<p><span style="color: #000000;">ភ្នំពេញ ៖ ឆ្នាំ២០១៥ កាន់តែខិតជិតមកដល់ធ្វើអោយ មនុស្សទូទាំងពិភពលោក រង់ចាំអបអរឆ្នាំថ្មី ហើយជាមួយគ្នានោះដែរ ក្រុមហ៊ុន ភេជ្ជៈកម្ពុជា កូកា-កូឡា ក៍បានរៀបចំកម្មវិធី តន្ត្រីទេសចរណ៍ កូកា-កូឡា របស់ខ្លួន ដ៍ធំបំផុត នៅកម្ពុជា ដើម្បីបើកទំពរ័ថ្មី សំរាប់ឆ្នាំ ២០១៥ខាងមុខនេះ។</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/coca-08-01-2015--16-24-36.jpg"><img src="/FileManager/Articles/mce/2015/1/8/coca-08-01-2015--16-24-36.jpg" alt="" /></a><br /></span></p>
<p><span style="color: #000000;">តន្ត្រីកូកា-កូឡា បានប្រារពឡើង ៤ឆ្នាំ កន្លងមកហើយ ដែលក្នុងឆ្នាំ២០១៥នេះ នឹងបន្តធ្វើឡើង ជាលើកទី៥ របស់ខ្លួន ជាមួយកម្មវិធី “ចែងចាំងដូចតារា”។ ក្នុងនោះដែរ កម្មវិធីនេះ នឹងចាប់ផ្តើមដំបូងគេ នៅក្នុងខេត្តសៀមរាប នាថ្ងៃទី ៣១ ធ្នូ ឆ្នាំ២០១៤ ជាមួយការប្រឡង ជ្រើសរើសសមត្ថភាព ផ្នែកចម្រៀង នៅតាមស្រុកនីមួយៗ មុនការប្រគំតន្ត្រី ផ្សាយផ្ទាល់ ដ៍កក្រើក ក្នុងការ បើកទំព័រថ្មី សំរាប់ឆ្នាំ ២០១៥ នៅអង្គរឃ្យុងយូ នាថ្ងៃទី ២ មករា ឆ្នាំ២០១៥ (ពីម៉ោង ៦ល្ងាច ដល់ ១០យប់)។</span></p>
<p><span style="color: #000000;">ក្នុងនោះដែរ ក៍មានវត្តមាន តារាចម្រៀង ល្បីៗប្រចាំ ព្រះរាជាណាចក្រកម្ពុជា ជាច្រើន ដូចជា កញ្ញា ឱក សុគន្ធកញ្ញា លោក ខេមរៈ សិរីមន្ត លោ ឆាយ វីរៈយុទ្ធ និង តារាចម្រៀងល្បីៗជាច្រើនដួងទៀត។ព្រឹត្តិការណ៍ ដ៍កក្រើកនេះ រៀបចំឡើងរយៈពេលបី ខែ ពីខែ មករា ដល់ខែ មីនា នៅក្នុងខេត្ត-ក្រុងចំនួន ១០ រួមមាន សៀមរាប បន្ទាយមានជ័យ បាត់ដំបង កំពង់ឆ្នាំង ព្រះសីហនុ កំពត កណ្ដាល ព្រៃវែង កំពង់ចាម និង រាជធានីភ្នំពេញ។</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/coca-02-08-01-2015--16-24-45.jpg"><img src="/FileManager/Articles/mce/2015/1/8/coca-02-08-01-2015--16-24-45.jpg" alt="" /></a><br /></span></p>
<p><span style="color: #000000;">បេក្ខជន បេក្ខនារីជាប់តាមបណ្ដាខេត្តនីមួយៗ នឹងមកប្រកួតវគ្គផ្ដាច់ព្រ័ត្រនៅ រាជធានីភ្នំពេញ នាខែ មីនា ឆ្នាំ២០១៥។ ជយលាភីក្នុងកម្មវិធី នឹងមានឱកាសក្លាយជាតារាចម្រៀងអាជីព និង ល្បីឈ្មោះដូចជាតារាមួយចំនួនក្នុងព្រះរាជាណាចក្រ កម្ពុជា។ តន្ត្រីកូកា-កូឡា បានឈរលើមូលដ្ឋាន ២ គឺ ជាវេទិកាសម្រាប់យុវជនខ្មែរ បង្ហាញទេព្យកោសល្យ ផ្នែកសិល្បៈចម្រៀង របស់ខ្លួនទៅកាន់ ពិភពលោក និងជាកន្លែង ផ្សារភ្ជាប់ សិល្បៈតន្ត្រីសម្រាប់កំសាន្តប្រកបដោយ គុណភាព។</span></p>
<p><span style="color: #000000;">សូមតាមដានទស្សនា កម្មវិធី តន្ត្រីកូកា-កូឡា ដែលធ្វើការផ្សាយផ្ទាល់តាមរយៈ ស្ថានីយទូរទស្សន៍ MY TV រៀងរាល់ថ្ងៃសុក្រ វេលាម៉ោង ៨យប់៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/coca-01-08-01-2015--16-24-54.jpg"><img src="/FileManager/Articles/mce/2015/1/8/coca-01-08-01-2015--16-24-54.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>