<p><span style="color: #000000;"><strong>(ភ្នំពេញ)៖</strong> ជនសង្ស័យម្នាក់ ដែលតែងតែសង្ងំស្ងាត់ៗលប លួចប្រើប្រាស់នូវសារធាតុញៀន ស្រាប់តែបែកគំនិតទៅចែកចាយគ្រឿងញៀន ត្រូវកម្លាំងនគរបាលប៉ុស្ដិ៍ស្វាយប៉ាក ខណ្ឌឫស្សីកែវ ស៉ើបអង្កេតបង្ក្រាបឃាត់ខ្លួនបាន ដកហូតថ្នាំញៀន២១កញ្ចប់ និងសម្ភារប្រើប្រាស់មួយចំនួន។</span></p>
<p><span style="color: #000000;">មន្ត្រីនគរបាល បានបញ្ជាក់ថា ការស្រាវជ្រាវរហូតឈានដល់ ការបង្ក្រាបករណីជួញដូរគ្រឿងញៀននេះ បានធ្វើឡើងនៅល្ងាចថ្ងៃទី២១ ខែធ្នូ ឆ្នាំ២០១៦ ស្ថិតក្នុងក្រុម៧ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ បន្ទាប់ពីជនសង្ស័យ ម្នាក់ឈ្មោះ ចាន់ ហាវ ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅក្បែរចំណុចកើតហេតុខាងលើ បាននិងកំពុងលបលួចបន្តសកម្មភាពចរាចរគ្រឿងញៀន ទើបកម្លាំងនគរបាលមូលដ្ឋានសហការ ដោយលបឆ្មក់ឈានដល់ការបង្ក្រាប និងឃាត់ខ្លួនជនជួញដូរសារធាតុញៀននេះតែម្ដង និងដកហូតបានក្រាមសថ្លាជាថ្នាំញៀន២១កញ្ចប់ រួមទាំងសម្ភារប្រើប្រាស់មួយចំនួនផងដែរ។</span></p>
<p><span style="color: #000000;">ក្រោយបង្ក្រាប ជនសង្ស័យពាក់ព័ន្ធករណីជួញដូរគ្រឿងញៀន រួមជាមួយវត្ថុតាង ត្រូវបញ្ជូនមកឃុំខ្លួនសាកសួរ នៅអធិការដ្ឋាននគរបាលខណ្ឌឫស្សីកែវ ដើម្បីកសាងសំនុំរឿងអនុវត្តន៍ តាមនិតិវិធី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-45-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-45-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-45-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-46-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-46-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-22-09-24-46-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>