<p><span style="color: #000000;"><strong>(វៀតណាម)៖</strong> លោក គុជ ប៊ុណ្ណារ៉ា ដែលទទួលបានអាណិតអាសូរយ៉ាងខ្លាំង ពីបណ្តាញអ្នកលេង ហ្វេសបុក ទាក់ទងនឹងស្ថានភាពជម្ងឺកូនស្រី កើតជម្ងឺរលាកស្រោមខួរធ្ងន់ធ្ងរ ពេលនេះបានដឹកទៅដល់ប្រទេសវៀតណាមនោះ គឺបានទទួលការឧបត្ថម្ភទាំងស្រុងជាកញ្ចាប់ ទាំងការចាយ វាយ ថ្លៃធ្វើដំណើរ និងថ្លៃព្យាបាលពីបងស្រី អគ្គនាយិការប្រតិ្តបតិ្ត នៃក្រុមហ៊ុនទឹកពិសា វីតាល់ គឺលោកស្រី ជឹង សុគន្ធាវី។</span></p>
<p><span style="color: #000000;">ការផ្តល់ជាការឧបត្ថម្ភបែបនេះ ត្រូវបានទទួលការសាទរយ៉ាងខ្លាំង ពីបងប្អូនតាមបណ្តាអ្នកលេង ហ្វេសបុក រាប់ម៉ឺននាក់ ដែលម្នាក់ៗ បានសាទរដល់ក្រុមហ៊ុន វីតាល់ ក៏ដូចជា លោកស្រី ជឹង សុគន្ធាវី ដែលមានចិត្តសណ្តោសប្រណៃដ៏ថ្លៃថ្លា រាល់សកម្មភាពសង្គមនានា នៅប្រទេសកម្ពុជា។ លោកស្រី បានយកចិត្តទុកដាក់ និងទំនុកបម្រុងយ៉ាងយកចិត្តទុកដាក់ជូនគ្រួសារជនរងគ្រោះ។ លោក ប៊ុណ្ណារ៉ា បានអំណរគុណជាខ្លាំងដល់ លោកស្រី ជឹង សុគន្ធាវី ដោយលោកបានបង្ហោះនូវចំណាប់អារម្មណ៍មួយចំនួន ក្នុងទំព័រហ្វេសបុករបស់លោក មុននឹងលោកចាកចេញទៅប្រទេសវៀតណាមថា <strong>«ដោយមានការអាណិតអាសូរពីលោកជំទាវ ជឹង សុគន្ធាវី ក្រុមប្រឹក្សាភិបាល និងជានាយិកាប្រតិបត្តិរបស់ក្រុមហ៊ុន NVC Corporation (Vital) លោកជំទាវបានផ្តល់ជាថវិកា និងបានផ្តួចផ្តើមបញ្ជូន តីតី ទៅព្យាបាលជម្ងឺនៅមន្ទីរពេទ្យប្រទេសវៀតណាម ជំនាញផ្នែកខួរក្បាល។ នេះជាទឹកចិត្តដ៏ថ្លៃថ្លា របស់លោកជំទាវ ដោយបានផ្តល់ឱកាសឲ្យខ្ញុំ បានធ្វើនូវរឿងដែលខ្ញុំប្រាថ្នាចង់បញ្ជូនកូន តី ទៅព្យាបាលនៅក្រៅប្រទេសជាយូរណាស់មកហើយ ។ សូមជូនពរដល់លោកជំទាវ ឲ្យជួបនូវភាពជោគជ័យជានិច្ច និងក៏សូមអរគុណដល់បងប្អូនប្រុសស្រី និងមិត្តៗនៅក្នុង Facebook ដែលមានចិត្តអាណិតអាសូរដល់ តីតី ដោយបាន Comment ជូនពរដល់ តីតី ជាហូរហែ ។ លទ្ធផលយ៉ាងណានោះ ខ្ញុំនឹងផ្តល់ជាព័ត៌មាននៅពេលក្រោយទៀត សូមអរគុណ »</strong>។</span></p>
<p><span style="color: #000000;">សូមរំលឹកឡើងវិញដែរថា កូនស្រី តីតី កំសត់មួយនេះស្គាល់ការសប្បាយ ប្រឡែង សើចក្អាកក្អាយត្រឹមតែមួយរយៈខ្លីប៉ុណ្ណោះ គឺពេលដែល តីតី មានអាយុ ១ឆ្នាំ ៧ខែ តីតី ក៏ចាប់ឈឺ កើតជម្ងឺរលាកខួរក្បាលកំរិតធ្ងន់ ដែលគ្រប់រាងកាយទាំងអស់ គឺត្រូវពិការទាំងដៃជើង ទាំងភ្នែក ទាំងមាត់មិនអាចនិយាយបាន ត្រចៀកមិនអាចស្តាប់ឮ សតិក៏បាត់បង់ សូម្បីតែញ៉ាំក៏មិនអាចបញ្ជាមាត់ឲ្យទំពារបាន ដោយត្រូវសុងទុយោចូលក្នុងក្រពះ ដើម្បីបញ្ជូនអាហារជារៀងរាល់ថ្ងៃ ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12523973_1576178969363135_2419508063605189195_n.jpg?oh=e38d7f92a7eaf43c8d53a219afb0e46f&oe=577EEDFF" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12417761_1576178926029806_3800351838008591111_n.jpg?oh=a342f68e0974fd6448528e620b1d94f1&oe=578E1B17" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12804704_1576178929363139_5561979438703321266_n.jpg?oh=4226d35fdf4c4e83e62db0951f835e93&oe=578B43EF" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/1934648_1576178936029805_7924123605820180309_n.jpg?oh=870af8bca87b51a6594a357a63fda323&oe=5789B635&__gda__=1468399748_74503ebdaa187aba94e804d29ae1f3e1" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>