<p><span style="color: #000000;"><strong>(ភ្នំពេញ)៖</strong> ជាការពិត បន្ទាប់ពីបេក្ខជន ក្នុងចិត្តយុវវ័យ ចំនួន២រូប គឺលោក ប៊ុត សីហា (ជាប់លេខ១កម្មវិធី The Voice Cambodia )និងលោក នី រតនា (ជាប់លេខ១ក្នុងកម្មវិធី The Cambodia Idol) ប្រឡងចម្រៀងក្នុងកម្មវិធី លំដាប់ថ្នាក់ពិភពលោក ដោយទទួលបានជ័យលាភីលេខ១ ដូចគ្នារួចមក មហាជនបានសង្កេតឃើញថា ប្រជាប្រិយភាពរបស់ពួកគេ ទាំងពីរ ហាក់មានសន្ទុះខុសពីគ្នាដាច់ឆ្ងាយ ។ ក្នុងនោះថ្វីត្បិតតែ តារាចម្រៀង នី រតនា ជាប់ក្នុងកម្មវិធី The Cambodia Idol បញ្ចប់ទៅក្រោយតារាចម្រៀង ប៊ុត សីហា ក្ដី ប៉ុន្តែបើមើលទៅលើ សន្ទុះនៃការគាំទ្រ ចំពោះលោក នី រតនា គឺមានសភាពភ្លូកទឹកភ្លូកដី ខ្លាំងក្លាជាងជំនាន់លោក សីហា ។ ចំណុចនេះ ដែលអាចធ្វើឲ្យមហាជនគិតថា សីហា អាចមានចិត្តច្រណែននឹង នី រតនា ដែលមានអ្នកគាំទ្រខ្លាំងជាង លើសលប់លើកេរ្តិ៍ឈ្មោះ របស់លោក។</span></p>
<p><span style="color: #000000;">ពេលមានសំណួរបែបនេះ ទៅកាន់តារាចម្រៀងបែបយុវវ័យ លោក ប៊ុត សីហា កាលពីពេលថ្មីៗនេះ លោកបានប្រាប់ថា មិនបានកើតចិត្តច្រណែន មានការអាក់អន់ស្រពន់ចិត្ត ទៅលើប្រជាប្រិយភាព ថានរណាខ្ពស់ នរណាទាបនោះទេ ពោលលោកមានតែសប្បាយចិត្ត ពេលឃើញទស្សនិកជនគាំទ្រ នី រតនា កាន់តែច្រើន លោកអត់មានការខឹងសម្បារ ឬមានកូនចិត្តឈ្នានីស បន្តិចណាឡើយ។</span></p>
<p><span style="color: #000000;">តារាចម្រៀង ប៊ុត សីហា បានប្រាប់ Khmertalking ថា «អត់ទេបង..! អត់មានច្រណែនអ្វីទេ ខ្ញុំមានតែសប្បាយចិត្ត ទោះជាប់មុនក្រោយគ្នាក្ដី ហើយខ្ញុំក៏ត្រូវមានភារកិច្ច ចេញច្រៀងជាញឹកញាប់ ពេលខ្លះខ្ញុំបានជួបគាត់ (នី រតនា) ប៉ុន្តែពេលខ្លះ ក៏មិនបានជួប ព្រោះតែការងាររវល់រៀងៗខ្លួន ហើយបើគិតថា អ្នកនេះមានអ្នកគាំទ្រច្រើន អ្នកនោះមានអ្នកទ្រតិច ខ្លាំង ខ្សោយ អីនោះ ខ្ញុំអត់ដែលគិតទេបង..! សំខាន់អ្នកសិល្បៈត្រូវចេះស្រឡាញ់គ្នា រាប់អានគ្នា គឺល្អណាស់ទៅហើយ..!»។</span></p>
<p><span style="color: #000000;">ទោះបីជាយ៉ាងណា តារាចម្រៀង ប៊ុត សីហា ម្ចាស់បទ« ជីវិតអ្នកចម្រៀង» បានបង្ហាញអារម្មណ៍រំភើបរីករាយ នៅពេលដែលទស្សនិកជន ជាពិសេសមិត្តយុវវ័យ បានបង្ហាញកាយវិកា ចូលចិត្ត ស្រឡាញ់ អាប់អាន និងគាំទ្ររូបលោក តាំងពីដើមមក ហើយលោកសូមអរគុណ នូវទឹកចិត្តស្រឡាញ់គាំទ្រនេះ ហើយនឹងខិតខំប្រឹងប្រែង បម្រើអារម្មណ៍ របស់ប្រិយមិត្តទស្សនិកជន មិនឲ្យខកបំណងឡើយ៕</span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xpf1/v/t1.0-9/11694905_1384053478287625_3403880213204575691_n.jpg?oh=297c9b1823b30d0f6180f93808ecaf33&oe=578333ED" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/945253_1384053484954291_5627956556159508095_n.jpg?oh=f3d27ef760fa9d9f0d2b6c6e288891f5&oe=5784DA9D&__gda__=1468026374_3fdd727c816b65bb68734a8b4961f2d5" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/1384114_1384053488287624_5682091951069497940_n.jpg?oh=c54d94ccd7ea9a82dee64afb6b3900d6&oe=57993759" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/hphotos-xtp1/v/t1.0-9/942526_1384053564954283_7891073152289623033_n.jpg?oh=2e185a0cba970aaf73f8b56ffe569463&oe=57820AA0" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>