<p><span style="color: #000000;"><strong>(កោះកុង)៖</strong> ស្រ្តីវ័យ៥៦ឆ្នាំម្នាក់ បានរងរបួសធ្ងន់ធ្ងរ ស្ថិតក្នុងការជួយសង្គ្រោះ ពីក្រុមគ្រូពេទ្យបង្អែកខេត្តកោះកុង បន្ទាប់ពីកូនប្រុសបង្កើតសុំលុយមិនឲ្យ ក៏យកកន្ត្រៃ និងពូថៅកាប់ម្តាយតែម្តង។</span></p>
<p><span style="color: #000000;">ហេតុការណ៍នេះបានកើតឡើងនៅម៉ោង៩៖១៥នាទី ថ្ងៃទី១៩ ខែមីនា ឆ្នាំ២០១៦នេះ ស្ថិតនៅភូមិខេងខូង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។</span></p>
<p><span style="color: #000000;">ប្រភពពីលោក អ៉ីង អុន ត្រូវជាប្តីស្រ្តីវ័យចំណាស់ជាជនរងគ្រោះបាននិយាយថា កូនប្រុសគាត់ជាមនុស្សញៀនថ្នាំ រហូតដល់និយាយគ្នាលែងស្តាប់ ហើយបង្ករឿងក្នុងគ្រួសារស្ទើររាល់ថ្ងៃ។</span></p>
<p><span style="color: #000000;">លោកបានបន្តថា នៅមុនម៉ោងកើតហេតុកូនប្រុសគាត់ បានសុំលុយ តែត្រូវប្រពន្ធគាត់មិនឲ្យ ហើយប្រពន្ធគាត់ស្តីបន្ទោស ឲ្យពេលនោះដែរគាត់ក៍បានចុះមកលើបាវធ្យូង ទៅដាក់លើកទូក ស្រាប់តែប្រពន្ធរបស់គាត់ស្រែឲ្យជួយ ឮប្រពន្ធស្រែគាត់រត់ទៅឃើញឈាមហូរស្រោកពេញខ្លួន ក៏បានស្រែកឲ្យគេជួយ តែក្រោយមកកូនប្រុសដែលបង្កហេតុ បានរត់ចូលព្រៃបាត់ទៅ។</span></p>
<p><span style="color: #000000;">ប្រភពពីសមត្ថកិច្ចបាននិយាយថា ជនរងគ្រោះឈ្មោះ ម៉ៅ មិត្ត អាយុ៥៦ឆ្នាំ មានទីលំនៅភូមិខេងខូង សង្កាត់ស្ទឹងវែង ក្រុងខេមរភូមិន្ទ។ ចំណែកឯជនរសង្ស័យមានឈ្មោះ អ៊ុន សេរីវុធ ភេទប្រុសអាយុ២២ឆ្នាំ ជាសិស្ស ត្រូវជាកូមបង្កើតរបស់ជនរងគ្រោះ។</span></p>
<p><span style="color: #000000;">ក្រោយពីធ្វើសកម្មភាពចាក់ម្តាយ និងកន្ត្រៃ ហើយកាប់នឹងពូថៅបណ្តាលឲ្យម្តាយរងរបួសធ្ងន់ រួចមកជនសង្ស័យបានរត់ចូលព្រៃបាត់ស្រមោល។ ជនសង្ស័យសមត្ថកិច្ចកំពុង តាមរុករកតាមចាប់ខ្លួន ដើម្បីចាត់ការទៅតាមនិតិវិធីច្បាប់៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xpl1/t31.0-8/12795081_1572711676376531_6785979890097051661_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/v/t1.0-9/1377171_1572711673043198_7007370840935881054_n.jpg?oh=eac9619e835207d09bca1c9b0acc8af7&oe=574F2266" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpl1/t31.0-8/12032818_1572711686376530_739034775264878542_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xal1/t31.0-8/12087920_1572711746376524_2921425464136990336_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>