<p><span style="color: #000000;"><strong>(ភ្នំពេញ)៖</strong> នៅថ្ងៃទី១៥ ខែធ្នូ ឆ្នាំ២០១៥នេះ ជាថ្ងៃខួបកំណើតសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ជាភរិយាដ៏ឧត្តមរបស់សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ដោយនៅព្រឹកនេះសម្តេចតេជោ បានបង្ហើបបង្ហាញរំលឹកនូវរឿងរ៉ាវមួយចំនួន ដែលក្នុងឈឺចាប់ក្នុងជីវិតប្តី-ប្រពន្ធជូនសាធារណជនបានជ្រាប។</span></p>
<p><span style="color: #000000;">សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានប្រសូតចេញពីត្រកូលកសិករក្នុងភូមិទី២ ឃុំរកាខ្នុរ ស្រុកក្រូចឆ្មារ ខេត្តកំពង់ចាម នាថ្ងៃទី១៥ ខែធ្នូ ឆ្នាំ១៩៥៤។ មានលោកឪពុកឈ្មោះ លីន គ្រី (ទទួលមរណភាព) និងអ្នកម្តាយឈ្មោះ ប៊ុន ស៊ាងលី មានបងប្អូន៦នាក់ ស្រី២នាក់។</span></p>
<p><span style="color: #000000;"><strong>នៅព្រឹកថ្ងៃទី១៥ ខែធ្នូ ឆ្នាំ២០១៥នេះ សម្តេចតេជោ ហ៊ុន សែន សរសេររៀបរាប់រឿងរ៉ាវមួយចំនួននៅលើ Facebook ផ្លូវការរបស់សម្តេចដែលមានអត្តន័យទាំងស្រុងដូចខាងក្រោម៖</strong></span></p>
<p><span style="color: #000000;">«ថ្ងៃនេះជាខួបកំណើតភរិយាខ្ញុំគម្រប់ ៦១ឆ្នាំ ឈានចូល៦២ឆ្នាំ (១៥ឆ្នូ១៩៥៤.១៥ធ្នូ២០១៥)។ មុនចូលដល់រឿងរីករាយ នៃថ្ងៃកំណើតបងចង់ រំលឹករឿងឈឺចាប់ខ្លះ ក្នុងជីវិតប្តីប្រពន្ធរបស់យើងដើម្បីចែកជូនញាតិមិត្តបានជ្រាប។</span></p>
<p><span style="color: #000000;">រឿងយើងជួបគ្នា និងរៀបការបងនឹងផ្សព្វផ្សាយនាពេលខាងមុខ។ រឿងកូនកំសត់ស្លាប់យ៉ាងវេទនា កាលពីថ្ងៃ១០ ខែវិច្ឆិកា ឆ្នាំ១៩៧៦ បងបានសរសេរផ្សព្វផ្សាយរួចមកហើយ តែយើងនៅសល់រឿងរ៉ាវច្រើន ណាស់ដែលកូនៗចៅៗយើង និងបងប្អូនជនរួមជាតិចង់ដឹងចង់ ឮពីប្រវត្តិ នៃជីវិតប្ដីប្រពន្ធរបស់យើង។</span></p>
<p><span style="color: #000000;">បងចង់និយាយពីសោកនាដកម្មមួយទៀត ដែលយើងព្រាត់គ្នានៅថ្ងៃទី២០ ខែមិថុនា ឆ្នាំ១៩៧៧ ក្រោមទំនួញទុក្ខស្រីប្តីព្រាត់ នៅពេលដែលអូនកំពុងមានផ្ទៃពោះជាង៥ខែ នៃកំណើតកូនម៉ាណែត។ បងអត់មានជំរើសឲ្យល្អជាងការងើបឡើងតស៊ូដើម្បីរំដោះជាតិ និងប្រជាជនចេញពីរបបប៉ុលពតបានទេ ហើយក៏មិនអាចនាំអូនទៅជាមួយបានដែរ ព្រោះវាគ្រោះថ្នាក់ខ្លាំងណាស់។</span></p>
<p><span style="color: #000000;">មុនចេញដំណើរបងបានប្រឹងសរសេរសំបុត្រផ្ញើឱយអូន ជាមួយទឹកភ្នែករាប់ពាន់ម៉ឺនដំណក់។ សំបុត្រនោះបានទៅដល់ដៃ អូននៅថ្ងៃទី២១ ខែមិថុនា ឆ្នាំ១៩៧៧ តាមរយៈនឿននិរសារដែលមានចិត្តស្មោះត្រង់។</span></p>
