<p><span style="color: #000000;"><strong>(ភ្នំពេញ)៖</strong> ស្ត្រីវ័យក្មេងម្នាក់បានរងនូវការរលាកដោយអណ្ដាតភ្លើងធ្ងន់ធ្ងរគួរសម ព្រោះតែរូបនាងបានព្យាយាមរារាំងការអនុវត្តន៍សាលដីកា ស្ថាពររបស់តុលាការកំពូល ដែលរឹបអូសយកផ្ទះ ដែលរូបនាង និងក្រុមគ្រួសារកំពុងរស់នៅ ទៅអោយអ្នកឈ្នះក្ដីបន្ទាប់មានការប្ដឹងផ្ដល់គ្នាអស់ជាយូរឆ្នាំរួចមក ដោយសារតែនាងបានយកប្រេងសាំងចាក់ទៅលើកង់ឡាន និងដបហ្គាសហើយដុតបណ្ដាលអោយឆាបឆេះឡើង ក្រោមហេតុផល ដែលនាងអះអាងថាការកាត់ក្ដីមិនមានភាពយុត្តិធម៌សម្រាប់ក្រុមគ្រួសារនាង ដែលជាជនក្រីក្រ ខណៈភាគីឈ្នះក្ដីគឺជាអ្នកមានទ្រព្យនោះ។</span></p>
<p><span style="color: #000000;">ការចុះអនុវត្តសាលដីការបស់តុលាការកំពូលនេះបានប្រព្រឹត្តទៅ កាលពីព្រឹកថ្ងៃទី ១២ ខែកុម្ភះ ឆ្នាំ២០១៦ នេះខណៈគណៈបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ អភិបាលរងខណ្ឌ ចុះអនុវត្តសាលដីកានៅចំណុចដីឡូតិ៍លេខ៩៧B ផ្លូវ១០៨ ក្រុមទី១៦ សង្កាត់វត្តភ្នំ ខណ្ឌដូនពេញ ជាលទ្ធផលធ្វើឲ្យភាគីខាងចាញ់ក្ដីយកកង់ឡានចាក់ប្រេង ដាក់កំប៉ុងហ្គាសដាក់ដុតក្នុងផ្ទះ បណ្ដាលឲ្យឆាបឆេះរងរបួសខ្លូនឯង ហើយសមត្ថកិច្ចក៏បានឃាត់ខ្លួនភាគីចាញ់ក្ដីដែលរារាំងការអនុវត្តសាលដី ការនេះចំនួន៣នាក់ យកទៅសាកសួរនៅអធិការដ្ឋានខណ្ឌដូនពេញផងដែរ ។</span></p>
<p><span style="color: #000000;">បើតាមប្រភពព័ត៍មានពីអាជ្ញាធរមូលដ្ឋាន បានឲ្យដឹងថា ការចុះអនុវត្តសាលដីការដ្ឋប្បវេណីលេខ៤៤ ចុះថ្ងៃទី១ ខែ កុម្ភះ ឆ្នាំ២០០៧ របស់តុលាការកំពូលនេះ ដឹកនាំដោយលោកស្រីសឺុ វណ្ណនី ព្រះរាជអាជ្ញារងអមសាលាដំបូងរាជធានីភ្នំពេញ ។ ហើយពេលចុះដល់ទីតាំងខាងលើនេះ គឺអាជ្ញាធរបានអានសាលដីកា ឲ្យអ្នកចូលរួមទាំងអស់ស្ដាប់ឃើញថាពុំឃើញមានវត្តមានកូនបំណុលឈ្មោះ សឹុង មុន្នី នៅទីនេះទេ គឺឃើញតែកូនស្រីរបស់គាត់ចំនួន៣នាក់ ទី១ឈ្មោះ សឹុង សំណាង និងសឹុង សុីណា ព្រមទាំងប្តីជាអនិកជនខ្មែរនៅសហរដ្ឋអាមេរិក ហើយគណៈកម្មការក៏បានសំណូមពរ និងចរចាឲ្យអ្នកទាំងអស់នោះចូលរួមអនុវត្តដោយស្ម័គ្រចិត្ត ។ ប៉ុន្តែផ្ទុយទៅវិញឈ្មោះសឹុង សំណាង មិនត្រឹមតែមិនអនុវត្តតាមសំណូមពរខាងលើនេះទេ ថែមទាំងបានឈរនៅមុខផ្ទះដើម្បីរារាំសមត្ថកិច្ចមិនឲ្យអនុវត្ត ។ចំណែកឯឈ្មោះសឹុង សុីណានិងប្តីបានដើរចេញមកមុខផ្ទះ រីឯឈ្មោះសុឹង សូណេ និងឈ្មោះសឹុង រតនា នៅក្នុងផ្ទះចាក់សោរបិទជិត រួចក៏បានធ្វើសកម្មភាព ចាក់សាំងចូលក្នុងធុងហ្គាសចំនួន២ធុង និងចាក់ចូលក្នុងកង់ឡាន ត្រៀមទុករួចជាស្រេច។ ពេលសមត្ថកិច្ចកំពុងអនុវត្តនោះ ស្រាប់តែភាគីខាងកូនបំណុលបានចាក់សាំងដុតធុងហ្គាស ធ្វើឲ្យផ្ទុះឆេះយ៉ាងខ្លាំង រួចក៏បានរត់គេចខ្លួនទៅនៅផ្ទះមួយទៀតដែលនៅក្បែរនោះ ។ ចំណែកផ្ទះដែលឆេះ ត្រូវបានកម្លាំងនគរបាលពន្លត់អគ្គីភ័យបាញ់ទឹកអន្តរាគមន៍ទាន់ពេលវេលា ។ ចំណែកឯឈ្មោះសឹុង រតនា ដែលជាអ្នកដុត បានរងរបួសពីការរលាកភ្លើងរបកស្បែកពេញដៃពេញជើង និងដងខ្លួនមួយចំនួន។ ក្រោយមកទើបកម្លាំងសមត្ថកិច្ចបានចូលទៅចាប់ជនបង្កហេតុទាំងអស់នោះ រួចបានបញ្ចូនស្រី្តរងគ្រោះឈ្មោះ សឹុង រតនា ដែលរបួសរលាកពេញខ្លួននោះ ទៅមន្ទីរពេទ្យកាល់ម៉ែតផងដែរ និងម្នាក់ទៀតបញ្ជូនទៅសាលាខណ្ឌដូនពេញ ។ ដោយឡែកឈ្មោះ សឹុង សំណាង និងឈ្មោះ សឹុង សីុណា ព្រមទាំងប្តីត្រូវបាននាំខ្លួនទៅសួរនាំផងដែរ ។</span></p>
