<p><span style="font-size: 12px; color: #000000;">ស្នាមអុជខ្មៅ អាចកើតមានឡើង ពីបញ្ហាស្បែកច្រើនយ៉ាង។ ការប៉ះនឹងកម្តៅព្រះអាទិត្យខ្លាំង គឺជាមូលហេតុចម្បងមួយ ដែលបណ្ដាលឱ្យស្បែកខ្មៅ។ ម្យ៉ាងទៀត ស្លាកស្នាមដោយសារមុន ក៏អាចនាំឱ្យស្បែកខ្មៅ និងលេចចេញស្នាមអុជៗ នៅលើមុខរបស់អ្នកផងដែរ។ ខណៈពេល ដែលការផាត់មុខ គឺជាមធ្យោបាយដ៏ល្អមួយដើម្បីលាក់បាំងស្នាមអុជខ្មៅលើផ្ទៃមុខរបស់ស្ត្រីបណ្តោះអាសន្នក្ដី ប៉ុន្ដែស្ត្រីមួយចំនួនក៏កំពុងស្វែងរកដំណោះស្រាយ បំបាត់ស្នាមអុជខ្មៅលើស្បែកមុខជារៀងរហូតផងដែរ។ ខាងក្រោមនេះ ជាវិធីព្យាបាលបែបធម្មជាតិធ្វើឱ្យស្បែកស ដែលអាចជួយឱ្យស្បែកមុខរបស់អ្នកសស្រស់ថ្លាដូចដើមវិញ ។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/5/22/3a-22-05-2018--10-35-26.png"><img src="/FileManager/Articles/mce/2018/5/22/3a-22-05-2018--10-35-26.png" alt="" /></a></span></p>
<p style="text-align: center;"><br /><strong><span style="color: #000000;">រូបតំណាង</span></strong></p>
<p><span style="color: #000000;"><strong>ម៉ាស់ប្រទាលកន្ទុយក្រពើធ្វើឱ្យស្បែកស</strong></span></p>
<p class="p1"><span style="color: #000000;">ប្រទាលកន្ទុយក្រពើ មិនត្រឹមតែអាចជួយព្យាបាលរលាកស្បែកដោយសារពន្លឺព្រះអាទិត្យឱ្យជាសះស្បើយ ប៉ុណ្ណោះទេ ប៉ុន្តែថែមទាំង អាចជួយព្យាបាលស្នាមជាំលើស្បែកឱ្យជាសះស្បើយផងដែរ ។ ដើម្បីប្រើប្រទាលកន្ទុយក្រពើធ្វើឱ្យស្បែកភ្លឺថ្លាទទួលបានប្រសិទ្ធភាពខ្ពស់ វិធីដ៏ល្អបំផុត គឺត្រូវប្រើប្រទាលកន្ទុយក្រពើស្រស់ ដែលទើបតែកាត់យកមកមកថ្មីៗ។ អ្នក ត្រូវកាត់ស្រទាប់ខាងក្រៅចេញ ដោយខ្វៀលយកតែជែលមកប្រើ។</span></p>
<p class="p1"><span style="color: #000000;"><a class="thickbox" title="" href="/FileManager/Commons/2018/5/22/2-22-05-2018--10-34-46.png"><img src="/FileManager/Articles/mce/2018/5/22/2-22-05-2018--10-34-46.png" alt="" /></a><br /></span></p>
<p class="p1"><span style="color: #000000;">លាបជែលនេះ លើស្បែករបស់អ្នក ហើយទុកវាចោលឱ្យបាន ៣០ ទៅ ៤៥ នាទី។ វិធីដ៏ល្អមួយទៀត អ្នកអាចក្លាសេជែលនេះ នៅក្នុងទូទឹកកករបស់អ្នក មុនពេលប្រើ។ វាក៏ជួយផងដែរដល់ការរលាក និងរោលក្រហម នៅលើស្បែក។ ប្រទាលកន្ទុយក្រពើ ជួយឱ្យរាងកាយរបស់អ្នកផលិតចេញកោសិកាស្បែកថ្មី ដែលអាចជួយកាត់បន្ថយស្នាមអុជខ្មៅ និងស្បែកស្រអាប់។ ដើម្បីទទួលបានលទ្ធផលល្អបំផុត សូមប្រើជែលនេះឱ្យបានពីរដង ក្នុងមួយសប្តាហ៍។</span></p>
<p><span style="color: #000000;"><strong>ម៉ាស់ធ្វើឱ្យស្បែកសផ្សំពីរមៀត</strong></span></p>
<p><span style="color: #000000;">មកទល់នឹងពេលនេះ អ្នកធ្លាប់បានឃើញជាច្រើនមកហើយ នូវវីដេអូ ដែលបង្ហាញពីក្មេងស្រីកំពុងយកម្សៅរមៀតលាបលើក្លៀករបស់នាង។ យើងទាំងអស់គ្នា បានមើលឃើញថា នាងហាក់ដូចជាអាចកម្ចាត់នូវស្នាមខ្មៅត្រង់ក្លៀកដូចគេបេះ។ មែនហើយ ប្រសិទ្ធភាព ពិតជាមាន នៅក្នុងមើមរមៀត។ គ្រឿងទេសដ៏អស្ចារ្យនេះ មានប្រយោជន៍ច្រើនជាងការដែលយកទៅផ្សំ នៅក្នុងសម្លការីទៅទៀត។ ទាំងនេះ គឺជាគ្រឿងផ្សំ ដែលអ្នកត្រូវការ៖</span></p>
<ul>
<li><span style="color: #000000;">យ៉ាអួសុទ្ធកន្លះពែង</span></li>
<li><span style="color: #000000;">ម្សៅរមៀតមួយស្លាបព្រាបាយ</span></li>
<li><span style="color: #000000;">ទឹកក្រូចពោធិ៍សាត់ស្រស់ ២ ស្លាបព្រាបាយ</span></li>
</ul>
<p><span style="color: #000000;">រឿងមួយ ដែលអ្នកត្រូវចងចាំអំពីម៉ាស់បិទមុខនេះគឺថា វាបង្កើនប្រសិទ្ធភាពខ្ពស់ នៅពេលអ្នកបិតវាឱ្យ បានយ៉ាងតិច ១ ម៉ោង។ ប៉ុន្ដែត្រូវប្រយ័ត្នផង ព្រោះរមៀត អាចធ្វើឱ្យប្រឡាក់សម្លៀកបំពាក់ ៕</span></p>
<p><span style="color: #000000;"><a class="thickbox" title="" href="/FileManager/Commons/2018/5/22/3-22-05-2018--10-35-16.png"><img src="/FileManager/Articles/mce/2018/5/22/3-22-05-2018--10-35-16.png" alt="" /></a></span></p>
<p><br /><a class="c_tab" href="http://facelinecambodia.com/?lang=kh" target="_blank"><img src="/FileManager/Articles/mce/2018/5/22/faceline-discount-22-05-2018--10-36-15.png" alt="" /></a></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ DNTV</span></p>
<p> </p>