<p>មនុស្សប្រមាណជា ៤.០០០នាក់បានប្រមូលផ្ដុំគ្នានៅតាមដងផ្លូវក្នុងក្រុងបាងកក ដើម្បីបង្ហាញ<br />ការប្រឆាំងចំពោះការលើកលែងទោសផ្នែកនយោបាយ ដែលត្រូវបានគេមើលឃើញថាជាវិធី<br />បើកផ្លូវអោយអតីតនាយករដ្ឋមន្ដ្រី ថាកស៊ីនស៊ីណាវ៉ាត្រា បានចូលមកប្រទេសវិញ។<br /><br class="Lead" /></p>
<p><img src="http://vnexpress.net/Files/Subject/3b/bd/78/9f/thai-lan.jpg" border="1" alt="" width="480" height="270" /></p>
<p><em>បាតុករប្រឆាំងនឹងការលើកលែងទោសអោយលោកថាកស៊ីន</em><em></em></p>
<p class="Normal">កាលពីថ្ងៃទី ៣០ឧសភា ក្រុមបាតុករអាវលឿង បានប្រមូលផ្ដុំគ្នានៅខាងក្រៅវិមានរដ្ឋសភា<br />ថៃ អំពាវនាវអោយរាជរដ្ឋាភិបាលរបស់លោកស្រី យ៉ីងឡាក់ ពន្យាពេលការអនុម័តលើសេចក្ដី<br />ព្រាងច្បាប់ផ្សះផ្សាជាតិ។</p>
<p class="Normal">គណបក្ស ភឿថៃ បានថ្លែងថា សេចក្ដីព្រាងច្បាប់នេះនឹងជម្រុញអោយមានការផ្សះផ្សាជាតិ<br />ដែលអនុញ្ញាតអោយមានការលើកលែងទោសដល់អ្នកទោសនយោបាយក្នុងរយៈពេល ៦ឆ្នាំ<br />កន្លងមកនេះ។ ប៉ុន្ដែ ក្រុមបាតុករបានអោយដឹងថា ពួកគេមានការព្រួយបារម្ភថា សេចក្ដីព្រាង<br />ច្បាប់នេះនឹងធ្វើអោយវិស័យច្បាប់របស់ថៃត្រូវធ្លាក់ចុះ។ ចំណែកក្រុម PDA ក៏បានចូលរួមក្នុង<br />ការបញ្ចេញមតិ បើទោះជាពួកគេបានចំណេញពីសេចក្ដីព្រាងច្បាប់នេះ ដោយសារតែមាន<br />ជាប់ទាក់ទឹននឹងការបិទព្រលានយន្ដហោះអន្ដរជាតិបាងកក កាលពីឆ្នាំ ២០០៨។</p>
<p class="Normal">VOA ដកស្រង់សំដីបាតុករម្នាក់អោយដឹងថា<em> ៖ "សេចក្ដីព្រៀងច្បាប់ផ្សះផ្សាជាតិនេះនឹងជួយ<br />អោយលោក ថាកស៊ីន និងអាជ្ញាធរលោកថាកស៊ីន បានវិលមកវិញ ដូច្នេះយើងត្រូវតែរារាំង<br />បញ្ហានេះ"។</em></p>
<p class="Normal">គួររំឭកថា ក្រុមអាវលឿងបានចោទប្រកាន់អតីតនាយករដ្ឋមន្ដ្រី ថាកស៊ីន អំពីអំពើពុករលួយ<br />និងប្រើប្រាស់អំណាចខុសច្បាប់អស់រយៈពេល ៥ឆ្នាំនៃការកាន់អំណាច។ ឆ្នាំ ២០០៨ តុលា<br />ការមួយបានកាត់ទោសអោយលោកជាប់ពន្ធនាគារ ២ឆ្នាំ ក្រោមបទអំពើពុករលួយ ប៉ុន្ដែលោក<br />ថាកស៊ីន បាននិរទេសខ្លួនទៅនៅក្រៅស្រុក។ បច្ចុប្បន្ន លោកកំពុងរស់នៅក្នុងក្រុង Dubai<br />(UAE)។ កាលពីចុងឆ្នាំ ២០១១ លោកថាកស៊ីនត្រូវបានគេអនុញ្ញាតអោយធ្វើអត្តសញ្ញាណ<br />ប័ណ្ណនៅប្រទេសថៃឡើងវិញ។</p>
<p class="Normal">ក្រុមអ្នកវិភាគនិយាយថា ការព្យាយាមនាំលោកថាកស៊ីនចូលស្រុក អាចនឹងធ្វើអោយកើតមាន<br />អស្ថេរភាពនយោបាយថ្មីទៀតនៅប្រទេសថៃ៕</p>
<p style="text-align: right;"><strong></strong>ដោយ ៖ សូរីយ៉ា<br />ប្រភព ៖ VE</p>