<p><span style="color: #000000;"><strong>(ភ្នំពេញ)៖</strong> ជាលើទី១ដែលអតីតតារាសម្តែងកូនមួយ អ្នកនាង គឹម លីហ្សា បានផ្ទុះកំហឹងបញ្ចេញអារម្មណ៍ ខឹងខ្លាំងៗទៅលើមនុស្សម្នាក់ដែលគេសង្ស័យថា ជាអ្នកសិល្បៈ ធ្លាប់រួមអាជីពដូចគ្នា ព្រោះតែគេបានយករឿងរ៉ាវឯកជនផ្ទាល់ខ្លួន ដើរនិយាយហែកហួរ ប្រាប់ដល់អ្នកផ្សេង ក្នុងបំណងបង្ខួចកិត្តិយស និងកេរ្តិ៍ឈ្មោះរបស់ខ្លួន។</span></p>
<p><span style="color: #000000;">អតីតតារាសម្តែង អ្នកនាង គឹម លីហ្សា បើតាមការកត់សម្គាល់កន្លងមក នាងពុំធ្លាប់មានកើតជម្លោះណាជាមួយនឹងនរណាផ្សេងៗ ឬអ្នកសិល្បៈដូចគ្នាទេ ក្រៅតែពីរឿងអាស្រូវទាក់ទងជីវិតស្នេហា ឯកជននោះ។</span></p>
<p><span style="color: #000000;">ប៉ុន្តែថ្មីៗនេះ ស្រាប់តែតារាស្រីរូបនេះ បានបញ្ចេញប្រតិកម្មបង្ហាញពីអារម្មណ៍ជាសារធាណៈ នៅលើបណ្តាញសង្គមហ្វេសប៊ុកផ្ទាល់ខ្លួន ប្រាប់និងផ្តាំផ្ញើទៅភាគីនោះវិញថា<strong> «ខ្ញុំស្ទើរតែអស់ការអត់ធ្មត់ ជាមួយអ្នកឯងទៀតហើយ ហើយកុំភ្លេចថា កម្មពារទាន់ហន់ណាស់ មិនយូរមិនឆាប់ទេ !»</strong>។</span></p>
<p><span style="color: #000000;">តាមរយៈអត្ថន័យខ្លឹមសារ ដែលត្រូវបានអ្នកនាង គឹម លីហ្សា សរសេរបង្ហោះនៅលើហ្វេសប៊ុក បាននិយាយថា<strong>«ខ្ញុំស្ទើរតែអស់ការអត់ធ្មត់ ជាមួយអ្នកឯងទៀតហើយ ពាក្យចោទប្រកាន់គេទាំងគ្មានភស្តុតាង បង្កាច់បង្ខូចបំភ្លើសគ្រប់បែបយ៉ាង ដែលអ្នកតែងតែដើរចោទប្រកាន់ មកលើខ្ញុំ វាដូចជាច្រើនពេកហើយ កុំគិតថា អ្វីដែលអ្នកឯងនិយាយ ចេញមកហើយស្មានតែគេមិនដឹង ឬមនុស្សធ្វើតែទេវតាមើលឃើញមនុស្ស ខ្ញុំមិនដែលចងកម្ម ឬធ្វើបាបកម្មជាមួយនរណាទេ តែសម្រាប់អ្នកឯងវិញ សាងបាបកម្មច្រើនណាស់!»</strong>។</span></p>
<p><span style="color: #000000;">អ្នកនាង គឹម លីហ្សា បានបញ្ជាក់ទៀតថា<strong> «អ៉ីចឹងហើយបានជាជីវិតអ្នកឯង ជួបតែមនុស្សអាក្រក់ កុហកបោកប្រាស់ ហើយនិងជួបតែមនុស្សឈ្នានេះ អ្នកឯងមិនចេះចប់មិនចេះហើយ បែបអ្នកឯងសាងបាបកម្មចឹងសូមឲ្យកម្មទាំងអស់ ដែលអ្នកឯងនិយាយអាក្រក់ពីខ្ញុំ សូមឲ្យអ្នកឯងទទួលកម្មទាំងនោះ អស់មួយជីវិតអ្នកឯងទៅ កុំភ្លេចថា កម្មពារទាន់ហន់ណាស់ មិនយូរមិនឆាប់ទេ ហើយខ្ញុំនិងរង់ចាំមើលថ្ងៃ ដែលអ្នកឯងទទួលកម្ម ដែលអ្នកឯងសាង!»</strong>។</span></p>
<p><span style="color: #000000;">ទោះបីជាយ៉ាងណាក៏ដោយ គេពុំបានស្គាល់អត្តសញ្ញាណ និងដឹងច្បាស់ពីគោលបំណងរបស់ភាគីជម្លោះ តែងនិយាយដើមហែកហួរអតីតតារាសម្តែង អ្នកនាង គឹម លីហ្សា នៅឡើយទេថា តើជានណា ឈ្មោះអ្វីនោះ គ្រាន់តែមានការសង្ស័យថា អាចជាអ្នកធ្លាប់នៅក្នុងរង្វង់សិល្បៈ ជាមួយគ្នាប៉ុណ្ណោះ។</span></p>
<p><span style="color: #000000;">ម្យ៉ាងទៀតយើងក៏មិនទាន់ដឹងដែរថា រវាង គឹម លីហ្សា ជាមួយនឹងមនុស្សម្នាក់នេះ ធ្លាប់មានជម្លោះ ឬបញ្ហាអ្វីនឹងគ្នា កាលពីមុននោះឡើយ ទើបរហូតឈានដល់មានការផ្ទុះជម្លោះ និយាយដើមគ្នាទៅវិញទៅមក បែបនេះ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-11-18-12-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-11-18-17-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-11-18-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2016-12-20-11-18-28-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>