<p><span style="color: #000000;"><strong>(ភ្នំពេញ)៖</strong> កីឡាការិនី Gushchina Maria អតីតជើងឯកកីឡាបាញ់កាំភ្លើងពិភពលោក ២ឆ្នាំជាប់គ្នា បានលើកឡើងថា ថ្វីត្បិតកម្ពុជា ទើបរៀបចំហេដ្ឋារចនាសម្ព័ន្ធកីឡាបាញ់កាំភ្លើងសាជាថ្មី ប៉ុន្ដែកញ្ញាសង្កេតឃើញកីឡាករ-កីឡាការិនីកម្ពុជា មានទេពកោសល្យល្អ ដូច្នេះយ៉ាងយូរ ២ឆ្នាំ ឬ ៣ឆ្នាំទៅមុខ ពួកគេនឹងក្លាយជាធនធានដ៏សំខាន់ ដែលជួយឲ្យវិស័យកីឡាបាញ់កាំភ្លើងកម្ពុជា រីកចម្រើនដូចបណ្ដាប្រទេសជិតខាង ។</span></p>
<p><span style="color: #000000;">កីឡាការិនីបាញ់កាំភ្លើងកម្រិតពិភពលោករូបនេះ បានលើកឡើងបែបនេះ នៅពេលកញ្ញាបានផ្ដល់កិត្តិយសចូលរួមបង្ហាញសមត្ថភាពក្នុងព្រឹត្តិការណ៍បាញ់កាំភ្លើងជ្រើសរើសជើងឯក លើកទី១ ដែលសហព័ន្ធកីឡាបាញ់កាំភ្លើងកម្ពុជា រៀបចំកាលពីពេលថ្មីៗកន្លងទៅ ដោយមានកីឡាករ-កីឡាការិនីប្រមាណជាង ៣០នាក់ចូលរួមនោះ ។</span></p>
<p><span style="color: #000000;">កញ្ញា Gushchina Maria បានថ្លែងប្រាប់ Khmertalking ថា កញ្ញាពិតជាសប្បាយ ដែលកញ្ញាបានមកដល់ប្រទេសកម្ពុជា ហើយឃើញទីលានបាញ់កាំភ្លើងនៅទីនេះ មានលក្ខណៈស្ដង់ដា ។ ជាពិសេសគឺកីឡាករ-កីឡាការិនីកម្ពុជាម្នាក់ៗ មានភាពឧស្សាព្យាយាម បើទោះបីពួកគេនៅខ្វះខាតបច្ចេកទេសហ្វឹកហាត់ក៏ដោយ ។ ប៉ុន្ដែប្រសិនបើពួកគេព្យាយាមបែបនេះ យ៉ាងហោចណាស់ ២ឆ្នាំទៅមុខ ពួកគេនឹងមានសមត្ថភាពគ្រប់គ្រាន់អាចចូលរួមប្រកួតលើឆាកអន្ដរជាតិជាមិនខាន ។</span></p>
<p><span style="color: #000000;">សូមបញ្ជាក់ផងដែរថា កីឡាការិនីជនជាតិរុស្ស៊ី Gushchina Maria បច្ចុប្បន្នមានវ័យ ២១ឆ្នាំ ប៉ុន្ដែមុននឹងក្លាយជាម្ចាស់ជើងឯកកីឡាបាញ់កាំភ្លើងពិភពលោក នាងធ្លាប់គ្រងតំណែងជើងឯកពានរង្វាន់ ២ស្ថាប័នធំៗទៀត ក្នុងនោះធ្លាប់ជាកីឡាករជើងឯកប្រចាំប្រទេសរុស្ស៊ីចំនួន ៧លើក និងធ្លាប់គ្រងតំណែងជើងឯកកីឡាបាញ់កាំភ្លើងប្រចាំសហគមន៍អឺរ៉ុបម្ដងផងដែរ ៕</span></p>
<p><a class="thickbox" title="" href="/FileManager/Commons/2016/3/31/08-31-03-2016--15-16-12.jpg"><img src="/FileManager/Articles/mce/2016/3/31/08-31-03-2016--15-16-12.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>