<p><span style="color: #000000;"><strong>(តេហេរ៉ង់)៖</strong> មេដឹកនាំជាន់ខ្ពស់របស់ប្រទេសអ៊ីរ៉ង់ លោក Ayatollah Ali Khamenei បាននិយាយថា សហរដ្ឋអាមេរិក គឺជាអតីតសត្រូវធំបផុត នៃបដិវត្តន៍អ៊ីស្លាមអ៊ីរ៉ង់ ដែលមិនគួរត្រូវទុកចិត្តនោះឡើយ។ នេះបើតាមការចេញផ្សាយ ដោយទីភ្នាក់ងារព័ត៌មានចិនស៊ិនហួរ នារសៀលថ្ងៃសុក្រ ទី០៣ ខែមិថុនា ឆ្នាំ២០១៦។</span></p>
<p><span style="color: #000000;">លោក Ayatolla ថ្លែងនៅថ្ងៃសុក្រនេះដូច្នេះថា «យើងបានជួបប្រទះបទពិសោធន៍រួចទៅហើយ ជាពិសេសអំឡុងពេល នៃកិច្ចពិភាក្សានុយក្លេអ៊ែរ ដែលបានបង្ហាញថាអាមេរិក នៅតែមិនបោះបង់ចោល ចេតនាចង់កម្ទេចប្រទេសអ៊ីរ៉ង់នោះឡើយ»។</span></p>
<p><span style="color: #000000;">ការលើកឡើងបែបនេះ បានធ្វើឡើងក្នុងពិធីបុណ្យ រំលឹកខួប២៧ឆ្នាំ នៃការទទួលមរណភាព របស់អតីតមេដឹកនាំកំពូល អ៊ីរ៉ង់ ជំនាន់មុនគឺលោក Ayatollah Ruhollah Khomeini។</span></p>
<p><span style="color: #000000;">គួរបញ្ជាក់ថា ក្នុងកិច្ចចរចានុយក្លេអ៊ែរអ៊ីរ៉ង់នោះ វាត្រូវបានចូលរួមដោយតំណាងមកពីប្រទេសធំៗ មួយចំនួនដូចជា អង់គ្លេស ចិន បារាំង រុស្ស៊ី សហរដ្ឋអាមេរិក និង អាល្លឺម៉ង់ ហើយជាក់ស្តែងនោះ អាមេរិកបានធ្វើការប្តេជ្ញា ក្នុងការអនុវត្តកិច្ចព្រមព្រៀងមែន ប៉ុន្តែកន្លងមកនេះមហាអំណាចលេខ១ នេះមិនបានអនុវត្តន៍ រាល់ការប្តេជ្ញាធរទាំងនោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/6/4/11a-04-06-2016--09-26-34.jpg"><img src="/FileManager/Articles/mce/2016/6/4/11a-04-06-2016--09-26-34.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>