<p>ការរកស៊ីផ្លូវភេទរបស់និស្សិតស្រីម្នាក់ នៅក្រុង London មិនត្រឹមតែអាចរកបានប្រាក់ដើម្បីបង់ថ្លៃសលានោះទេ ថែមទាំងទិញបានផ្ទះទៀតផង។</p>
<p>ការណីនេះ ធ្វើឱ្យនគរបាលក្រុង London ប្រទេសអង់គ្លេស ចាត់វិធានការចំពោះនិស្សិតស្រី នៅសកលវិទ្យាល័យ Westminster ខាងលើដែលបានលក់ខ្លួន ដើម្បីយកប្រាក់មកបង់ថ្លៃសាលា។</p>
<p style="text-align: center;"><a class="thickbox" title="" href="/FileManager/Commons/2013/10/10/london2-10-10-2013--23-28-49.jpg"><img src="/FileManager/Articles/mce/2013/10/10/london2-10-10-2013--23-28-49.jpg" alt="" /></a></p>
<p style="text-align: center;"><em>Donna Asutaits អាយុ ៣០ឆ្នាំ កំពុងប្រឈមនឹងការជាប់ពន្ធនាគារ ដោយសារមិនបង់ពន្ធ រកស៊ីផ្លូវភេទ</em></p>
<p>Donna Asutaits ត្រូវបានគេចាប់បានភ័ស្ដតាង នៅពេល កំពុងលក់ផ្លូវភេទ ទៅឱ្យភ្ញៀវម្នាក់ ក្នុងតម្លៃ ប្រហែល ១,៦០០ដុល្លារអាមេរិក ។នៅពេលពិនិត្យលិខិតផ្ទាល់ខ្លួនរបស់ Donna Asutaits ទើបនគរបាលដឹងថា នាងគឺជានិស្សិតនៃសកលវិទ្យាល័យ Westminster នៅក្រុង London ប្រទេសអង់គ្លេស។<br /><br />យោងតាមសំដីរបស់ Donna Asutaits នាងបានចាប់ផ្ដើមរកស៊ីផ្លូវភេទ តាំងពីឆ្នាំ ២០០៣ បន្ទាប់ពីមានមិត្តម្នាក់មកបបួល ដោយពន្យល់ថា ការរកស៊ីផ្លូវភេទ អាចឱ្យនាងរកប្រាក់បានច្រើនដើម្បីបង់ថ្លៃសាលា និងការចំណាយផ្សេង។ ប្រភពបានឱ្យដឹងថា ប្រាក់រកបានពីការលក់ផ្លូវភេទរបស់ Donna Asutaits មិនត្រឹមតែជួយឱ្យនាងអាចបង់ថ្លៃសាលា និងចាយវាយប៉ុណ្ណោះទេ តែថែមទាំងទិញបានផ្ទះមួយខ្នង។<br /><br />នគរបាលបានបង្ហើបឱ្យដឹងថា ក្នុងអំឡុងពេលរកស៊ីផ្លូវភេទ Donna Asutaits មិនដែលបានបង់ប្រាក់ពន្ធលើប្រាក់ចំណូលរបស់នាងនោះទេ ហើយប្រសិនមិនបង់ប្រាក់ធានាខ្លួន ចំនួន ២៨០,០០០ ដុល្លារ នាងនឹងត្រូវជាប់ពន្ធនាគារប្រហែលជាង ២ឆ្នាំ។</p>
<p style="text-align: center;"><a class="thickbox" title="" href="/FileManager/Commons/2013/10/10/london3-10-10-2013--23-29-18.jpg"><img src="/FileManager/Articles/mce/2013/10/10/london3-10-10-2013--23-29-18.jpg" alt="" /></a></p>
<p>Donna Asutaits បានរៀបរាប់ប្រាប់ថា ការសិក្សាដែលត្រូវចំណាយប្រាក់ច្រើន ធ្វើឱ្យនាងពិបាករស់នៅ ដូច្នេះនាងក៏បានសម្រេចចិត្តធ្វើជានារីរកស៊ីផ្លូវភេទ។ នៅពេលបានដឹងព័ត៌មាននេះ ក្រុមគ្រួសាររបស់ Donna Asutaits មានការភ្ញាក់ផ្អើល និងពិបាកចិត្តជាខ្លាំង ចំពោះស្ថានភាពរបស់កូនស្រីខ្លួន។</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ dailymail/ metro<br /><br /><br /></p>
<p> </p>
<p> </p>
<p> </p>
<p><a class="thickbox" title="" href="/FileManager/Commons/2013/10/10/london3-10-10-2013--23-29-18.jpg"><img src="/FileManager/Articles/mce/2013/10/10/london3-10-10-2013--23-29-18.jpg" alt="" /></a></p>