<p><span style="color: #000000;"><strong>ស្វាយរៀង៖</strong> ក្រុមចោរប្រដាប់អាវុធចំនួន ៤នាក់ បានបើករថយន្ត Camry ឆ្លាមពណ៌ខ្មៅមួយគ្រឿង ទៅបាញ់ប្លន់ ផ្ទះលក់ថ្នាំពេទ្យ និងរកស៊ីលក់ទិញដី ស្ថិតនៅកណ្តាលក្រុងស្វាយរៀង ក្នុងភូមិចុងព្រែក សង្កាត់ស្វាយរៀង ខេត្ត ស្វាយរៀង នាព្រលប់ថ្ងៃទី២១ ខែវិច្ឆិកា ឆ្នាំ២០១៥នេះ។ សកម្មភាពប្លន់នេះ ក្រុមចោរមិនអាចយកទ្រព្យសម្បត្តិ ជនរងគ្រោះបាននោះទេ តែបានបាញ់ម្ចាស់ផ្ទះរងរបួសពីរនាក់។</span></p>
<p><span style="color: #000000;">មន្រ្តីនគរបាលក្រុងស្វាយរៀង បានឲ្យដឹងថា មុនពេលកើតហេតុជនសង្ស័យបានបើករថយន្ត ទៅឈប់នៅមុខផ្ទះ ជនរងគ្រោះ រួចបក្ខពួក ៣នាក់ បានចុះពីរថយន្តចូលទៅទិញថ្នាំពេទ្យ ស្រាប់តែកំពុងឈរទិញនោះ ជនសង្ស័យ បានដកកាំភ្លើងទៅភ្ជង់ជនរងគ្រោះជាប្តី ពេលនោះជនរងគ្រោះបានប្រតាយប្រតប់បង្ខំឲ្យក្រុមចោរបាញ់ មួយគ្រាប់ ត្រូវចំស្មា និងផ្លាតទៅត្រូវជើងកូនប្រុសអាយុ ៦ឆ្នាំ នៅពីក្រោយផងដែរ។</span></p>
<p><span style="color: #000000;">បន្ទាប់ពីបាញ់បង្កឲ្យមានការភ្ញាក់ផ្អើល ក្រុមចោរប្លន់ ២នាក់ បានបើករថយន្តចេញពីកន្លែងកើតហេតុ ខណ:២នាក់ ទៀត បានរត់គេចខ្លួន ដោយមិនបានប្រមូលយកទ្រព្យសម្បត្តិរបស់ជនរងគ្រោះនោះឡើយ។</span></p>
<p><span style="color: #000000;">មន្រ្តីនគរបាលបានបញ្ជាក់ថា ជនរងគ្រោះជាម្ចាស់ផ្ទះឈ្មោះ ឈួរ សុម៉ាលី អាយុ ៤៧ឆ្នាំរបួសស្មាឆ្វេង និង កូន ប្រុស ឈ្មោះ ឈួរ ម៉ាលីរតនៈ អាយុ ៦ឆ្នាំ របួសកែងជើងខាងស្តាំ។</span></p>
<p><span style="color: #000000;">បច្ចុប្បន្ន កម្លាំងសមត្ថកិច្ចជាច្រើននាក់ ទាំងនគរបាល និងអាវុធហត្ថ បានចុះទៅជួយអន្តរាគមន៍ និងធ្វើការសួរនាំ ជនរងគ្រោះ ដើម្បីតាមស្រាវជ្រាវចាប់ក្រុមចោរប្លន់ទាំងនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/22/122658061524441521203547502086519717536823o-22-11-2015--09-44-30.jpg"><span style="color: #000000;"><img src="/FileManager/Articles/mce/2015/11/22/122658061524441521203547502086519717536823o-22-11-2015--09-44-30.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/22/1211547415244404778703186397048079468186833n-22-11-2015--09-44-45.jpg"><span style="color: #000000;"><img src="/FileManager/Articles/mce/2015/11/22/1211547415244404778703186397048079468186833n-22-11-2015--09-44-45.jpg" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/11/22/sr-001-22-11-2015--09-45-35.jpg"><span style="color: #000000;"><img src="/FileManager/Articles/mce/2015/11/22/sr-001-22-11-2015--09-45-35.jpg" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>