<p><span style="color: #000000;">ក្រោយពីបានអនុវត្តចប់សព្វគ្រប់អស់ហើយ គណៈកម្មការ បានសម្រេចអនុវត្តតាមសាលដីការដ្ឋប្បវេណីលេខ៤៤ ចុះថ្ងៃទី១ ខែ កុម្ភះ ឆ្នាំ២០០៧ របស់តុលាការកំពូល ដោយប្រគល់ដីឡូតិ៍ និងផ្ទះលេខ៩៧B ផ្លូវ១០៨ ក្រុមទី១៦ សង្កាត់វត្តភ្នំ ខណ្ឌដូនពេញ ឲ្យទៅឈ្មោះ សឹុម ឡង គ្រប់គ្រងជាម្ចាស់កម្មសិទ្ធិ ដោយមានអ្នកស្រី ទី គឹមស្រ៊ាន ជាមេធាវីដោយអាណត្តិធ្វើជាតំណាង។</span></p>
<p><span style="color: #000000;">គេមិនបានដឹងសាវតាលំអិតនៃរឿងក្ដី ដែលនាំអោយមានការចុះអនុវត្តសាលដីការហូតឈានដល់ការចាក់សាំងដុតបណ្ដាល អោយឆាបឆេះ រលាករលួយភាគីអ្នកចាញ់ក្ដីខាងលើនេះឡើយ តែតាមអ្នកឈរមើលហេតុការណ៍ បាននាំគ្នានិយាយថា ប្រហែលការកាត់ក្ដីមានភាពអយុត្តិធម៌ខ្លាំងហើយមើលទៅបានជាភាគី អ្នកចាញ់ក្ដីហ៊ានចាក់សាំងដុតរហូតឆាបឆេះខ្លួនឯងបែបនេះ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12688381_1557228914591474_5349365005883670478_n.jpg?oh=312f4f7d115a1b482034b0219b0986a7&oe=5770F1C3" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xta1/v/t1.0-9/12745436_1557141171266915_1511461826049277500_n.jpg?oh=81242b2e82faf197b3a8550fcfba6e67&oe=573397BF" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12743976_1557141111266921_6791194418623097210_n.jpg?oh=5c01491e616ed3a3c2c80c9b3d3c5cfe&oe=57376AB7" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtl1/v/t1.0-9/12733530_1557141097933589_797666701097091670_n.jpg?oh=9f0c9c2374c1e6608cf26380044521b6&oe=5761BEBB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/10312551_1557141071266925_2406540991384436957_n.jpg?oh=b8b36123804f88be0db8c332dc3814ec&oe=57635191" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12705688_1557141094600256_7872829981331629457_n.jpg?oh=c3db1785810227c0a7e28073e12d718a&oe=57623A84" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12742664_1557141064600259_464560861867164093_n.jpg?oh=4f56731636ad2e5f70d9e48c27b346f0&oe=5764B1E0" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12688196_1557141061266926_333519974850951284_n.jpg?oh=07df4077b42fcb1f3e80e2f386ea9e5c&oe=5729D50A" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12742258_1557141031266929_4992841592673258169_n.jpg?oh=1259bec4169d0aee04c95dda39a8b0b8&oe=576EAA7F" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12717434_1557141037933595_45500757367988580_n.jpg?oh=196a6aa6b1b78708d72d47840826beb0&oe=57383F07" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtl1/v/t1.0-9/12733530_1557141027933596_7538049333526846527_n.jpg?oh=9362507385dabba24cf85486b54a1c10&oe=572E1CCA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12717484_1557230004591365_6658206532608910851_n.jpg?oh=15043a4e417b402e2561a901e23f8fff&oe=5734A0A7" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>