<div class="ja-content-main">
<div class="article-content">
<p>បាត់ដំបង ៖ អំពើហិង្សាក្នុង គ្រួសារមួយ បានកើតឡើង បណ្តាលបុរស ជាឪពុកក្មេកស្លាប់ ដោយតែកូន ប្រសាប្រុសវាយ នឹងចបកាប់ ។</p>
<p>ហេតុការណ៍នេះ បានកើតឡើងកាលពីវេលាម៉ោង៧យប់ថ្ងៃទី៤ ខែមិថុនា ឆ្នាំ២០១៤ នៅភូមិស្រឡៅ ជ្រុំ ឃុំជ្រៃសីមា ស្រុកសំពៅលូន ខេត្តបាត់ដំបង ។</p>
<p>នគរបាលមូលដ្ឋាន បានឲ្យដឹងថា ជនសង្ស័យដែលសម្លាប់ឪពុកក្មេក មានឈ្មោះសាន ចំរើន អាយុ២៤ឆ្នាំ រស់នៅក្នុងភូមិកើតហេតុ ។ ចំណែកជន រង គ្រោះជាឪពុកក្មេកមានឈ្មោះប៉ូ បឿន ភេទប្រុស អាយុ៥៧ឆ្នាំ រស់នៅភូមិកើតហេតុជាមួយគ្នា ។</p>
<p>ប្រភពព័ត៌មានបានបន្តថា មុនពេលកើតហេតុ ជនរងគ្រោះឈ្មោះប៉ូ បឿន បានវាយប្រពន្ធរបស់ខ្លួន ដែល ជាម្តាយក្មេករបស់ឃាតក ឃើញដូចនេះ ជនសង្ស័យ ជាឃាតកទ្រាំនិងអំពើហិង្សា ខាងលើមិនបាន ក៏យកចបកាប់ វាយសម្លាប់ឪពុកក្មេកចំនួន ៧ចបកាប់ ស្លាប់តែម្តង ។</p>
<p>ប្រភពព័ត៌មានបានឲ្យដឹងបន្តថា ជនសង្ស័យជាឃាតក មានកូន៤នាក់ ហើយរបស់ឃាតកបានទៅការនៅប្រទេសថៃបាត់ហើយ។</p>
<p>បច្ចុប្បន្នជនសង្ស័យត្រូវបាននគរបាលស្រុកសំពៅលូន កសាងសំណុំរឿងបញ្ជូនមកកាន់ស្នងការដ្ឋាននគរ បាលខេត្តបាត់ដំបង ដើម្បីចាត់ការបន្ត៕</p>
<p><img title=" " src="http://image.dap-news.com:81/dap-news/dap-images/2014/June/id-011/Hong-0097.jpg" alt="" width="500" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>