<p><span style="color: #000000;"><strong>បុរសគ្រប់គ្នា តែងប្រាថ្នាចង់បានសុខភាពល្អ ហើយនៅក្នុងករណីជាច្រើន ពួកគេព្យាយាមថែទាំសុខភាពរបស់ខ្លួនដោយការយកចិត្ដទុកដាក់ចំពោះចំណីអាហារ ធ្វើលំហាត់ប្រាណជាទៀងទាត់ និងគ្រប់គ្រងស្រ្ដេសនៅក្នុងជីវិតរបស់ពួកគេ។ ប៉ុន្ដែបុរសជាច្រើនមិនបានដឹងថា ពួកគេក៏អាចថែទាំសុខភាពផ្លូវភេទរបស់ពួកគេ និងអាចបង្ការបញ្ហាផ្សេងៗកុំឱ្យកើតមានឡើងផងដែរ។ ខាងក្រោមនេះ យើងសូមណែនាំជូននូវគន្លឹះមួយចំនួន ដើម្បីថែទាំសុខភាពផ្លូវភេទបុរស៖</strong></span></p>
<p><span style="color: #000000;"><strong><br /><a class="thickbox" title="" href="/FileManager/Commons/2021/4/29/healthy-foods-fats-carbs-29-04-2021--11-18-53.jpg"><img src="/FileManager/Articles/mce/2021/4/29/healthy-foods-fats-carbs-29-04-2021--11-18-53.jpg" alt="" /></a><br /></strong></span></p>
<p><span style="color: #000000;"><strong>១. ពិសាអាហារល្អចំពោះសុខភាព៖ </strong>បុរសភាគច្រើនមានចិត្ដរីករាយក្នុងការហាត់រៀនឱ្យដឹងពីប្រភេទអាហារ ដែលជះឥទ្ធិពលដល់សមត្ថភាពផ្លូវភេទរបស់ពួកគេ។ ដោយការទទួលទានអាហារ ដែលសម្បូរទៅដោយសារធាតុចិញ្ចឹម និងផ្ទុកជាតិខ្លាញ់ទាប អ្នកនឹងអាចមានសមត្ថភាពរក្សាប្រព័ន្ធផ្លូវប្រភេទឱ្យដំណើរការបានល្អ។ សូមព្យាយាមពិសា បន្លែ ផ្លែឈើ សាច់សត្វមិនផ្ទុកជាតិខ្លាញ់ ធញ្ញជាតិ និងទឹកដោះគោផ្ទុកជាតិធាត់ទាប។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/29/full-body-workout-1563458040-29-04-2021--11-19-22.jpg"><img src="/FileManager/Articles/mce/2021/4/29/full-body-workout-1563458040-29-04-2021--11-19-22.jpg" alt="" /></a><br /></span></p>
<p><span style="color: #000000;"><strong>២. ធ្វើលំហាត់ប្រាណ៖ </strong>បុរស ដែលមានជីវិតប្រកបដោយភាពអសកម្មរាងកាយ មិនយូរមិនឆាប់ពួកគេនឹងជួបបញ្ហាផ្លូវភេទមិនខាន។ ដោយការភ្ញាក់ពីគេង និងធ្វើចលនារាងកាយ អ្នកនឹងអាចប្រកាន់ខ្ជាប់នូវតួនាទីដ៏សកម្ម ក្នុងការរក្សាសុខភាពផ្លូវភេទរបស់អ្នក។ សូមប្រឹក្សាជាមួយវេជ្ជបណ្ឌិត ហើយបន្ទាប់មកចាប់ផ្ដើមនូវកម្មវិធីហាត់ប្រាណដ៏ទៀងទាត់មួយ ដែលបញ្ចូលទិកនិកហាត់ប្រាណមួយចំនួនដូចជា ការដើរ ការជិះកង់ ការលេង Tennis ឬ ការហាត់ប្រាណដទៃទៀត ដែលអ្នកគិតថាស្រួលក្នុងការអនុវត្ដ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/29/10-reasons-to-stop-smoking-29-04-2021--11-19-44.jpg"><img src="/FileManager/Articles/mce/2021/4/29/10-reasons-to-stop-smoking-29-04-2021--11-19-44.jpg" alt="" /></a><br /></span></p>
