែម្តង»</strong>។ ក្រោយចាប់ខ្លួនកម្លាំងនគរបាល បានដកហូតវត្ថុតាងព្រនង់ឈើចំនួន០២កំណាត់ក្បាលពិល ធ្វើអំពីដែកចំនួន០១។</span></p>
<p><span style="color: #000000;">សូមបញ្ជាក់ថា មានករណីឃាតកម្មមួយបានកើតឡើង បណ្ដាលឲ្យស្រ្តីម្នាក់ស្លាប់បាត់ជីវិត យ៉ាងអណោចអធ័ម ទាំងកាយអាក្រាត និងបុរសម្នាក់រងរបួស។ ហេតុការណ៍នេះកើតឡើងវេលាម៉ោង ១១៖២០យប់ថ្ងៃទី២៦ ខែកុម្ភៈ ឆ្នាំ២០១៦ ស្ថិតនៅភូមិមាក់កណ្ដាល ឃុំស្រែចារ ស្រុកស្នួល ខេត្តក្រចេះ។</span></p>
<p><span style="color: #000000;">នគរបាលប៉ុស្តិ៍រដ្ឋបាលឃុំស្រែចារ បានឲ្យដឹងថា ជនរងគ្រោះទី១ ឈ្មោះ ម៉ុន ស្រីញឹប ភេទស្រី អាយុ១៨ឆ្នាំ មានទីលំនៅភូមិ-ឃុំ កើតហេតុខាងលើ បានស្លាប់នៅកន្លែងកើតហេតុ (ត្រូវជាកូនក្រមុំ) , ទី២ឈ្មោះ ឡើក ឆើត ភេទប្រុស អាយុ២០ឆ្នាំ មានទីលំនៅ ភូមិ-ឃុំជាមួយគ្នា បានរងរបួសធ្ងន់ បញ្ជូនមកសង្គ្រោះនៅមន្ទីរពេទ្យបង្អែកស្រុកស្នួល (ត្រូវជាកូនកម្លោះ)។</span></p>
<p><span style="color: #000000;">មុនពេលកើតហេតុ ជាថ្ងៃចូលរោង រៀបអាពាហ៍ពិពាហ៍ លុះល្ងាចឡើងកម្មវិធីចូលរោង ចប់សព្វគ្រប់នៅវេលាម៉ោងប្រហែល៩ ពីរនាក់កូនក្រមុំ និងកូនកម្លោះ បានបណ្តើគ្នាទៅងូតទឹក នៅឯអណ្តូងនៅវាលស្រែនៅខាងក្រោយផ្ទះ ក៏ត្រូវបានជនមិនស្គាល់អត្តសញ្ញាណ ធ្វើសកម្មភាពវាយជនរងគ្រោះ ទាំងពីរនាក់ខាងលើតែម្តង លុះដល់វេលាម៉ោងប្រមាណជាង ១១យប់ទើបក្រុមគ្រួសារបានដឹង៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/12804616_1563487243965641_7226616219794459964_n.jpg?oh=dd674454f704cb3aa21b42607cdbb674&oe=57503639" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xla1/v/t1.0-9/12791125_234559256876584_8672538623407882549_n.jpg?oh=2a19f570810cdfc5b7b2931255bec69d&oe=57669641&__gda__=1466758124_2b54d3787231693578f35271cb7a43d1" alt="" width="730" /></span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/2/29/12-29-02-2016--09-55-16.jpg"><img src="/FileManager/Articles/mce/2016/2/29/12-29-02-2016--09-55-16.jpg" alt="" /></a><br /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/t31.0-8/12771596_234559250209918_3187194330167696486_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/t31.0-8/12525574_234559286876581_6293086137747169931_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>