<div class="article-content">
<p><strong>ភ្នំពេញ ៖</strong> ស្ដ្រី ២នាក់ ម្នាក់ជាអ្នកបើក និងម្នាក់ទៀត ជាអ្នករួមដំណើរដែលសមត្ថកិច្ច មិនទាន់<br />ស្គាល់អត្ដសញ្ញាណនោះ បាន បើករថយន្ដទាំងស្រវឹង ជ្រុលទៅបុករបាំង ដែកចែកទ្រូងផ្លូវ <br />បណ្ដាលឱ្យបាក់អស់ចំនួន ១០ផ្ទាំង រួចហើយពួកគេទាំង ២នាក់ បាន បន្ដដំណើរ ទាំងរថយន្ដ<br />បែកកង់ខាងឆ្វេង នៅសល់តែយ៉ាន់ ។</p>
<p>ប៉ុន្ដែ រថយន្ដបង្កត្រូវ បានពួកគេទាំង ២នាក់ ទុកចោលនៅតាម បណ្ដោយផ្លូវព្រះសីហនុ ក្នុងសង្កាត់<br />វាលវង់ ខណ្ឌ ៧មករា ជិតវត្ដមហាមន្ដ្រី រួចហើយ គេចខ្លួនបាត់ដោយសុវត្ថិភាព ។</p>
<p>ប្រភពព័ត៌មាន ពីសមត្ថកិច្ចមូលដ្ឋាន បានឱ្យដឹងថា គ្រោះថ្នាក់ចរាចរបង្កឡើង ដោយស្ដ្រី ២នាក់ខាង<br />លើ បើករថយន្ដទៅ បុករបាំងដែកចែកទ្រូងផ្លូវ បណ្ដាលឱ្យបាក់ និងទ្រេតចំនួន ១០ផ្ទាំងខាងលើនេះ<br />បាន កើតឡើង កាលពីវេលាម៉ោង ៣ និង៤០ នាទីព្រឹកទៀបភ្លឺ ចូលថ្ងៃទី២៩ ខែឧសភា ឆ្នាំ ២០១៣ <br />ស្ថិតនៅតាមបណ្ដោយផ្លូវព្រះ សីហនុ មុខបណ្ណាគារអន្ដរជាតិ ក្នុងសង្កាត់ ចតុមុខ ខណ្ឌដូនពេញ ។</p>
<p>សមត្ថកិច្ចមូលដ្ឋានបានបន្ដថា មុនពេល កើតហេតុ រថយន្ដកាមរីឆ្លាម ១គ្រឿង ពណ៌ត្រីឆ្លូញ ពាក់<br />ស្លាកលេខភ្នំពេញ 2O-2470 បើកដោយស្ដ្រីម្នាក់ និងរួមដំណើរ ម្នាក់ទៀត ដែលគេមិនទាន់ស្គាល់<br />អត្ដសញ្ញាណ ក្នុងទិសដៅពីកើតទៅលិច ។លុះ ដល់ចំណុចកើតហេតុ ប្រហែលជាស្រវឹង ខ្លាំង ទប់<br />ចង្កូតរថយន្ដមិននឹង បានជ្រុលទៅ បុករបាំងដែក ចែកទ្រូងផ្លូវបណ្ដាលឱ្យបាក់ និងទ្រេតចំនួន ១០<br />ផ្ទាំង ។</p>
<p>ប្រភពព័ត៌មាន ពីសមត្ថកិច្ចដដែលបានបន្ដថា ក្រោយពីបង្ក គ្រោះថ្នាក់ចរាចររួចមក ពួកគេទាំង ២<br />នាក់ បានបើករថយន្ដគេចខ្លួនទាំងកង់រថយន្ដ ខាងឆ្វេងបែកនៅសល់តែយ៉ាន់ ហើយពេល បើកទៅ<br />ដល់ជិតវត្ដមហាមន្ដ្រី ទើបពួកគេ ទាំង ២នាក់ ដោយសារតែដឹងថា សមត្ថកិច្ច តាមពីក្រោយនោះ ក៏<br />ឈប់រថយន្ដ ហើយ ទុករថយន្ដចោល រួចក៏គេចខ្លួនតែម្ដងទៅ។</p>
<p>ក្រោយកើតហេតុ និងប្រទះឃើញរថយន្ដ ខាងលើនេះរួចមក កម្លាំងសមត្ថកិច្ចបាន ស្ទូចយករថយន្ដ<br />ពួកគេ ទៅរក្សាទុកនៅ ការិយាល័យ ចរាចរជើងគោក ដើម្បីចាត់ ការតាមផ្លូវច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0908.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0909.jpg" alt="" width="500" /></p>
<p style="text-align: center;">ផ្តល់សិទ្ធិដោយ៖ ដើមអំពិល</p>
</div>