<p><strong>ភ្នំពេញ៖</strong> កញ្ញា ជេស ស៊ីកា គឺជាតារាសម្តែង និងបង្ហាញម៉ូដវ័យក្មេង ដែលកំពុងតែឆក់ បានទីផ្សារ សម្តែងច្រើន ខណៈកេរ្តិ៍ឈ្មោះ និង ប្រជាប្រិយភាព ក៏ហាក់មានភាព លេចធ្លោ តាមរយៈការដើរម៉ូដ សម្តែងខ្សែភាពយន្ត ក៏ដូចជាចម្រៀង កាយវិកាខារ៉ាអូខេ និងថតស្ប៉ត ពាណិជ្ជកម្មជាដើម។</p>
<p>ត្បិតតែតារាស្រីរូបស្រស់ កញ្ញា ជេស ស៊ីកា ទើបតែឈានជើងចូលប្រឡូក ក្នុងអាជីពជាតារាសម្តែង និងបង្ហាញម៉ូដ ក៏ពិតមែន ប៉ុន្តែតារាវ័យ២១ឆ្នាំ សាច់សខ្ចីរូបនេះ បានបង្ហាញមហិច្ឆតាយ៉ាងខ្ពស់ថា នៅថ្ងៃអនាគតខាងមុខនេះ សន្ទុះនៃការគាំទ្ររបស់នាង នឹងហក់ឡើងខ្លាំង អាចជួយឲ្យនាង ចាប់បានភាពល្បីឈ្មោះ ដូចតារារៀមច្បងមិនខាន។</p>
<p>ជួបសំណេះសំណាល តាមទូរស័ព្ទជាមួយ គេហទំព័រ LookingTODAY នៅព្រឹកថ្ងៃទី៦ ខែឧសភា ឆ្នាំ២០១៤នេះ កញ្ញា ជេស ស៊ីកា បានលាត្រដាង អំពីខ្សែជីវិត ក្នុងការងារសិល្បៈរបស់ខ្លួន ប្រាប់ឲ្យដឹងថា នាងចាប់អាជីព ជាតារាសម្តែង និង បង្ហាញម៉ូដ អស់រយៈពេល ជិត២ឆ្នាំមកហើយ គឺចាប់តាំងពី ចុងឆ្នាំ២០១២ មកម្ល៉េះ។</p>
<p>កញ្ញា ជេស ស៊ីកា បានបន្តថា "ចាប់តាំងពីខ្ញុំចូលសិល្បៈដំបូង រហូតមកដល់ពេលនេះ ធ្លាប់សម្តែ ងខ្សែភាពយន្ត បានចំនួនពីររឿង ដែលខ្សែរឿងទី១ មានចំណងជើងថា ព្យុះស្នេហ៍សេសាន និងរឿងទី២ គឺ ម្ចាស់វិមានភូមិគ្រឹះ របស់ផលិតកម្មកូនខ្មែរ។ ប៉ុន្តែខ្ញុំមិនទាន់បាន តំណែង ជាតួឯកនោះទេ គឺបានត្រឹមតែតួមួយដួង នៅក្បែរតួឯកប៉ុណ្ណោះ អាចនិយាយបានថា ជាតួរងក៏បាន.."។</p>
<p>តារាសម្តែងស្រី ជេស ស៊ីកា បានរៀបរាប់ឲ្យដឹងទៀតថា រាល់ថ្ងៃនេះក្រៅពីសម្តែងខ្សែរឿង នឹងដើរម៉ូដនាង ក៏ក្តាប់បានឱកាសសម្តែង ឈុតកាយវិការ ខារ៉ាអូខេ ឲ្យបណ្តាផលិតកម្មធំៗ ក្នុងស្រុកមួយចំនួនដូចជា ផលិតកម្មរស្មីហង្សមាស ផលិតកម្មថោន និង សាន់ដេជាដើម។ ទន្ទឹមគ្នានេះ នាងក៏មានគម្រោង ថតខ្សែរឿងថ្មី នៅអំឡុងខែកក្កដា ឆ្នាំ២០១៤ ខាងមុខនេះ។</p>
<p>កញ្ញា ជេស ស៊ីកា បានដាក់ការរំពឹង ទៅថ្ងៃអនាគតថា ខ្លូននឹងទទួលបានការគាំទ្រ និងជោគជ័យខ្លាំង ពីអាជីពជាតារាសម្តែង និងបង្ហាញម៉ូដ ។ ស្ថិតក្នុងវ័យ២១ឆ្នាំ កញ្ញា ជេស ស៊ីកា បច្ចុប្បន្នមានបងប្អូន ចំនួន៥ នាក់ នាងជាកូនទី៤ ក្នុងចំណោម បងប្អូនទាំងអស់។ កញ្ញា ជេស ស៊ីកា មានដើមកំណើត នៅក្នុងទីក្រុងភ្នំពេញ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-099/v_0102.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-099/v_0103.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-099/v_0104.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-099/v_0105.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-099/v_0106.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/30082-2014-05-07-03-12-43.html" target="_blank">ផ្តល់សិទ្ធដោយ ៖ ដើមអម្ពិល</a></p>