<p><span style="color: #000000;"><strong>ភ្នំពេញៈ</strong> អតីតតារាសម្តែង ក្នុងឈុតឆាកខារ៉ាអូខេ និងជាពិធីការិនី ធ្លាប់មានឈ្មោះបោះសំឡេង កាលពីអំឡុងឆ្នាំ២០០០ អ្នកនាង ឌី លីណា បន្ទាប់ពីផ្អាកសិល្បៈ មួយរយៈធំ ទៅសម្ងំរស់នៅជាមួយ ស្វាមីសាងគ្រួសារយ៉ាងមានសុភមង្គល ក្នុងទឹកដីឯនាយសមុទ្រ ពេលនេះអ្នកនាង បានសម្រេចចិត្ត វិលមករកឆ្នាំងចាស់វិញហើយ។</span></p>
<p><span style="color: #000000;">ជួបសម្ភាសន៍ជាមួយ LookingTODAY តាមទូរស័ព្ទ កាលពីពេលកន្លងទៅថ្មីៗនេះ អតីតតារាសម្តែង និងជាពិធីការិនីសំឡេងផ្អែម អ្នកនាង ឌី លីណា បានថ្លែងប្រាប់ឲ្យដឹងថា អ្នកនាងបានផ្អាកការងារ សិល្បៈប្រមាណ៦ឆ្នាំហើយ អ្នកនាងបានទៅសម្ងំរស់នៅ ជាមួយគ្រួសារ និងមមាញឹក មើលការខុសត្រូវ មើលមុខជំនួញផ្ទាល់ខ្លួន ទើបអត់មានពេលបន្តអាជីព។ ដោយសារតែពេលនេះ ការងារអាចដកឃ្លាបាន អ្នកនាងក៏វិលមកផ្តើមអាជីពនេះវិញ ព្រោះថាអ្នកនាង ស្រឡាញ់ខ្លាំង និងចង់មានស្នាដៃឲ្យច្រើនបន្ថែមទៀត។</span></p>
<p><span style="color: #000000;">តារាស្រីរាងតូចច្រឡឹង អ្នកនាង ឌី លីណា បានប្រាប់ឲ្យដឹងទៀតថា «ពេលនេះខ្ញុំបានងាក មកចាប់អាជីពចាស់វិញហើយ ខ្ញុំកំពុងតែធ្វើ ជាពិធីការិនី នៅស្ថានីយទូរទស្សន៍ អប្សរា មាន៣កម្មវិធី ហើយនៅក្នុងពេលឆាប់ៗខាងមុខនេះ ខ្ញុំក៏ត្រៀមខ្លួនថតរឿង ឲ្យខាងស្ថានីយទូរទស្សន៍មួយទៀតផងដែរ ដោយការថតរឿងនេះ ជាលើកទី១ហើយ ព្រោះកន្លងមកខ្ញុំ មិនដែល មានឱកាស បានសម្តែងរឿងឡើយ…» ។</span></p>
<p><span style="color: #000000;">អ្នកនាងបានប្រាប់ឲ្យដឹងថា នេះជាលើកទី១ហើយ ដែលអ្នកនាងបានសម្តែងរឿង ដោយនៅក្នុងរឿងនេះ អ្នកដឹកនាំឲ្យនាងសម្តែងជាតួសំខាន់ ក្នុងសាច់រឿង។ អ្នកនាងគិតថា ការវិលមកចាប់អាជីពសិល្បៈ ជាលើកទី២ អ្នកនាងមិនទាន់ដឹងច្បាស់ទេថា អាចទទួលបានការគាំទ្រច្រើន កម្រិតណាឡើយ ព្រោះថា នេះជាស្នាដៃដំបូង ម្យ៉ាងអ្នកនាង ក៏បាត់មុខពីសិល្បៈ ច្រើនឆ្នាំមកហើយដែរ ដូច្នេះចង់ដឹងថាយ៉ាងណា មានតែរង់ចាំមើលទាំងអស់គ្នា ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/6/10-06-07-2015--16-21-08.jpg"><img src="/FileManager/Articles/mce/2015/7/6/10-06-07-2015--16-21-08.jpg" alt="" /></a></span></p>
<p><a class="thickbox" title="" href="/FileManager/Commons/2015/7/6/11-06-07-2015--16-21-16.jpg"><img src="/FileManager/Articles/mce/2015/7/6/11-06-07-2015--16-21-16.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/6/10-06-07-2015--16-21-08.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>