<p><span style="color: #000000;">គ្រូបង្វឹកជម្រើសជាតិអង់គ្លេសលោក Roy Hodgson បានប្រកាសលាលែងពីតំណែងហើយ បន្ទាប់ពីចាញ់ការប្រកួតជាមួយនឹង អៀរឡង់ កាលពីយប់មិញ។ ការសម្រេចចិត្តនេះ បានធ្វើឲ្យអ្នកជំនាញ ជាច្រើននាក់មានការពេញចិត្ត ដោយពួកគេយល់ថា រូបលោកមិនសក្តិសម ក្នុងការដឹកនាំក្រុមជម្រើសជាតិនោះទេ។</span></p>
<p><span style="color: #000000;">Jamie Redknapp អតីតកីឡាករជម្រើសជាតិអង់គ្លេស ហើយបច្ចុប្បន្នលោកគឺជាអ្នកជំនាញរបស់ Daily Mail បានគូសបញ្ជាក់ឲ្យដឹងថា អ្វីៗដែលជម្រើសជាតិអង់គ្លេសទទួលនៅថ្ងៃនេះ គឺសក្តិសមហើយ ព្រោះគេបានតែងតាំងគ្រូបង្វឹកក្រុមដ៏ខ្សោយម្នាក់ដូចជាលោក Roy Hodgson នេះ។</span></p>
<p style="text-align: center;"><a class="thickbox" title="" href="/FileManager/Commons/2016/6/28/roy-hodgson-article--28-06-2016--14-34-11.jpg"><img src="/FileManager/Articles/mce/2016/6/28/roy-hodgson-article--28-06-2016--14-34-11.jpg" alt="" /></a></p>
<p style="text-align: center;"><em><span style="color: #808080;">លោក Roy Hodgson ត្រូវបានអ្នកជំនាញ រិះគន់យ៉ាងដំណំ</span></em></p>
<p><span style="color: #000000;">"នេះគឺជាបរជ័យដ៏សែនអន់បំផុត ក្នុងប្រវត្តិសាស្រ្តជម្រើសជាតិអង់គ្លេស។ លោក Roy Hodgson ចាំបាច់ត្រូវចាកចេញ ដូចជារឿងមួយដែលជៀសមិនរួចនោះទេ។ ខ្ញុំមិនមានគំនិត ខ្វះការគួរសមចំពោះ Roy ទេ។ ប៉ុន្តែគាត់ គួរតែមិនត្រូវតែងតាំងធ្វើជាគ្រូបង្វឹកបង្គោល ក្រុមជម្រើស តាំងពីដំបូងមកម្ល៉េះ។ គាត់គ្រាន់តែជាគ្រូបង្វឹកក្លឹបមួយដូចជា West Brom មុននឹងត្រូវឡើងមកកាន់តំណែងគ្រូជម្រើសជាតិ។ ដូច្នេះយើងអាចសង្ឃឹមអីបានពីរូបគាត់។ លទ្ធផលដែលមិនល្អ គឺជាអ្វីៗដែលយើងទទួលបាន ក្រោមរជ្ជកាលដឹកនាំរបស់លោក Roy Hodgson", Jamie Redknapp និយាយឲ្យដឹង។</span></p>
<p><span style="color: #000000;">ទន្ទឹមនឹងនោះ មានការរិះគន់មួយផ្សេងទៀតពីអ្នកជំនាញ Matt Lawton ដែលបានហៅលោក Roy Hodgson ថាជាជនបរាជ័យ មិនសក្តិសមនឹងតំណែងជាគ្រូបង្វឹកជម្រើសជាតិអង់គ្លេសនោះទេ និងបានរិះគន់ FA ត្រូវទទួលខុសត្រូវ ពេលដែលបានតែងតាំងគ្រូបង្វឹក ដ៏អន់ម្នាក់ដូចជាលោក Roy Hodgson នេះ៕</span></p>
<p><span style="color: #000000;"><span style="color: #000000;"><a href="http://www.camnews.com.kh/News/Detail/24122/england-left-the-eu-disaster-for-premier-league"><span style="color: #0000ff;"><em>- អានអត្ថបទ៖ Premier League នឹងជួបគ្រោះធំ ពេលប្រទេសអង់គ្លេស ចាកចេញពីសហភាពអឺរ៉ុប</em></span></a></span><a href="http://www.camnews.com.kh/News/Detail/11744/roy-hodgson-leave-from-position-england-coach"><span style="color: #0000ff;"><em><br /></em></span></a></span></p>
<p> </p>
<p> </p>
<p style="text-align: right;"><em>ប្រែសម្រួល៖ មង្គល</em></p>