<p><span style="color: #000000;"><strong>៣. ឈប់ជក់បារី៖ </strong>វេជ្ជបណ្ឌិតជាច្រើនយល់ស្របថា ការជក់បារីអាចជាមូលហេតុដ៏ចំបងមួយ ដែលបណ្ដាលឱ្យកើតបញ្ហាច្របូកច្របល់ផ្លូវភេទចំពោះបុរស។ ការសិក្សាស្រាវជ្រាវបានរកឃើញថា បុរសភាគច្រើន ដែលរងវិបត្ដិពីបញ្ហាច្របូកច្របល់ផ្លូភេទគឺជាអ្នកជក់បារី ហើយការជក់បារីនេះក៏អាចធ្វើឱ្យធ្លាក់ចុះបរិមាណ និងគុណភាពមេជីវិតឈ្មោលផងដែរ។ ការជក់បារីធ្វើឱ្យខូចសរសៃអាទែតូចៗ ដែលផ្គត់ផ្គង់ឈាមទៅលិង្គ ដែលធ្វើឱ្យវាមានការពិបាកក្នុងការរក្សាលិង្គឱ្យនៅរឹង។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/29/stress-managementmeitu1-29-04-2021--11-20-03.jpg"><img src="/FileManager/Articles/mce/2021/4/29/stress-managementmeitu1-29-04-2021--11-20-03.jpg" alt="" /></a><br /></span></p>
<p><span style="color: #000000;"><strong>៤. ហាត់រៀនគ្រប់គ្រងស្រ្ដេសនៅក្នុងជីវិត៖ </strong>ស្រ្ដេសអាចធ្វើឱ្យអ្នកមានអារម្មណ៍ អស់កម្លាំង ព្រួយបារម្ភ មួម៉ៅ និងជ្រួលច្រាលក្នុងចិត្ដ ហើយស្រ្ដេសនេះក៏អាចនាំទៅរកបញ្ហាផ្លូវភេទផងដែរ។ ប្រសិនបើអ្នកបណ្ដោយឱ្យស្រ្ដេសគ្រប់គ្រងជីវិតរបស់អ្នក ដោយមិនរកវិធីគ្រប់គ្រងវាវិញទោះនោះ ជីវិតរបស់អ្នកមិនយូរមិនឆាប់នឹងបាត់បង់ការគ្រប់គ្រងយ៉ាងខ្លាំងមិនខាន។ សូមហាត់រៀននូវទិកនិកគ្រប់គ្រងស្រ្ដេស ស្វែងរកវិធីគ្រប់គ្រងកំហឹង និងការព្រួយចិត្ដ ហើយអ្នកនឹងមានសមត្ថភាពរក្សាសុខភាពផ្លូវភេទរបស់អ្នកឱ្យដំណើរការល្អប្រសើរ។</span></p>
<p><span style="color: #000000;"><br /><a class="thickbox" title="" href="/FileManager/Commons/2021/4/29/addiction-29-04-2021--11-20-21.jpg"><img src="/FileManager/Articles/mce/2021/4/29/addiction-29-04-2021--11-20-21.jpg" alt="" /></a><br /></span></p>
<p><span style="color: #000000;"><strong>៥. ជៀសវាងការប្រើប្រាស់សារធាតុញៀន៖ </strong>ជាភ័ព្វមិនល្អ បុរសភាគច្រើននឹងប្រើប្រាស់ប្រភេទថ្នាំញៀនមួយចំនួន ដើម្បីឱ្យមានអារម្មណ៍គក្លៀវក្លា ដោយគិតថា សារធាតុទាំងនេះ នឹងធ្វើឱ្យគេមានសមត្ថភាពខ្ពស់ក្នុងការរួមភេទ។ ប៉ុន្ដែនៅក្នុងករណីជាច្រើន វាបែរជាផ្ដល់ផលផ្ទុយពីនេះទៅវិញ។ ដូច្នេះប្រសិនបើអ្នកចង់ចៀសផុតបពីបញ្ហាលិង្គមិនឡើងរឹង សូមចៀសវាងការប្រើប្រាស់សារធាតុញៀនទាំងនោះ៕</span></p>
<p><span style="color: #000000;"><a class="c_tab" href="http://ananacomputer.com/" target="_blank"><img src="/FileManager/Articles/mce/2021/4/29/dell-lattitude-9410-2in1-btx-for-camnews-29-04-2021--11-22-35.jpg" alt="" /></a><br /><br /></span></p>
<p><span style="color: #000000;">ប្រែសម្រួល៖ សារ៉ាត</span></p>
<p><span style="color: #000000;">ប្រភព៖ healthcentral</span><strong></strong></p>