<p><span style="color: #000000;">លិខិត២ទំពរ័សរសេរដោយដៃចំណុចដែលបងចាំមិនភ្លេចគឺនូវវគ្គដំបូង និងវគ្គចុងក្រោយ។ វគ្គដំបូង (មកដល់ប្រពន្ធដ៏កំសត់របស់បង ពេលអូនកំពុងអាននូវសំបុត្រនេះរូបបងកំពុងស្ថិតនៅយ៉ាងឆ្ងាយ ឆ្ងាយរហូតដល់រូបបងមិនដឹងថាខ្លួនឯង នៅទីណាផង)។ បងប្អូនអ្នកអានអាចឆ្ងល់ហេតុអ្វីមិនអាចដឹងបានថាខ្លួននៅទីណា? នេះហើយជាជីវិត នៃអ្នកតស៊ូដែលចាប់ផ្តើមចលនាថ្មីមិនដឹងស្លាប់ឬរស់? មិនដឹងទៅទិសខាងណា?។</span></p>
<p><span style="color: #000000;">វគ្គចុងក្រោយនៃលិខិត(បងសូមលាហើយ, លាដើម្បីជួបគ្នាវិញដោយគ្មានពេលកំណត់)។ ឃ្លាចុងក្រោយបង្កប់ដោយន័យមានសង្ឃឹមផង និងគ្មានសង្ឃឹមផង។ ការព្រាត់លើកនេះមិនដឹងព្រាត់រស់ឬព្រាត់ស្លាប់។ ចាកចោលប្រពន្ធ និងកូនក្នុងផ្ទៃជាមួយ ទឹកភ្នែករាល់ថ្ងៃដោយ អាណិតប្រពន្ធ អាណិតប្រជាជនដែលរបប ប៉ុលពតធ្វើបាបនិង កាប់សម្លាប់រាល់ថ្ងៃ។</span></p>
<p><span style="color: #000000;">ថ្ងៃ៧ មករា១៩៧៩ បានផ្តល់ឱយប្រជាជនកម្ពុជាគ្រប់រូប ដែលនៅសេសសល់ពីការកាប់សម្លាប់បានរស់រានមានជីវិត បង្កើតកូនបង្កើតចៅយ៉ាងច្រើនក្នុង នោះក៏មានក្រុមគ្រួសារខ្ញុំដែរ។</span></p>
<p><span style="color: #000000;"><strong>ថ្ងៃនេះប្រពន្ធខ្ញុំអាយុគ្រប់៦១ឆ្នាំ គាត់ជាមនុស្សស្រីស្អាតជាងគេសំរាប់ខ្ញុំ។ ឯខ្ញុំក៏ជាមនុស្សប្រុសស្អាតជាងគេសំរាប់គាត់។ សំណាបយោងដី ស្រីយោងបុរស់ បងមានថ្ងៃនេះក៏មានចំណែករបស់អូនក្នុងនាមជាភរិយាល្អ ម្ដាយល្អ និងជីដូនល្អ។</strong></span></p>
<p><span style="color: #000000;">ជូនពរអូនសុខភាពល្អ និងកុំភ្លេចបូមខ្សល់ឱយបងផង ព្រោះមានតែអូនទេ ដែលមានសិទ្ធិផ្តាច់មុខបូមខ្យល់ឱយប្តី»៕</span></p>
<p><a class="thickbox" title="" href="/FileManager/Commons/2015/12/15/12-15-2015-10-19-17-am-15-12-2015--10-27-00.png"><img src="/FileManager/Articles/mce/2015/12/15/12-15-2015-10-19-17-am-15-12-2015--10-27-00.png" alt="" /></a></p>
<p><a class="thickbox" title="" href="/FileManager/Commons/2015/12/15/12-15-2015-10-19-40-am-15-12-2015--10-27-10.png"><img src="/FileManager/Articles/mce/2015/12/15/12-15-2015-10-19-40-am-15-12-2015--10-27-10.png" alt="" /></a></p>
<p><a class="thickbox" title="" href="/FileManager/Commons/2015/12/15/12-15-2015-10-19-54-am-15-12-2015--10-27-23.png"><img src="/FileManager/Articles/mce/2015/12/15/12-15-2015-10-19-54-am-15-12-2015--10-27-23.png" alt="" /></a></p>
<p><a class="thickbox" title="" href="/FileManager/Commons/2015/12/15/12-15-2015-10-20-08-am-15-12-2015--10-27-35.png"><img src="/FileManager/Articles/mce/2015/12/15/12-15-2015-10-20-08-am-15-12-2015--10-27-35.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>