<p><span style="color: #000000;"><strong>(ញូដេលី)៖</strong> មនុស្សយ៉ាងហោចណាស់ ២០នាក់បាត់បង់ជីវិត ក្នុងនោះមានមេបញ្ជាការយោធា ២នាក់ និង ពលទាហាន ១៨នាក់ ព្រមទាំងនាយទាហាន ១៧នាក់ទៀតរងរបួស បន្ទាប់ពីអគ្គីភ័យបានឆាបឆេះ ឃ្លាំងស្តុកគ្រាប់ និងអាវុធជាតិផ្ទុះធំជាងគេ បណ្តាលឲ្យផ្ទុះឡើងដ៏កក្រើក ស្ថិតនៅរដ្ឋ Maharashtra ភាគខាងលិច ប្រទេសឥណ្ឌា។ នេះបើតាមការចេញផ្សាយមុននេះបន្តិច ដោយទីភ្នាក់ងារព័ត៌មានចិន ស៊ិនហួរ នារសៀលថ្ងៃអង្គារ ទី៣១ ខែឧសភា ឆ្នាំ២០១៦។</span></p>
<p><span style="color: #000000;">អគ្គីភ័យខាងលើនេះបានកើតឡើង កាលពីវេលាម៉ោង ១ទៀបភ្លឺថ្ងៃអង្គារនេះ ម៉ោងទីក្រុងញូដេលី ដោយមូលហេតុនៃការផ្ទុះឆេះនេះ នៅមិនទាន់មានការបញ្ជាក់ ពីយោធានោះទេ។ ដោយឡែកប្រជាជន នៅជុំវិញតំបន់នោះប្រមាណជាង ១,០០០នាក់ ត្រូវបានអាជ្ញាធរជម្លៀសចេញទៅកន្លែងមានសុវត្ថិភាព ទាំងយប់តែម្តង។ ចំពោះនាយករដ្ឋមន្ត្រីឥណ្ឌាលោក ណារិនដ្រា ម៉ូឌី បានចេញសារថ្លែងមរណទុក្ខភ្លាមៗ ក្រោយកើតហេតុតែប៉ុន្មានម៉ោងប៉ុណ្ណោះ។</span></p>
<p><span style="color: #000000;">គួរបញ្ជាក់ថា ឃ្លាំងស្តុកគ្រាប់ក្នុងមូលដ្ឋានយោធា Pulgaon នៅភាគខាងលិចឥណ្ឌានោះ គឺជាឃ្លាំងដ៏ ធំបំផុតក្នុងប្រទេស មានចម្ងាយ ១១០គីឡូម៉ែត្រពីទីក្រុង Nagpur របស់រដ្ឋ Maharashtra ។ ទីតាំង ឃ្លាំងនេះក៏ធ្លាប់ទទួលបានពានរង្វាន់ផងដែរ ទៅការប្រើប្រាស់ថាមពលព្រះអាទិត្យ ដើម្បីការពារផលប៉ះពាល់ទៅ ដល់អាវុធជាតិផ្ទុះទាំងឡាយ ប៉ុន្តែពេលនេះអគ្គីភ័យបានកើតឡើង នាំឲ្យមានការសង្ស័យថាជាទង្វើរបស់ មនុស្សជាក់ជាមិនខាន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/31/15b-31-05-2016--14-53-59.jpg"><img src="/FileManager/Articles/mce/2016/5/31/15b-31-05-2016--14-53-59.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>