<p><span style="color: #000000;"><strong>(កណ្តាល)៖</strong> ដោយសារហូបទឹកប្តូរនិស្ស័យដែលគេនិយមហៅថាគ្រឿងស្រវឹងនោះ ធ្វើឲ្យបុរសពីរនាក់មានជម្លោះរហូតឈានដល់ការចាក់ធ្លាយពោះវៀន ។ ទោះបីយ៉ាងណា ជនដៃដល់ ត្រូវបានសមត្ថកិច្ចឃាត់ខ្លួនហើយត្រូវតុលាការឃុំខ្លួនដាក់ពន្ធនាគារបណ្តោះអាសន្ន រីឯជនរងគ្រោះស្ថិតក្រោមការសង្គ្រោះ ។</span></p>
<p><span style="color: #000000;">មន្ត្រីតុលាការ បានឲ្យដឹងថា ជនដៃដល់មានឈ្មោះ វ៉ាង សុក អាយុ១៨ឆ្នាំ ជាជនជាតិវៀតណាម ត្រូវបានលោក ផូង វណ្ណ ចៅក្រមស៊ើបសួរសាលាដំបូងខេត្តកណ្ដាល សម្រេចឃុំខ្លួនដាក់ពន្ធនាគារ កាលពីល្ងាចថ្ងៃទី២៧ ខែមិថុនា ក្រោមការចោទប្រកាន់ពីបទ ហិង្សាដោយចេតនាមានស្ថានទម្ងន់ទោស តាមមាត្រា២១៨នៃក្រមព្រហ្មទណ្ឌ ។ បទល្មើសនេះកំណត់ការផ្តន្ទាទោសពី២ឆ្នាំទៅ៥ឆ្នាំ និង ពិន័យជាប្រាក់ពី៤លានរៀលទៅ១០លានរៀល ។ </span></p>
<p><span style="color: #000000;">ចំណែកជនរងគ្រោះមានឈ្មោះ ង្វៀង យុំាងផាប ភេទប្រុស អាយុ២៥ឆ្នាំ ជាជនជាតិវៀតណាម មានមុខរបរជាកម្មករសំណង់ ។</span></p>
<p><span style="color: #000000;">គួររំលឹកថា ហេតុការណ៍អំពើហិង្សានេះ កើតឡើងគឺបន្ទាប់ពីធ្វើសំណង់ហត់នឿយបានបបួលគ្នា ទិញស្រាបៀរចំនួន១កេសផឹកស៊ី។ ខណៈកំពុងផឹកនោះ ស្រាប់តែមានទំនាស់ពាក្យសម្តីនឹងគ្នា ដោយជជែកគ្នាតឹងសរសៃកររៀងៗខ្លួន ទើបបណ្តាលឲ្យឈ្មោះ ង្វៀង យុំាងផាប ខឹងច្រឡោតស្ទុះទៅវាយឈ្មោះ វ៉ាង សុក ។ ដោយសារឈ្មោះ វ៉ាង សុក មានមាឌតូចជាង ក៏រត់ចេញទៅផ្ទះ ហើយឈ្មោះង្វៀង យុំាងផាប នៅតែបន្តដេញតាមវាយ ទើបធ្វើឲ្យឈ្មោះ វ៉ាង សុក ទ្រាំមិនបានក៏ចូលទៅយកកូនកាំបិតចាក់ទៅលើឈ្មោះ ង្វៀង យុំាងផាប ត្រូវចំពោះផ្នែកខាងស្តាំ បណ្តាលឲ្យធ្លាយពោះវៀន តែម្ដង ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/28/1-28-06-2016--09-25-11.png"><img src="/FileManager/Articles/mce/2016/6/28/1-28-06-2016--09-25-11.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/020/fn-2016-06-27-18-48-14-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/020/fn-2016-06-27-18-48-14-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>