CamNews

អ្នកស្រលាញ់វិស័យតារាសាស្ដ្រនៅអង់គ្លេស ទើបតែបានទស្សនាទិដ្ឋភាពភពសុក្រ (Venus) បញ្ចេញពន្លឺ និងតម្រៀបគ្នាជាជួរ ជាមួយនឹងព្រះចន្ទ និងភពព្រះអង្គារ នៅលើអាកាសនាពេល រាត្រី នេះបើតាមទំព័រ Mirror។ <a class="thickbox" title="" href="/FileManager/Commons/2017/1/5/venusd-05-01-2017--08-37-07.jpg"><img src="/FileManager/Articles/mce/2017/1/5/venusd-05-01-2017--08-37-07.jpg" alt="" /></a> ភពសុក្រ ព្រះចន្ទ និងភពព្រះអង្គារ តម្រៀបគ្នាជាជួរ ក្នុងបណ្ដារូបថតដែលត្រូវបានចែករំលែកនៅលើបណ្ដាញសង្គម គេឃើញថា ភពសុក្រ បង្ហាញ ខ្លួនយ៉ាងច្បាស់ និងមានពន្លឺខ្លាំងស្ថិតនៅខាងស្ដាំព្រះចន្ទ។ ចំណែកភពព្រះអង្គារ ស្ថិតនៅខាង ឆ្វេងព្រះចន្ទ ជាមួយនឹងពន្លឺស្រទន់ជាងភពសុក្រ។ Vince Lee អ្នកប្រើប្រាស់បណ្ដាញសង្គមម្នាក់ សរសេរថា ៖ “ផ្ទៃមេឃគ្មានពពកនៅ Manchester នៅពេលភពអង្គារ ព្រះចន្ទ និងភពសុក្រ តម្រៀបគ្នាជាជួរ”។ ភពសុក្រ គឺភពទីពីរក្នុងប្រព័ន្ធព្រះអាទិត្យ។ ផ្ទៃខាងលើរបស់ភពនេះ គ្របដណ្ដប់ដោយស្រទាប់ ពពកដ៏ក្រាស់ ដែលមានផ្ទុកអាស៊ីត sulfuric ។ យោងតាម EarthSky ខែមករាគឺជាពេលវេលាដែលល្អបំផុតសម្រាប់អ្នកតារាសាស្ដ្រ ក្នុងការ ពិនិត្យមើលតារានៅលើមេឃ។ អ្នករាល់គ្នាអាចមើលឃើញភពសុក្រ និងភពព្រះអង្គារ នៅពេល មើលទៅទិសខាងលិច ពេលព្រះអាទិត្យអស្ដង្គត។ ចំណែកភពផ្សេងចំនួនបីទៀត នោះគឺ ភព ព្រហស្បតិ៍ ភពពុធ និងភពសៅរ៍ (Jupiter, Mercury and Saturn) ក៏បង្ហាញខ្លួនយ៉ាងច្បាស់នៅ ប៉ុន្មានម៉ោងមុនព្រះអាទិត្យរះ៕ ប្រែសម្រួល ៖ តារា ប្រភព ៖ Mirror

ភពអង្គារ ព្រះចន្ទ និងភពសុក្រ តម្រៀបគ្នាជាជួរ លើអាកាសអង់គ្លេស