<p>តម្លៃ ៥សែនដុល្លារ/ម្នាក់ គឺស្មើនឹង ១% នៃតម្លៃដែល NASA ត្រូវចំណាយដើម្បីបញ្ជូនអវកាស<br />ចរម្នាក់ឡើងទៅកាន់ស្ថានីយអវកាសអន្តរជាតិ ISS ដោយកាំជ្រួច Soyuz របស់រុស្ស៊ី។</p>
<p style="text-align: center;"><a class="thickbox" title="" href="/FileManager/Commons/2015/9/24/marsok1-24-09-2015--10-58-56.jpg"><img src="/FileManager/Articles/mce/2015/9/24/marsok1-24-09-2015--10-58-56.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2015/9/24/marsok1-24-09-2015--10-58-56.jpg"></a>មហាសេដ្ឋី Elon Musk<br /><br /></p>
<p>ក្ដីស្រមៃនៃការឡើងទៅកាន់ភពព្រះអង្គាររបស់មនុស្សលោក គឺជាមូលហេតុផ្លូវការ ដែលនាំ<br />ឱ្យមាន សកម្មភាពជាក់ស្ដែងដើម្បីស្រាវជ្រាវអំពីភពក្រហមនេះ។ យ៉ាងនេះក្ដី បើទោះគេធ្វើ<br />បាន សម្រេចក្នុងការបញ្ជូនមនុស្សឡើងទៅរស់នៅលើភពព្រះអង្គារក្ដី តែតម្លៃរបស់វាក៏មិន<br />មែនថោកនោះដែរ។ មហាសេដ្ឋី Elon Musk បានថ្លែងថា ក្នុងរយៈពេល ១០ឆ្នាំខាងមុខ យាន<br />អវកាស SpaceX នឹងមានលិទ្ធភាពនាំមនុស្ស ១លាននាក់ឡើងទៅភពព្រះអង្គារ ដោយក្នុង<br />ម្នាក់ៗត្រូវចំណាយប្រហែលកន្លះលានដុល្លារអាមេរិក។</p>
<p>យ៉ាងណាក៏ដោយ មហាសេដ្ឋី Elon Musk ទទួលស្គាល់ថា បណ្ដាសំបុត្រដំបូងៗ នឹងមិនមាន<br />តម្លៃថោកនោះដែរ ហើយគេត្រូវប្រើពេលច្រើនដើម្បីឱ្យតម្លៃសំបុត្រចុះមកនៅត្រឹម កន្លះលាន<br />ដុល្លារអាមេរិក។ CEO របស់ SpaceX និយាយថា ដើម្បីធ្វើឱ្យតម្លៃសំបុត្រចុះថោក គឺមិនត្រឹម<br />តែស្ថិតនៅលើតែការដែលយានអវកាសអាចចាក់ប្រេងនៅភពអង្គារនោះទេ តែ វាក៏ទាក់ទិន<br />នឹងការដែលយានអវកាសអាចប្រើបានច្រើនដង ដូចទៅនឹងយន្តហោះធម្មតា។</p>
<p>Elon Musk បន្ថែមថា បើសិនយើងគិតថា តម្លៃកន្លះលានដុល្លារ វាថ្លៃ ដូច្នេះលោកនឹងលើកយក<br />ឧទាហរណ៍ជាក់ស្ដែងមកនិយាយ ៖ តាមពិតតម្លៃនេះ គឺស្មើនឹង ១% នៃតម្លៃដែល NASA ត្រូវ<br />ចំណាយដើម្បីបញ្ជូនអវកាសចរម្នាក់ឡើងទៅកាន់ស្ថានីយអវកាសអន្តរជាតិ ISS ដោយកាំជ្រួច<br /> Soyuz របស់រុស្ស៊ី។</p>
<p style="text-align: center;"><a class="thickbox" title="" href="/FileManager/Commons/2015/9/24/marsok2-24-09-2015--11-01-25.jpg"><img src="/FileManager/Articles/mce/2015/9/24/marsok2-24-09-2015--11-01-25.jpg" alt="" /></a></p>
<p style="text-align: center;">យានអវកាស កំពុងត្រូវបានគេអភិវឌ្ឍ និងសាកល្បងជាបន្តបន្ទាប់ ដើម្បីអាចនាំមនុស្ស<br />ទៅកាន់ភពអង្គារ<br /><br /></p>
<p>ប៉ុន្តែ កាំជ្រួច Soyuz របស់រុស្ស៊ី ត្រូវបានគេមើលឃើញថា មានបទពិសោធ និងសុវត្ថិភាព<br />ច្រើនជាង បើប្រៀបធៀបនឹងកាំជ្រួច Falcon របស់ SpaceX ហើយនេះគឺជាបញ្ហាដែល Elon <br />Musk ត្រូវដោះស្រាយ។</p>
<p>សូមរំលឹកថា SpaceX គឺជាក្រុមហ៊ុនឯកជនមួយដែលធ្វើសកម្មភាពដឹកជញ្ជូនក្នុងអវកាស <br />ដែលមានមូលដ្ឋាននៅ Hawthorne, California អាមេរិក។ ក្រុមហ៊ុននេះ ត្រូវបានបង្កើតឡើង<br />កាលពីឆ្នាំ ២០០២ ដោយមហាសេដ្ឋី Elon Musk ស្ថាបនិកម្នាក់របស់ក្រុមហ៊ុន PayPal។ ក្រុម<br />ហ៊ុន SpaceX បានអភិវឌ្ឍកាំជ្រួច Falcon 1 និង Falcon 9 បំណងធ្វើឱ្យកាំជ្រួចនេះអាចត្រូវ<br />បានយកមកប្រើប្រាស់ឡើងវិញច្រើនដង។ ក្រុមហ៊ុននេះ ក៏បានអភិវឌ្ឍយានអវកាស Dragon<br /> ដែលរុញច្រានឡើងទៅលំហអាកាសដោយកាំជ្រួច Falcon 9។</p>
<p>ក្រៅពី SpaceX ក៏កិច្ចសន្យាជាច្រើនទាក់ទិននឹងការបាញ់បង្ហោះយានអវកាស ក្នុងនោះមាន<br />កិច្ចដសន្យាជាមួយ NASA យោធាអាមេរិកក្រុមហ៊ុនឯកជន និងបណ្ដារដ្ឋាភិបាលនានាផង<br />ដែរ។ ក្រុមហ៊ុននេះ ក៏ធ្លាប់បានបាញ់បង្ហោះផ្កាយរណបរបស់អតិថិជន ទៅលំហអាកាសកាល<br />ពីឆ្នាំ ២០០៩ ។ល។</p>
<p style="text-align: center;"><a class="thickbox" title="" href="/FileManager/Commons/2015/9/24/marsok-24-09-2015--10-59-50.jpg"><img src="/FileManager/Articles/mce/2015/9/24/marsok-24-09-2015--10-59-50.jpg" alt="" /></a></p>
<p style="text-align: center;">រូបភាពស្ដីអំពីមូលដ្ឋានមួយរបស់មនុស្ស នៅលើភពព្រះអង្គារ<br /><br /></p>
<p>បណ្ដាគម្រោងអនាគត កំពុងស្ថិតក្នុងដំណាក់កាលអភិវឌ្ឍ ក្នុងនោះរួមមានទាំងការអភិវឌ្ឍ<br />កាំជ្រួច Falcon Heavy ក៏ដូចជាគម្រោងបញ្ជូនមនុស្សយន្តរបស់ NASA ឡើងទៅកាន់ភពព្រះ<br />អង្គារ នាឆ្នាំ ២០១៨៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ outerplaces/Wired</p>