<div class="item-page">
<p><span style="color: #000000;"><strong>(ពោធិ៍សាត់)៖</strong> សាកសពបុរសម្នាក់ ត្រូវបានគេប្រទះឃើញអណ្តែតក្នុងថ្លុកទឹក ដែលគេសង្ស័យថាមកពីស្រវឹងដើរធ្លាក់លង់ស្លាប់។ ហេតុការណ៍នេះ បង្កឲ្យមានការភ្ញាក់ផ្អើល នៅរសៀល ថ្ងៃទី០៤ ខែមករា ឆ្នាំ២០១៧ នៅចំណុចផ្លូវទៅវត្តអូរសោម ស្ថិតក្នុងភូមិអូរសោម ឃុំអូរសោម ស្រុកវាលវែង ខេត្តពោធិ៍សាត់។</span></p>
<p><span style="color: #000000;">លោក ធាង ឡេង អធិការនគរបាលស្រុកវាលវែង បានឲ្យដឹងថា សាកសពជនរងគ្រោះដែលស្រវឹងដើរធ្លាក់ថ្លុកទឹកលង់ស្លាប់នោះ មានឈ្មោះ រុន សល់ អាយុ៣៧ឆ្នាំ មានស្រុកកំណើតនៅភូមិតាង៉ែត ឃុំជ្រៃ ស្រុកម៉ោងឬស្សី ខេត្តបាត់ដំបង បច្ចុប្បន្នរស់នៅភូមិឃុំកើតហេតុខាងលើ ដោយប្រកបមុខរបរមិនពិតប្រាកដ។</span></p>
<p><span style="color: #000000;">លោកអធិការបន្តថា សាកសពជនរងគ្រោះ មានពាក់អាវយឺតដៃវែងព័ណ៌ខ្មៅលាយក្រហម និងខោយឺតខ្លី ហើយបើតាមការសន្និដ្ឋានជំហានដំបូង សាកសពជនរងគ្រោះអាចស្លាប់ដោយសារផឹកស្រាស្រវឹង រួចដើរធ្លាក់ចូលថ្លុកទឹក លង់ស្លាប់តែម្តង ដែលមិនមែនជាករណីឃាតកម្មនោះឡើយ។</span></p>
<p><span style="color: #000000;">បច្ចុប្បន្នសាកសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ រៀបចំធ្វើបុណ្យតាមប្រពៃណី៕</span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/15781600_1715856885395342_7180493962462481498_n.jpg?oh=d23544baf2da8dca6bfb8c4a456c152d&oe=58EA9E56" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/15894918_1715856888728675_8269870238140373270_n.jpg?oh=43a78416e2be7465d3e17f38b604453b&oe=5917008A" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/15822949_1715856892062008_3865825154694361425_n.jpg?oh=9634944df1462b60711b1153d7e3086d&oe=58E88131" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>